“Nilaumuni mimi kwa matokeo mabaya msimu huu” Wenger

Kocha Arsene Wenger

Kocha wa Arsenal kibabu Arsene Wenger amesema kuwa kama kuna mtu anayepaswa kulaumiwa kwa matokeo mabaya ya klabu yake kwa msimu huu basi ni yeye.

Wenger amekaririwa akisema hayo na BBC kufuatia kipigo kingine hapo jana walipocheza na Bolton na kufungwa bao 2-1.

Arsenal wamebakiza michezo minne mkononi huku wakiwa nyuma ya vinara Manchester United ambayo itakutana na Arsenal jumapili ijayo, Kama wakishinda Man U basi huu utakuwa msimu wa sita kwa Arsenal kumaliza bila kikombe.

Gonga hapa kusoma zaidi

‘Eto’o + Euro milioni 10 = Adebayor’

Emanuel Adebayor uwanjani

BARCELONA inajiandaa kutuma ofa ya kutaka kumchukua Emmanuel Adebayor wa Arsenal kwa kumbadilisha na mshambuliaji wake Samuel Eto’o na kutoa euro milioni 10, kwa mujibu wa gazeti la Sport.

Gazeti hilo la kila siku la Catalan linaamini kuwa ombi lake la kutaka kumchukua mshambuliaji huyo kutoka Emirates litapata nguvu wiki hii.

Eto’o thamani yake ni euro milioni 30, ina maana kuwa kwa kuongeza euro milioni 10 itakuwa imefikia dau linalotakiwa na Arsenal.

AC Milan ilikuwa ikimtaka mshmabuliaji huyo wa Arsenal, lakini imeonekana kusuasua baada ya timu yake kuonekana kushikilia dau la kuuzwa mchezaji huyo ni euro milioni 40.

Kocha Pep Guardiola wa Barcelona, amekuwa akitaka kumchukua mshambuliaji mwenye nguvu baada ya kutangaza kuwa Eto’o hayumo kwenye mipango yake na taarifa zinasema Adebayor ni kipaumbele cha kocha huyo.