Satellite Plus 2: Zawadi ya Christmass toka kwa Werasson kwa Mashabiki wake

January 22, 2013

image

Kama Video haichezi bofya picha hiyo.

Mwanamuziki Werasson Ngiama usiku wa tarehe 26 alizindua Single yake mpya ijulikanayo kama Satellite Plus 2 ambayo ime kwenye albamu yake mpya ijayo.

Uzinduzi huo ulifanyika huko Matongee kwa mashabiki wake na mbele ya meya ya mji huo Mheshimiwa Meya Jean-Claude Kadima na pia rais wa muungano wa wanamuziki wa Congo Kiamuangana Mateta Verckys ambao kwa pamoja walinunua CD na DVD ya single hiyo. Ikumbukwe kuwa Werasson alikuwa pia akisherehekea siku yake ya Kuzaliwa kwani yeye amezaliwa Tarehe 25 December na ndio asili ya jina lake la Noel.

Werasson na kundi zima la Wenge Musica Maisson Mere waliufunga mwaka jana kwa kupiga concert mbili kubwa moja siku ya tarehe 29 katika mji wa N’Djili na nyingine tarehe 30 katika viwanja vya Assossa Kasavubu.

Show zote mbili zilifana sana na Werason na kundi lake la Wenge Musica Maison Mère walitambulisha singo yake mpya ijulikanayo kama Satellite Plus 2 ambayo ni moja ya nyimbo zilizomo kwenye albamu yake hii mpya ijayo ya Flèche Ingeta ezui ezui. Wimbo huo ulilipua mashabiki waliokuwa wamefurika kwenye viwanja hivyo na kuonyesha kuufurahia pale Roi de la Forêt Werrason Ngiama Makanda alipoimba na mashabiki kutaka kuurudia mara kwa mara.

Advertisements

Historia ya Werasson ndani ya Kitabu

November 13, 2012

Hadji Le Jeebenique

Nadhani Werrason ni mmoja wa wanamuziki wa Congo wenye washabiki wengi sana hapa nchini na Africa kama sio duniani kiujumla.Lakini kwa muda mrefu mashabiki na wapenzi wake hao wamekua wakimfahamu Le Roi De La Forret Papaa na Exocee Mobali ya Mama Pastor Sylvie Mampata kijuu juu tu.Lakini safari hii mashabiki wake na wa muziki kiujumla hususan wanafamilia wa wenge wamepewa fursa maalum ya kumjua nguli huyu wa muziki wa congo kupitia kitabu maalau ambacho kimeshachapishwa kikielezea historia ya mwanamuziki huyo binafsi na katika harakati zake za kujiingiza kwenye muziki,kuwa star na mpaka sasa kumiliki bendi kubwa na yenye mafanikio makubwa pia.

Dondoo za yaliyomo kwenye kitabu hicho ni kwamba ndani ya kitabu hicho werrason anaelezea kwa mfano wenge musica ilivyozaliwa.Katika hilo Werrason anasema mwanzoni kabisa walikua yeye Werra,Aime Buanga,Jean Belix Luvutula,Didier Masela na Christian Zitu,ambapo Aime Buanga alichukuliwa kama muanzilishi wa kundi kutoka na yeye kujitolea nyumba ya wazazi wake alimokua akiishi itumike kama sehemu ya kufanyia mazoezi ya kundi lao hilo na pia Didier Masela nae kwa upande mwingine akichuliwa kama muanzilishi pia kutokana na kwamba wazo la kuanzisha bendi lilitoka kwake.Lakini wakati fulani kwenye siku hizo hizo za mwanzo mwanzo za kundi lao Aime Buanga alitaka kuachana na kundi hilo changa ili aendeleze kipaji chake kwenye sanaa za mapigano (martial arts) huku akimpa masharti rafiki yake werrason kwamba kama unataka nirudi kundini na wewe jiunge na mimi kwenye sanaa za mapigano(martial arts) sharti ambalo kwenye kitabu hiki werra anadai alilitekeleza kwa kujumuika na swahiba wake kwenye martial arts.

Wakati ya Werrason na Aime Buanga yakiendelea hivyo kwa upande mwingine Didier Masela alikua shule nje ya Kinshasa katika mji mdogo uitwao Mbanza Boma pamoja na Alain Makaba.Baadae huku nyuma Jb Mpiana akafika kuja kujiunga na bendi ambapo werra anasema katika kitabu hiki akamueleza “rafiki yangu nimesikia wewe ni muimbaji mzuri sana kama hitajali naomba uniimbie wimbo kidogo nikusikie na mimi” baada ya kauli hiyo ya werra jb inaelezwa akaimba wimbo uitwao “Abidjan” wa Viva la Musica uliotungwa na Debaba,ambapo Werrason mwenyewe na kila aliekuwepo pale wakavutiwa nae sana kiasi cha kumpigia makofi kwa wingi na watu wote,baada ya hapo werra akapendekeza Jb ajiunge na bendi ambapo Jb alikubali bila kusita.Siku hiyo miongoni mwa waliomshuhudia Jb akiimba pamoja na werrason ni Didier Masela na Jean Belix.Na aliyemleta na kumtambulisha Jb hapo kundini alikua ni Jean Belix Luvutula ambae walikua wakiishi jirani na alikua akimuona Jb akiimba mtaani.

Baadae Blaize Bula akaletwa na Makaba kujiunga na bendi kama mpiga drums kutokana na kwamba alikua mpiga drum wa bendi ya shule waliyokuwa wakisoma lengo likiwa aje achukue nafasi ya binamu yake werrason  aliyekwenda kwa jina la Ladins Montana ambae ndio alikua mpiga drums,lakini Sele Bula akaonekana hana muonekano wa bcbg lakini Makaba kwa kujua kipaji cha Sele kwenye uimbaji pia akasisitiza aingizwe kundini.Hivyo wakawa wamempata Blaize(sele)Bula kama muimbaji,na kwa upande mwingine Jb ambae alikua tayari kundini alikutana na Tata Mobitch Adolphe Dominguez ambae alikua ni mtoto wa tajiri mkubwa sana Congo lakini pia akiwa na dancer mzuri akicheza sana nyimbo za DEFAO.Jb na Adolphe baada ya kujuana kutokana na Jb kuvutiwa na uvaaji wa Adolphe wakatokea kuwa marafiki wakubwa huku Adolphe akimpigisha Jb pamba za ukweli kiasi cha kung’aa mbaya miongoni mwa wanabendi,ndipo baadae Jb akamtambulisha Adolphe kwa Werrason na wengine kundini ambapo wakaanza kumfundisha muziki Adolphe hapo hapo kundini huku yeye akilipa fadhila kwa kuwafadhili upande wa mavazi kupitia utajiri wa babake!

Kitabu kimeongelea mambo mengi hatuwei maliza ngoja nitoe dondoo za alichozungumzia werra kuhu su maisha yake binafsi.Katika maisha yake binafsi werra anasema alikutana na mkewe kipenzi Mama Pastor Silvie Mampata akiwa shule kupitia rafiki yake kipenzi wakati huo aitwae Wasenga Kipuni.Sylvie alikua ni binti wa mfanyabiashara tajiri na aliutumia utajiri wa babake kuisadia sana wenge huyu mama kupitia kwa werrason.

Kuhusu mgawanyiko kitabu kinaeleza kwamba ni uamuzi wa Jb kurekodi “Feux de l’amour” kwa kuwashirikisha wanamuziki wengine toka nje ya wenge kama alivyofanya Alain Makaba kwanza kwenye album yake solo iitwayo “Pile ou face” hapo ndipo mgogoro wa kiuongozi ulipoanza kuibuka,ambapo baada ya mafanikio ya Feux de l’amour Jb kwa kushirikiana na SIMON SIPE ambae ndie alikua meneja wao akisimamia kila kitu mpaka production zao wakanogewa na kutaka kutoa album nyingine solo ya pili ya Jb,hapo ndipo werra alipokasirika na kuitangaza album yake Kibuisa mpipa huku akiwa hana hata nyimbo moja wakati huo akiitangaza ila tu alitaka kumuonyesha Jb kwamba hawezi kutoa album solo ya pili wakimtazama tu.

Baada ya hapo bendi ikagawanyika na werra  ili kushindana na Jb akawa na mawazo ya kuanzisha tu bendi haraka haraka na kuanza kuperfom matokeo yake akachemsha sana mwanzoni kwenye concerts zake za awali zikawa “flop” mpaka ndugu zake wanaotoka kijiji kimoja kina Marie Paul wakamuonea huruma na kuamua kumsaidia ambapo Marie alimpa bure mwanamuziki wake JDT na yeye mwenyewe akawapata watu kama Didier Lacoste, Adjan n.k. ndipo mambo yakaanza kwenda vizuri sasa na kutoa FORCE INTERVENTION RAPIDE. Ambapo badae mwandishi wa kitabu hiki nae alimpa wazo werra la kutarget zaidi concerts za watu wa kawaida kuliko za VIP kama wafanyavyo Bcbg, pia werra akapata msaada mkubwa toka kwa mamaa Tshala muana, baadae wakapata kazi ya kwanza ulaya kwa kualikwa kwenda kupiga London ambapo muandishi wa kitabu hiki alifanya kazi ya ziada kwa ku organize umati wa watu kwenda kumpokea werra na bendi yake airport katika safari ambayo masela aliachwa kin na ikawa mwisho wako kundini.


Cindy Olomide Mpenzi wa Koffi anayetamba Quartier Latin

October 4, 2012

Ukiachilia mbali akina Mbili Abel, Tshalla Muana ama akina Skolla Miel kwa muda mrefu Congo ilikuwa haina mwanamuziki mwingine wa kike kwenye ramani ya dunia ya muziki hasa mbele za mashabiki wa Lingala ambao wakoo ndani na nje ya Congo yenyewe.

Anaitwa Cindy Olomide, huyu bidada alikwenda kufanya interview kwa Koffi akiwa na wanadada wenzake akiwamo Monica Maire na Meje 30 ambaye  kwa kiasi kikubwa aliibuliwa na mwanamama Tshalla muana na aliwahi kuja naye Tanzania kwenye onyesho la Club E wakapiga pamoja na Mukullu Bin Adam Tshituka katika ukumbi wa Ubungo Blue Pearl.

Cindy Olomide licha ya kuwa mwanamuziki anayetamba sana kwenye bendi ya Koffi Olomide pia ni mmoja wa wake wa Koffi Olomide na ni mmoja wa wanahisa wa Quartier Latin ya Koffi Olomide. Mwanadada huyu ambaye mapenzi yao kwenye sanaa yalipelekea mcheza sinema maarufu hapa Tanzania Steven Kanumba marehemu kujifananisha na wawili hawa Koffi na Cindy na yeye na Lulu ambaye yuko rumande sasa akituhumiwa kusababisha kifo cha mpenziwe Kanumba nao waliitana Mopao na Cindy (Gonga hapa usome). Inawezekana hii ilikuwa kwa sababu Cindy alikuwa na mahusiano ya kimapenzi na Boss wake ambaye ni Koffi na ndivyo ilivyokuwa kwao. Sio nia yangu kulizungumzia sana hilo ila ni katika kunogesha story yangu, Mungu amlaze marehemu Pema peponi.

Cindy amejizolea umaarufu kwa kuzirudia nyimbo hasa za taratibu na kumfanya Koffi kubakia vinywani mwa mashabiki kila mara, Koffi ambaye mapema mwaka huu alifungua jumba lake la kifahari amesema anataka kuweka studio ndani ya jumba hilo ili aweze kurekodi nyimbo zake mwenyewe. Awali akiongea na Zakarie Bababaswe mtangazaji mkongwe wa burudani Koffi alisema kuwa ana hazina ya nyimbo zaidi ya 100 ambazo ameshaandika bado kurekodi. Mopao uko juu.


Sultan De Bruneil Kaskinto wimbo wa JB Mpiana ulisababisha mtafaruku Brunei

November 23, 2011

Wimbo wake JB Mpiana- Sultan De Bruneil Kaskinto ilikuwa kwenye albamu ya Tojou Humble au TH, ikiwa ni majibu kwa mwanamuziki Werason alipotoa Albamu ya Solola Bien akimwambia JB Mpiana sema tena na JB akamjibu mi ni mnyenyekevu daima.

Katika Wimbo huu ambapo JB alitaka kujifananisha na Mfalme wa Brunei na kuwapa shavu baadhi ya washabiki wake huko Nchini Brunei hali haikuwa hivyo kwani ni mwaka jana tuu wananchi waliandamana na kutumia picha za wimbo huo kwa kile walichotafsiri wao ni muonekano wa familia ya kifalme kwani familia ya Kifalme inalaumiwa kwa kuponda starehe na kutumia mamilion ya dola za walipa kodi kwa ajili ya maisha yao binafsi, hasa mtoto wa kiume wa mfalme huyo ambaye anajulikana kwa kuponda maraha na mkali wa wanawake jambo ambalo ni kinyume kwa wananchi wa nchi hiyo ambao wengi wao ni wadini.

Awali akiongea nami kwa njia ya email mmoliki wa blog ya Papar Demokrasi (asubuhi ya Demokrasia) Saifudin Alhadawi alitaka nimwambie maana ya wimbo huu. “Ni mfalme wetu, hatujui mnasema nini juu yake, mbona kuna wanawake wanacheza nusu uchi? ilihoji sehemu ya email hiyo ndefu iliyoandikwa kwa Kiingereza na Bahasa Malayu ambayo ni lugha inatumika huko.

Baada ya kupitia Blog ile nikaona picha za maandamano ambazo nilizichapisha kwenye Blog yangu ya kwanza ambayo ilifungwa na Google pamoja na akaunti yangu ya Youtube.

Baada ya kutafuta maana ya wimbo ule na kuwasiliana na Saifudin akaniambia Blog yake haiko hewani ila tafsiri ile waliitumia kwenye gazeti la Borneo Bulletin.

Akijibu kupitia kwa webmaster wake Guy Guy Mpeye, JB alinijibu kuwa hakuwa na leo hilo kabisa kwani yeye alifananisha maisha ambayo mfalme wa Brunei anaishi na huku ikifahamika kuwa Brunei wananchi wake wanaishi kwa raha kwa sababu ya hazina ya mafuta iliyo nayo.

Leo nakuletea tafsiri ya Wimbo huo kama ilivyokokotolewa na Wenge BCBG die hard member Mwambungu nakati ya Tunduma.

Wimbo: Sultan De Bruneil

Mtunzi: JB M’piana

Album: TH

Bendi: Wenge BCBG

Yela no nga bolingo nayo

Oyo ezali lokola mbuma

Elengi Oyo ezanga mokuwa

Lokola mbinzo oyo etonda

Saveur Le sultan de Bruneil

Ooh Kas Kaskito mobali ya

Malonga.

Unipe mapenzi yako laini kama tunda

tamu lisilo na mfupa kama jongoo

aliyezidishwa ladha jina lake Sultan

wa Brunei Kas Kaskito mwanamume

mtanashati

Mokolo Kaskito abengaki ngai

il faut omona presence ya Kaskin

teint d’ ebene, sourire eclatant na

ba frime mobali ya solo jeune homme

a` louer Aaah jeune homme elegant

Siku kaskito aliniita mara ya kwanza

muonekano wake ulikua wa pekee

rangi ya ngozi yake mti wa mpingo

tabasamu inayovutia pia

mwanamume mwenye maringo

Ba proposition nyonso basalaki ngai

pe ya sango oo peau elegant na

carisme ya ba amoureux ee

Maombi mapenzi niliyopewa na

na Kaskin Kaskito mobali ya tembe

Kaskin Kaskito mwanaume

mwenye sifa nyingi na mvuto wa

mapenzi.

Po ba professeur bayebisaki

Ngai soki mokolo abengi yo il

Faut otelema

IL faut oyoka nano, tango

Mosusu okotinda yo, il se

Peut ako kabela yo

Po mwana etinda akufaka

nzala te eloba bakulutu uu

Maman.

Walimu walinifahamisha kama

ukiitwa na mtu mzima inabidi

kusimama inatakiwa kumsikiliza

kwanza wakati mwingine anaweza

akakutuma au akakupa zawadi

kwamba mtoto anayekubali

kutumwa hawezi kufa njaa

mababu walisema.

Eeeh aaah toi c’est moi, moi

c’est ton remede d’amour (2x)

Eeeh aaah wewe ndio mimi, mimi

ndio dawa yako ya mapenzi

Chorus:

Ba banda bolingo batika

Miso etondaka te nakolula

eluli ye, iya olele

Eluli kaskito iya olele

Bolingo kwitikwiti imaole

Iya olele

Bolingo kwitikwiti imaole

Iya olele (2x)

Kwitikwiti kwitikwiti

Walioanza kupenda hawajachoka

Kolinga teo, iya olele

kupenda, iya olele

Macho hayachoki kupenda

yamechagua, iya olele

Yamemchagua Kaskito, iya olele

Mapenzi ni ulevi imaole iya olele

Mapenzi ni ulevi imaole iya olele

ulevi ulevi

Shai Ngenge

Que je me pende Lisette

Menga pour te prouver

que je t’aime

Wawa Mbula, Lucien Katanga

Hugue Mazomba

Que je me plonge dans le feu

Pour te prouver que je t’aime

Sabena Wanani, Didi Ongwari

Kijokolo

Nijiue Lisette Menga ili uamini ya

kama nakupenda

Wawa Mbula, Lucien Katanga

Hugue Mazomba

Nijitupe motoni ili uamini ya kama

nakupenda

Sabena Wanani, Didi Ongwari

Kijokolo

JB M’piana

Non non non non moi je t’aime

Oh Mimi Kas, Papy Kas I love you

Pusana pembeni nga natala kitoko

nayo

Papa leki Carly moi je t’aime oh seka

moke nga natala nzela ya mino nayo

aa aa aa aa koloba na moto te

RPT Chorus

kweli kweli mimi nakupenda

mimi Kas, Papy Kas nawapendeni

sogea karibu nione uzuri wako

Baba mdogo Carly mimi nakupenda

cheka kidogo nione mwanya

wako aa aa aa usimwambie mtu yeyote


SABABU RASMI ZA MGAWANYIKO WA WENGE MUSICA BCBG 4X4 TOUT TERRAIN NA MIAKA MITATU YA MWANZO YA BCBG NA MAISON MERRE (Sehemu ya II)

August 31, 2011

Majuzi tuliona jinsi Wenge kuanzia Mwanzo ilivyoaanza mpaka ilipofikia kumeguka kwa JB Mpiana na Werason (Kama uliikosa bofya hapa), Leo hii tunaanza kuiangalai Wenge BCBG ya JB Mpiana. Endelea…

Shukrani za kipekee kwa Hadji Le Jbnique kwa kukokotoa na kutohoa habari hii mpaka leo unaisoma wewe, Respect Grand Rapids nakati ya USA.

image

Adolph Dominguez, Blaise Bulla, Werrason, Didie Masela na Allain Makaba

walikuja kushtuka na kugundua Kina werra hawako nao tena wenge ilipopata contract kwa jitihada za SIPE kwenda kutumbuiza Ulaya Katika ukumbi wa BATACLAN,Paris na wakati huo huo kuitumia nafasi hiyo kwenye kufanya album ya TITANIC huko huko Paris

Wenge BCBG ilizaliwa JB Mpiana akiwa kiongozi wa bendi,Blaize Bula akiwa Chef d’orchestre,Alain “Prince” Makaba akiwa artistic Director na SIMON SIPE akiwa producer. Waimbaji wakiwa JB mwenyewe, Alain Mpela, Aimelia Lyase Demingongo na Blaize Bula, wapiga guitar Alain Makaba,Burkinafaso Mbokalia na Japonais(solo & rhythm),Patient Kusangila(rhythm & Bass), Titina(Drums), Ali Mbonda, Seguin Mignon(Tumba), Theo Bidens (keyboard), na Powerful AtalakUs toka kwao Roberto Ekokota “Le Grand Chibuta na Tutu Caluggi.

image

Kundi la Wenge Musica BCBG 1987, Kwenye Mic ni Werrason na JB Mpiana, Picha na Wikipedia

Mwanzoni wanamuziki wengi wa kawaida kundini humo akiwemo Alain Mpela ambae amekiri walikua hawajui kinachoendelea walikua wakidhani bado ni wenge musica ileile moja kwa kuwa mpaka nyimbo za album ya TITANIC walizifanyia mazoezi pamoja (nadhani ndio maana hata tukisikiliza kwa makini TITANIC na FORCE INTERVENTION RAPIDE zinavyoanza ni kama zinafanana)na kwa wenge walivyokuwa wanafanya kazi,ilikua ni kawaida kwao wakati mwingine kupiga show hasa local wakiwa hawajakamilika wote,sometimes wanaweza kuwepo wote akamiss labda makaba na blaize bula au hao wakawepo akamiss werrason, au wote wakawepo akamiss JB,

Hivyo basi kitendo cha werra,adolphe na didier masela hakikuwashangaza na kuwafanya wahisi labda kuna mgawanyiko wa bendi tayari,wakajua ni utamaduni wa wenge wa kawaida si unajua mastaa wakiwa kundi moja tena,japo walikua wanajua mitafaruku imekuwa ikiendelea mara kwa mara katika maisha ya wenge lakini si yakufikia kuzigawa bendi.

Lakini walikuja kushtuka na kugundua Kina werra hawako nao tena wenge ilipopata contract kwa jitihada za SIPE kwenda kutumbuiza Ulaya Katika ukumbi wa BATACLAN,Paris na wakati huo huo kuitumia nafasi hiyo kwenye kufanya album ya TITANIC huko huko Paris.,ndipo katika hali isiyo ya kawaida wakiwa na katika maandalizi ya ziara hiyo ambayo hupewa kipaumbele sana na wanamuziki wa congo wakawa wanashangaa mbona jamaa hawaonekani hata mazoezini wakati kuna safari nzito kama hiyo!na ilikua ni katika kipandi hicho hicho pia ambapo Ali Mbonda akaingia kwenye historia ya kuwa mwanamuziki wa kwanza kuitosa bendi mpya ya WENGE BCBG kwenda kwa kina WERRASON baada ya jina lake kutokuwemo kwenye trip nyeti kama hiyo huku jina la msaidizi wake chipukizi wakati huo katika kupiga mbonda (tumba) Seguin Mignon likichukua nafasi yake(Seguin sasa hivi ndio mpiga drums namba moja wa BCBG).

Kwa hiyo hiyo ndio ikawa safari yao ya kwanza ulaya bila kina werrason,wakapiga show hiyo hapo chini kama wanavyoonekana huku wakihitajika kutoa maelezo ya kina kwa mashabiki kuwaeleza kilichotokea huko nyumbani Kinshasa na kupelekea kujiweka pembeni na wenzao(werra,adolphe na masela),Ekokota yupo kundini hapo anaonekana akifanya kazi na Tutu Caludji “no.1”.

na

Baada ya Ali Mbonda kujiondoa kundini baada ya kukerwa na kutojumuishwa kwenye safari ya ulaya jambo ambalo limekua la kawaida mno kwa Ali na wanamuziki wengi offcourse wa congo wanapokosa kuwemo kwenye tour za Ulaya,Mtu wa pili kujiondoa BCBG akawa ROBERTO EKOKOTA mara baada ya concert hiyo ya BATACLAN hapo juu aliamua kupumzika kutokana na matatizo ya kiafya hali iliyomfanya ashindwe hata kuweka Atalaku zake kwenye album ya TITANIC na kumuacha Tutu Caludji amalize kila kitu mwenyewe,ndio vile tunaisikia TITANIC mpaka leo,pale ni bila le Grand Chibuta Ekokota,angeshiriki sijui ingekuwaje,mi sijui tuwaachie wenyewe!.

Baada ya kumaliza recording ya TITANIC walirejea nyumbani congo wakimuacha Alain Makaba huko ulaya kwake ambako alishakua amehamia. Walipofika Congo wakawakuta kina werrason ndio wameshaitengeneza bendi yao wanajiandaa Force Intervention Rapide(Lakini walikua bado hawajaipa hilo jina, maana nalo lina hadithi yake halikuja tu kama mvua),Baada ya mapumziko mafupi ya safari ya ulaya kazi ikaanza kwa Chef d’Orchestre Blaize Bulla Kuanza kutafuta vijana wa kuwa recruit. Hapa walihitaji mpiga bass yani pure bassist atakaeziba pengo la Didier Masela badala ya kumtegemea Patien Kusangila ambae kiasili alikua ni mtu wa rhythm guitar,pia walihitaji atalaku ataeziba pengo la Ekokota,kwa upande wa bass Blaize Bulla akaanza kumchokonoa Koffi kwa kuvamia ngome yake na kufanikiwa kumshawishi Sunda Bass ambae hata hivyo hakua na nafasi huko Quartier latin, alikua ni under ground bassist nyuma ya Fally Tyson na mwingine pia.

image

Engineer Blaise Bula, Alishiriki kwa Kiasi kikubwa kuiunda Wenge BCBG ya sasa.

Hivyo Sunda Bass akawa mtu wa kwanza kuwa recruited,baada ya hapo chini wenge bcbg chini ya Blaize Bulla ambae alipania kuisuka bendi upya ikawaita ma-atalaku wa tatu kuwafanyia majaribio ili wampate mmoja atakaemsaidia Tutu Caludji,miongoni mwa walioitwa ni Bidjana ambae baadae alienda zaiko huyu Genta Lisimo “Anti biotique” ambae wakati huo alikua akitokea Anti Choc kwa mzee Bozi Boziana,Tutu Caludji akamkubali zaidi Genta ambae nafasi yake kule kwa Bozi ikazibwa na Theo Mbala toka Big Stars ya Defao.

Engeneer Blaize Bula hakuishia hapo katika harakati zake za kuijenga BCBG, akaona kuna haja pia ya kuimarisha safu ya uimbaji kwa kuongeza waimbaji wachache,ndipo akawasiliana na rafiki yake na muandishi wa nyimbo zake wa siku nyingi toka enzi za wenge musica original ambae pia alikua muandishi wa nyimbo wa CHOC STARS na si mwingine bali ni JULES KIBENGA MAKIESE a.k.a. Jules Kibens(najua wengi mtashangaa lakini ndio ukweli),pia akamtafuta RIO KAZADI “rIO de janeiro” ambae alikua Chef D’ Orchestre katika bendi iitwayo JOLINO akiwa na akina KABOSE, CHAI NGENGE na baadae BILL CLINTON Pia alikua chini yake hapo JOLINO.

image

Hata Rais Kabila pichani amejaribu kwa uwezo wake kuwapatanisha wanamuziki wa Congo, kama ilivyo kwa picha hii.

Rio nae akamwambia Blaize Bulla kwamba kama anamtaka yeye basi pia amchukue na rafiki yake Chai Ngenge,Blaize akakubali hivyo wote wakajiunga BCBG,Pia kutokana na kutomuamini Burkinafaso kutokana na tabia yake ya kuhamahama Bulla aliamua pia kumchukua ALBA ACCOMPA aje asaidiane nae na kwa kuwa wote kundini walimjua ALBA kutokana na kwamba alishajaribiwa kundini wenge oariginal na kuonekana anafaa lakini akawa amechelewa wakati anajiandaa kujiunga na bendi ndio ikawa inavunjika.Baada ya hapo ikawa ni mazoezi tu na show za ndani,then wakapata contract nyingine kubwa ya kupiga kusafiri kwenda ulaya kupiga ZENITH na OLYMPIA,Safari ambayo ilizua mtafaruku mkubwa ulioitingisha sana BCBG Katika historia ya maisha yake,mtafaruku uliosababisha JB awe kama alivyo hivi tunavyomuona sasa na BCBG yake.

Je nini kilitokea….twende pamoja siku ya Ijumaa tutakapo kuwa tunakamilisha makala hii ya Historia ya kuvunjika kwa Wenge Musica na miaka mitatu ya mwanzo ya JB Mpiana na Werrason.

Kama una maoni usisite kuniandikia kwa piusmicky@yahoo.co.uk au SMS ONLY 0713 666616.


Unamjua Ferre Gola

February 16, 2010

feree

Anaitwa Ferre Gola lakini jina lake halisi ni Hervé Gola Bataringe, alizaliwa March 3, mwaka 1976 huko Lingwala karibu na Kinshasa.

Katika ujana wake Ferre anasemwa kuwa alipenda sana kuimba na alipenda zaidi kuimba nyimbo wa wanamuziki waliotangulia akisemwa kuwa alikuwa mshabiki mkubwa sana wa Wenge Musica ya wakati huo kabla haijavunjika.  Binafsi sikuwa namjua kimuziki lakini nilitambulishwa na rafiki yangu LE Big Producer Maghambo ambaye aliniambia “Ferre Gola, A Man to watch” .

Wenge

Mwaka 1995 akiwa bado kijana mdogo Ferre alijitokeza kwenye onyesho la Wenge wakati huo ikiwa ni Wenge 4×4 na ndipo mwanamuziki Werason alipomuona na kugundua kipaji chake na kumpendekeza kwenye kundi la Wenge, Mwaka 1997 kundi la Wenge Musica BCBG 4×4 lilipanguka rasmi ka kuundwa makundi mawili Wenge BCBG ya JB Mpiana na Wenge Musica Maison Merre ya kwake Werason, Na Ferre alijiunga na Werasson lakini hakutambulika sana mpaka walipotoa albamu na yeye akatoka na wimbo Vita Imana ambao ulitokea kupendwa sana kwenye albamu ya Solola Bien yao WMMM. Pia alitamba tena na wimbo wa que-leu-leu katika albamu yao ya mwaka 2003.

Les Marquis

Mwana 2004 aliamua kuanzisha kundi lao waliloliita Les Marquis de Maison Mère akiwa na wanamuziki wenzie JDT Mulopwe, Bill Clinton Kalonji na huo ukawa mpasuko kwa WMMM, Hapo walifanikiwa kurekodi albamu moja kwa jina la Miracles est une réussite ikiwa na vibao kama ‘100 Kilos’, ‘Amour ya Interêt’, ‘Papitcho Nyanx’, na hii ilikuwa Albam pekee ya kundi hili na kundi kupanguka baada ya kutoelewana baina yao ambapo uongozi mbaya ilitajwa kuwa sababu ya wao kupanguka.

Quartier Latin

Mwaka 2004 Mwanamuziki Koffi Olomide aliamua kumchukua Ferre Gola ili akaungane na Fally Ipupa kwani pia Koffi alipoteza wanamuziki wake wengi ambao alitamba nao kipindi cha nyuma na hapo walitoka na Albam Danger de Mort ambapo Ferre alifanya mambo vilivyo na kuonyesha moto wake. Waliendelea vizuri lakini mwaka 2005 mwishoni malalamiko yalianza na mara ya kwanza alinakiliwa na mtandao wa Digital Congo akisema kuwa Koffi anakiuka mikataba waliotiliana wakati akimchukua na mwaka 2006 Ferre aliondoka kwa Koffi.

Kivyake

Baada ya hapo Ferre Gola aliamua kutoka kivyake kama Solo na alitoka na alikuwa akishirikishwa (featuring) kwenye nyimbo na albamu tofauti kama Doudou Copa (Terre Sacrée), Al Patshino na wengineo na wakati huo akijiandaa kutoka na albamu yake kivyake.

Mwaka 2007 Ferre alitoka na Albamu yake ya kwanza ambayo ilitamba sana katika Jamhuri ya Congo (Kinshasa) huku ikishika chati ya juu kwa muda mrefu. albamu hii ilikuwa na nyimbo kama

comme Biberon, Toucher Jouer, Meilleurs moments, Sans caution, n.k,  Si Congo peke yake kwani Ferre alifanikiwa kupata mikataba ya maonyesho mablai mbali kwa Ufaransa, Holland na Ubelgiji baada ya Albamu hii jambo ambalo lilionyesha kukubalika kwake zaidi.

Mwaka 2008 Ferre alitoka na Albamu mpya iliyokuwa katika CD 2 ikiwa na jina la Lubukulukumu. ambayo ilifadhiliwa na Primus, kinywaji kinachopendwa sana Congo. Albamu hiii ilikuwa na remix ya tungo zake kama Vita Imana na nyinginezo ambazo aliwahi kiutamba nazo.

Kwa leo tunaishia hapa usikose wiki ijayo ambapo tutakuletea sehemu ya Pili ya mwanzmuziki huyu hasa tukizungumzia maonyesho yake kwa mwaka 2008 na 2009 na pia albamu yake ambayo iko sokoni ya Qui est derriere toi yaani nani yuko nyuma yako ambayo ni albamu yake mpya. waraka huu ni maalum kwa mdau wangu Khamaland wa Musoma aliyetaka kumjua Ferre Gola alipotokea. Nakuahidi kukuletea ya Fally Ipupa kama ulivyotaka mdau, tuko Pamoja.

Nakuacha na kitu cha zamani kidogo kinaitwa Vita Imana. Wimbo huu ni maalumu kwa Mukubwa Ali Tandika, Le Suvereign Mukulu Big Producer Maghambo, Japhate Malya, Papaa Agape Msumali, Muzee ya Tigo Twaha Bakar, Mamaa Grace Diplomasia, Mwafrica Mwakaboko aka Batty, Suvereign Edgar Kiiza na kati ya Kuala Lumpur, Bila kumsahau Mnoga Jr Muzee wa Saudia, Big up funs wangu wooote popote mlipo.


Koffi alipomchezesha Kisanola balozi wa Ivory Coast huko Abjidjan!!

March 15, 2009

Likifika suala la muziki bwana kila mtu atajua tu kucheza hata ukitingisha mwili ukanata na beat inatosha. Angalia video hii jinsi mtu mzima Koffi Olomide alipowaamsha ma Pendejee (PDG) na kuwachezesha mmoja wapo alikuwa balozi wa Marekani huko Cote D’Voir Abdijan mwaka jana.


%d bloggers like this: