SCOLARI ATIMULIWA KAZI CHELSEA!!

Luiz Felipe Scolari

Klabu ya Chelsea ya Uingereza hatimaye imesitisha kibarua na kumfukuza kazi kocha wake Luiz Felipe Scolari hapo jana. Kocha huyo m-Brazili mwenye umri wa miaka 60 ambaye kwa kiasi kikubwa aliweza kupata mafanikio na Timu za Taifa mbalimbali ikiwemo Portugal ambayo alitokea ameshindwa kuwafurahisha matarajiri wa Chelsea na kufanya aendelee na kibarua.

Scolari ndiye aliyewapandisha Brazir huko Japan mwaka 2002 na kuwasimamisha Uingereza kwenye robo fainali kwa kiasi kikubwa alipewa matumaini makubwa ya kuiendeleza klabu ya Chelsea na moja ya mikataba aliyopewa ni kuiwezesha Chelsea kuchukua vikombe viwili vikubwa cha MAbingwa na kombe la  Premier League.

Sio Scolari pekee kwani hata kocha wa klabu ya Portsmouth Tony Adams, ambaye aliwahi kuwa Kepteni wa timu ya Taifa ya Uingereza naye pia ametimuliwa. Scolari anaungana na Kevin Keegan, Roy Keane, Juande Ramos, Alan Curbishly na Paul Ince ambao kwa pamoja wamekubwa na kimbunga cha utashi wa ushindi toka kwa waajiri wao.

Katika mkataba wa awali Scolari alitakiwa kutumikia Klabu hiyo kwa miaka mitatu kwa mshahara wa paund £6.25m kwa mwaka ambapo mshahara huo ulikuwa unamfanya kuwa Kocha anayelipwa mshahara mkubwa kuliko wote katika dunia hii ya soka. Scolari ambaye mashabiki wanalinganisha mafanikio yake na Mportugees José Mourinho ambaye aliiwezesha klabu ya Chelsea kuchukua vikombe mara mbili kwenye ligi na kusema kuwa hana lolote jipya.

Scolari anafanya idadi ya makocha tangu tajiri Abramovich achukue Klabu hiyo ndani ya miaka 5½ kuwa wanne ambao wengine ni Claudio Ranieri na Avram Grant ambaye aliiwezesha Chelsea kufikia European Cup final ambapo walipokwa tonge mdomoni na Manchester.

JE NANI UNAFIKIRI ANAFAA KUMRITH SCOLARI?

Advertisements

Chelsea Chelsea “mlibwani???”

.

Niko na Mheshimiwa Zungu, Mbunge wa Ilala ndani ya Shah Alam Stadium tukifuatilia mechi ya Chelsea na Kombaini ya Timu ya Taifa ya Malaysia wakati Chelsea ilipofanya ziara ya Asia na kucheza michezo mbali mbali. Chelsea twaipenda basi tuu wapenzi msife moyo hiki ni kipindi cha mpito hata Man U walipitia.

Chelsea yaibuka kidedea kwa Man City kwenye “Mchezo wa Kitajiri”

Wachezaji wa Man City wakimpongeza Robinho baada ya kupachika bao la kwanza dhidi ya mchezo wao na Chelsea leo

Klabu ya Chelsea usiku huu imeibuka mbabe wa mchezo kati yake na Man City kwa kuitungua mabao matatu kwa moja (3-1) katika mchezo “wa kitajiri” uliokuwa ukisubiriwa kwa hamu kubwa.

Huku akilipa limbikizo la ada ya uhamisho ilovunja rekodi ya Paund £32.5million, Robinho aliweza kuwafanya Man City waongoze dakika ya 13 ya mchezo kwa kupachika bao safi la free kick na kufanya Man City iongoze, bao lao lilidumu kwa dakika tatu tu kwani Chelsea kupitia kwa Ricardo Carvalho iliweza kuasawazisha bao lile na kufanya ngoma kuwa droo mpaka mapumziko, Dakika ya Frank Lampard alipachika ao safi la pili kwa Chelsea na kufanya mayowe ya Man City kuanza kuzizima, Chelsea walizidi kulisakama langoo la Man City na kufanikiwa kuongeza kimoja kupitia kwa mchezaji mkongwe Nicolas Anelka na kufanya mabao kuwa 3-1. Hata hivyo nahodha John Terry alitolewa kwa kadi nyekundu baada ya kucheza madhambi.

Essien kukosekana uwanjani kwa Miezi Mitano!!

Essien akiwa Ghana

Mchezaji Michael Essien atakosa kuonekana uwanjani kwa kipindi kisichopungua miezi mitano na nusu tokea sasa imefahamika. Essien ambaye alikuwa akiwakilisha nchi yake ya Ghana kwenye mtanange wa awali wa kugombea nafasi kombe la Dunia 2010 nchini Africa ya kusini aliumia vibaya kiwiko cha mguu Ghana ilipocheza na Libya huko Tripol wiki iliyopita. Daktari wa klabu ya Chelsea amethibitisha na kusema kuwa Essien anahitaji kufanyiwa upasuaji wa haraka na atafanyiwa upasuaji huo wiki ijayo, jambo ambalo linahitaji muda zaidi ili aweze kucheza tena.

Hili ni pengo kwa kocha Fellipe Scolari kwani Essien yumo kwenye kikosi chake cha kwanza, na mpaka sasa Essien ameshakosa mechi ya ufunguzi na haijulikani atarejea lini uwanjani.

Mchezaji wa Chelsea apigwa adhabu mwaka mmoja nje!!

Slobodan Rajkovic akiongea na wanahabari

Mchezaji mserbia anayechezea Klabu ya Chelsea Slobodan Rajkovic amepata adhabu ya kifungo cha mwaka mmoja kucheza soka kwenye mashindano yeyote baada ya kitendo cha kumtemea mate refa kwenye michezo ya Olympic mwezi jana.

Adhabu hiyo imetangazwa jana na Shirikisho la soka duniani FIFA kupitia kamati yake ya nidhamu iliyokutana pamoja na mambo mengine kujadili suala hili. ‘Kamati imeamua kukufungia Slobodan Rajkovic kwa miezi 12 kwa kitendo chako cha kumtemea mate refa hapo 13 August 2008 baada ya mechi kati ya  Argentina na Serbia ilisema sehemu ya taarifa hiyo. Adhabu hii itahusu mechi zote za kitaifa na kimataifa na zile za vilabu pia, iliongeza taarifa hiyo.

Kwa wapenzi wa Chelsea

Lampard na Eisen

• Je unapenda kuwa unapata habari za timu yako?
• Je unapenda kujua goal bora kwenye mechi ambazo Chelsea imecheza?
• Je ungependa kuchat na mashabiki na wakati mwingine na wachezaji wa Chelsea moja kwa moja online?
• Na mengine mengi basi gonga hapa ujiandikishe upate uhondo.

Chelsea kumchukua Kaka kwa dau la kuvunja rekodi ya mwaka!

Kaka huenda akaenda Chelsea

LONDON: Mchezaji wa AC Milan nyota Mbrazili Kaka anakaribia kutua kucheza English Premier League kwa klabu ya Chelsea kwa kile kinachosemwa rekodi ya dunia ya uhamisho ya Paund £80milioni (sawa na 100mil euros), alisema mshauri wa Kaka jana.

Kama kaka ataondoka itakuwa pigo kwa mshambuliaji Ronaldinho ambaye alisema amefurahi sana kucheza timu moja na Kaka na ni katika vito vilivyomfanya asisite kuhamia timu hiyo ni kuwepo kwa Kaka. na msemaji wa Kaka ambaye ni Meneja wake binafsi Diogo Kotscho aliongeza kuwa pande zote mbili ziko tayari kumaliza deal hiyo na kuifanikisha.

“Real Madrid walitaka kutoa euro 90milioni msimu uliopita kwa mchezaji Kaka lakini Milan hawakuwa tayari kumuachia kwa wakati huo, alisema” Kotscho akiongea na gazeti la The Guardian.

“Wakati huu ni tofauti na nafikiri huu ni muda muafaka wa kufanya hii deal, ni wakati pekee tunafikiri huu mpango twaweza ufanikisha na hii ni kwa sababu ya hali ya kifedha iliyopo klabuni hivyo ni muda muafaka kumalizana na jambo hili”.

Kama Kaka atakwenda Chelsea basi mashabiki wanaipa nafasi kubwa kwa kampeni yake ya kuchukua vikombe vyote viwili ambao ndio mission ya mmiliki wa klabu hiyo alipomkabidhi jahazi Philipe Scollari.

Wakati huo huo Chelsea imekataa mpango wa Real Madrid wa kubadilishana Samuel E’too na wao wamtoe Didie Drogba. HAbari kamili inakuja.