Tour Eiffel ya Wenge BCBG utunzi wake Titina Alcapolne

March 18, 2014

Nilipotea kidogo jamvini kutokana na majukumu ya kitaifa, mambo ni mengi lakini kuanzia wiki hii tutakuwa pamoja na mambo yataenda kama awali. Nilipokuwa Katavi nilikutana na mdau wangu mmoja nilifarijika sana alipojitambulisha na kuniambia kuwa nai mdau mkubwa sana wa Blog yetu na ni shabiki mkubwa wa JB Mpiana na anaipenda sana aliniomba niseme chochote kuhusu wimbo huu na Mpella.

Moja kati y wanamuziki wa Wenge ya JB Mpiana ambao waliondoka na bado nawalilia Allain Mpela, Huyu bwana alikuwa anauwezo mkubwa si tu wa kutunga bali alikuwa anakarabati Verse, yaani wimbo ukitungwa wakisikilizishana yeye huwa anazirekebisha na akirekebisha na kuzitengenezea mtiririko wa sauti hakuna anayepinga na moja ya albamu ambazo alishiriki kwa kiasi kikubwa kuiratibu ni hii ya Titanic (Titanike) ambayo waliitoa baada ya kuparaganyika na akina Werason na wao kuunda WMMM.

Japokuwa wimbo huuu ulitungwa na mpiga drums maarufu Titina Alcapone ukisikiliza beti ya Allain Mpella Afande utakubaliana na mimi kuwa alikuwa jembe, msikilize kuanzia 3:20 kisha unipe maoni yako.

Mwingine ambaye kwa sasa mepotezwa kabisa na hajawahi kuwika tangu atoke kundini ni Aimelia Lyase Doming’ong’o ambaye kwa kiasi kikubwa JB Mwenyewe ameweza kuziba pengo lake kwa kuimba sauti yake ingawa ya Aimelia ni kali na nyembamba zaidi lakini pengo lake haijaonekana sana.

Wimbo huu ni kwenu Jay Single Suvereigh Mukullu, Papaa Mabamba Maregesi pamoko sana mkuu (Full Mzaire), Papaa Julie We Ston Presidaa Bana Kongolee na Darisalama, Papaa Sultan ndani ya jiji la Dar, Engineer Mboneka Mwana BCBG, Juma Mukulu nakati ya Airport, Hadji Le BeeCeeBeeGeeque Nambari wani, Mapenzi Club tuko pamoja, Muzee ya Tunduma sina haja ya kukutaja, Papaa na kati ya Muscat unajijua, Wenge BCBG Arusha Club pamoja sana.

Advertisements

WERRASON, KOFFI OLOMIDE, JB MPIANA, ROGA ROGA, ALAIN MPELA na EVOLOKO Wakimuomboleza KESTER EMENEYA

March 18, 2014

King Kester Emeneya ni mmoja wa wanamuziki mwenye heshima zake huko Kongo na atakumbukwa daima kwa umahiri wa utunzi wake akiwa na nyimbo zaidi ya 1000 mpaka anafariki dunia, Sikia hapo wanamuziki  WERRASON, KOFFI OLOMIDE, JB MPIANA, ROGA ROGA ALAIN MPELA Afande na  EVOLOKO, Pia wamo Tshalla Muana, Blaise Bulla na wengineo wengi wakiwa studio kupika kibao rasmi kwa maombolezi.


%d bloggers like this: