Justin Timberlake na Lupe Fiasco kupanda Mlima Kilimanjaro

April 30, 2009

 JustinTimberlake460 Mwanamuziki Justin Timberlake na Rapper Fiasco Lupe wataungana na muimbaji Kenna katika kampeni ya Maji safi kwa kupanda Mlima Kilimanjaro.

Nia ya kupanda mlima kilimanjaro ni kuchangia mradi ambao ulianzishwa na Kenna ambaye ni mzaliwa wa Ethipia, ikumbukwe kuwa nyingi ya nchi za Africa bado suala la Maji safi ni kitendawili.

Justin amesema kuwa anakuwa akifanya mazoezi mara mbili kwa wiki ili kuzoeza mapafu yake kwa ajili ya kubeba hewa ya Oksijeni ya kutosha ambayo inahitajika sana wakati wa kupanda mlima huo wenye urefu wa M 5800.

Tutapanda kwa wiki nzima huku tukiwa na mzigo wa paundi karibu 30 mgongoni, kazi ni kubwa mbele yetu alisema Timberlake akiongea na GQ.

Naye Kenna alisema ”Baba yangu nusura afariki kwa ajili ya tatizo la maji miaka hiyo…” nina marafiki wengi sana ambao wako tayari kusaidia kampeni hii hivyo ni lazima tuifanikishe alisema Kenna.

Kwa mujibu wa mtandao wa gazeti la Guardian wastani wa wapandaji 10 hufariki kila mwaka katika harakati za kuupanda mlima huo mrefu kuliko yote Barani Afrika.

Waandaaji wamepanga upandaji ufanyike kipindi hiki cha majira ya kipupwe.

Nakuacha na kibao Whats Goes Around Comes Around toka kwake Justin Timberlake!!


%d bloggers like this: