Wa Combattants wasababisha show ya JB Zenith kuhairishwa.

December 23, 2013

image

Wa Combattants wakiwa katika maandamano jijini Paris Kupinga onyesho la Jb Mpiana Zenith

Lile onyesho lililokuwa likisubiriwa kwa hamu la Wenge BCBC katika uwanja maarufu wa Zenith limeshindwa kufanyika juzi jumamosi tarehe 21 Dec 2013.

Kwa mujibu wa taarifa kutoka kwa shabiki na mwanablog wetu Lubonji wa Lubonji aliyeko huko Ufaransa zinasema kuwa siku ya Jumamosi Wa Combattants waliandamana kwa wingi Jijini Paris haijawahi kuonekana wa Africa kwa wingi tena kwa pamoja kama siku hiyo!!! Lengo likiwa wanataka onyesho lisiwepo” kilisema chanzo chetu.

Hali hiyo iliulazimu uongozi wa jeshi la polisi kuingilia kati na kuamuru kusitishwa kwa onyesho hilo kupitia Police Order No. 2013-01253 prohibiting one CONCERT at the ZENITH DE PARIS

Ha kuna njama yeyote, kwa uchunguzi wangu!!! hawa jamaa wana washutumu wanamuziki kua vibaraka vya serekali ya Joseph Kabila Kisa kingine kutokana na kauli yao wenyewe wanadai ya kwamba Joseph Kabila sio Mkongomani kwa maana hiyo hana budi kuacha madaraka na arudi kwao Rwanda!!!

akihojiwa jana na mwaandishi wa habari MAMI ILALA huko KInshasa JB MPIANA kasema amefanya gharama nyingi na hajui vipi atasawazishwa!!! hajaelewa kinachoendelea!!!

Wa Combattants kwa upande wao walitishia kabisa kufanya kweli yaani kulichoma moto Ukumbi wa Zenith de Paris ingawa JB MPIANA aking’ang’ania kufanya SHOO.

Wa Combattants ni mchanganyiko wa watu wenye kabila mbalimbali huko Congo na rika mbalimbali pia!!Utawakuta wasomi na wahuni kadhalika, “hao wahuni wanajulikana na Polisi mjini Paris, na ndo tishio kubwa hua hawaogopi mtu!!! niwatu wavurugu saana!!! wanapelekwa rumande leo na kuachiwa huru kesho au baada ya siku, wanasema hua wanajisikia vizuri kukaa jela….” kiliongeza chanzo chetu.

Ikumbukwe kuwa katika uchaguzi uliopita kwa awamu zote mbili JB Mpiana pamoja na wanamuziki wengine walishiriki kumfanyia kampeni Rais Jose Kabila kwa kumtungia nyimbo jambo likilofanywa na wanamuziki wengine pia akiwemo Werasson, Tshalla Muana, Wazekwa na wengineo jambo lililowakasirisha Wa Combattants waopinga uhalali wa Rais Kabila.

Haijajulikana ni lini onyesho


Kiambukuta yu hai ila mgonjwa.

December 15, 2013

image

Mkomngwe Kiambukuta

Jana tulipata habari za kustua kuhusu kifo cha mwanamuziki mkongwe Djosky Kiambukuta Lendo zikidai ameaga dunia, hii ilitokana na chanzo chetu cha habari kilichosema kuna uhakika na habari hiyo.

Hata hivyo habari ambazo Spoti na Starehe imepata kutoka kwa Mtanzania aishie Tshengen Lubonji wa Lubonji na kuthibitishwa na Rodger Muzungu mkongoman aliyekuwa akiimbia FM Academia na sasa anaishi Antwerpen Belgium zinasema Djosky ni mzima ila anaumwa akisumbuliwa na miguu kwani hawezi tembea bila msaada wa magongo.

Spoti na Starehe inaomba radhi kwa waliosumbuliwa na habari hiyo kwani ni katika nia njema ya kupashana habari na hapa ndio source ya habari zote.


Josky Kiambukuta hatunaye tena?

December 14, 2013

Habari zilizotufikia zinasema kuwa Mwanamuziki Josky Kiambukuta (64) amefariki dunia huko Ubelgiji.
Ingawa bado kuna utata juu ya habari hizi lakini habari zilizoenea mitandaoni zinadai Kiambukuta amefariki kutokana na shinikizo la damu. Kama ikithibitika hili litakuwa pigo la pili ndani ya mwezi mmoja hasa baada ya kumpoteza Tabu Ley siku kadhaa zilizopita.
image

Kiambukuta (Pichani) alitamba sana na kibao Chandra ambacho kinawika mpka leo aliwahi kufanyakazi na bendi kadhsa ikiwemo Bana OK, OK Jazz, L’Orchestre Continental, L’African Fiesta Sukisa.

Miaka ya mwanzoni mwa 60 Kiambukuta alifanyakazi na Luambo Luanzo Makiadi aka Franko mpaka miaka ya 80.

Baada ya Kifo cha Franko mwaka 89 waliendelea kupiga takribani miaka minne hadi mwaka 1994 wapokorofishana na kuparanganyika ambapo yeye pamoja SIMALOO LUTUMBA, DOMBE OPETUM, MAKOSSO, ZINGA NGOLE, Augustin NDILU, Papy BALAY, ENDO, Flavien MAKABI, KAJOS, Olivier SHIMANGA, Maurisson NDEKE « Sadam », ELBA TOP A, na CHAKEMBO. Kwa pamoja walianzisha bendi yao ya Bana Ok ambayo kwa kiasikikubwa ilifanikiwa na baadaye walitimkia Ufaransa ambako alikaa huko akiendelea na muziki na shughuli nyingine mpaka mauti yalipomkuta.


Kama Sio Koffi nani mwingine?

December 12, 2013

Unapozungumzia muziki wa Congo huwezi kumenga Koffi Olomide ingawa kuna wanaodai kuwa huyu jamaa sio Mcongoman kuwa ametokea Gabon na wengine wakisema mmoja wa wazazi wake anatokea Brazaville ndio asili yake lakini Koffi amekulia na kuzaliwa DRC. Koffi ametokea safari ndefu mpaka kufika alipofika leo lakini katika safari yake hiyo Koffi amekuwa akifanya vizuri kila stage anayopiga na amekuwa hawaaangushi mashabiki wake.

Wimbo huu original yake unaitwa Aspirine ulukuwa kwenye Albamu ya V12 ambayo ilitoka October 9 mwaka 1995 chini ya Producer Sonodisc, ilikuwa na nyimbo 11 kama Andrada, Parking Ya ba Baba, Chantou, Fouta Djallon, État Civil, Dossier du Jour, Aspirine, Nouveau Testament, Bambino
, Miss Toutsi na Zokere. Ni albamu ambayo wapenzi wa Rhumba mtakubaliana na mimi kuwa Rhumba za humu si mchezo.

Naikumbuka safu ya waimbaji walikuwa Suzuki Luzubu, Willy Bula ambaye ni kaka yake kabisa na Blaise Bulla, Babia Ndonga Chokoro, Bodogo Balongana , Eric Tutsi, Sam Tshintu, Makenga, Koffi Olomidé. Nilikuwa nampenda sana mpiga Solo wa Quartier Latin hii Beniko Popolipo ambaye amesekika vizuri mnoo na kwenye kwenye Bass kulikuwa na Binda Bass kama sikosei na atalaku alikuwa Bivens Bienvenue huku Koffi mwenyewe akichombeza kwa mbali. Hii ilikuwa ndio Concert yangu ya kwanza kumuona Mwanamuziki wa Congo ilikuwa ni Nairobi Makuti Club na mimi ikanikuta huko, sitoisahau safu hii na toka hapo nikawa na mapenzi makubwa na Koffi.

Kwa sasa Koffi ametangaza kustaafu muziki na kujikita kwenye biashara, yuko Studio akimalizia Albamu yake ya 20 tangu aanze muziki na atamuachia Cindy kuiongoza bendi huku yeye akibaki Mkurugenzi muendeshaji. Koffi anabishara na hasa hotel yake yenye hadhi ya nyota tano Hotel Delpiro na kampuni ya mambo ya utalii ndio vitamfanya awe busy navyo.

NAkuacha na kibao Aspirine kilichoimbwa tena na Cindy, hii ilikuwa Zenith mwaka 2009. Shukrani za Kipekee ziende kwa shabiki wangu Lwanyantika Masha mnazi na mdau wa Koffi na Werasson natumai tuko pamoja mkuu.


Exclusive: Papa Wemba na JB Mpiana wakiwa Studio, Nini kinakuja?

December 12, 2013

Baada ya kimya kirefu mwanamuziki Shumbu Wembadio Ekumay Papa Wemba anatarajia kutoa albamu yake mpya hivi karibuni na itazinduliwa rasmi tarehe 26 February 2014. Katika Albamu hiyo kuna kibao maalumu ambacho Papa Wemba amemshirikisha JB Mpiana kimeimbwa mahususi kwa ajili ya Mkubwa Patric Bolognia ambaye kama unafatilia muziki JB Mpiana kwenye Soyons Serieux anawimbo unaitwa Bolognia nao ameutunga maalum kwa tajiri huyu kijana.

Utasikia mtangazaji anamuuliza JB Mpiana na Papa Wemba kuwa wote wawili wanasauti ya juu sasa itakuwaje kwenye wimbo huo si wataua? JB Mpiana anajibu anamwambia hiyo ni sawa na timu ya mpira kuweka washambuliaji wawili unaweza fikiria idadi ya magoli itakuwa mengi.

JB Mpiana alisafiri na kuingia Ufaransa saa nne usiku akaenda Studio na kuingiza sauti kesho yake akageuza.

Wimbo huu umekuwa gumzo kila mtu akitamani kuusikia siku ukitoka, ikumbukwe kuwa PApa Wemba aliwahi kuimba na Koffi Olomide kwenye Musouksouk na Wake Up albamu ambayo ilibamba vilivyo na Kolabo yao ilikuwa nzuri sana isiyochosha kusikiliza kwani Koffi anaimba sauti ya Bass na Papa Wemba sauti ya Kwanza, hii inafanya watu kutamani kusikia hii kolabo la Papa Wemba na JB Mpiana itakuwaje?

Ngoja tungoje tusikie.


Djodjo Ngonda; Wimbo Ulioleta utata wa uhalali wa kuutumia kati ya BCBG na WMMM

December 11, 2013

Wimbo huu ulikuwemo kwenye Albamu ya Pentagone ambayo ni moja ya albamu zenye mafanikio makubwa kwa Wenge Musica, Albamu hii ilijaa nyimbo nyingi zikiwemo Pentagone Wenyewe, Heritier Itere, Etepe Buengo, Filandu, No Comment Shengen, Cometes de L’an 2000, Dizoizo na nyingine kama nimesahau.

Wimbo huu wa Djodjo Ngonda uliwahi kuimbwa tena na WMMM ya Werasson na pia uliwahi kuimbwa sana kwenye maonyesho ya JB Mpiana na Wenge BCBG yake, jambo lililowachanganya wengi wa wafatiliaji wa mambo ya Muziki kuwa nani hasa mmiliki au mwenye uhalali wa kutumia wimbo huu.

Kwa Utunzi, Wimbo huu umetungwa na Maitre Ficare Mwamba ambaye alikuwa akipiga gitaa Wenge Musica. Ulifanyiwa arangement na Werasson na hata Wimbo ukianza anaonekana yeye mwanzoni hapo, ninaposema arangement namaanisha kuupangilia, we unaweza kutunga wimbo wako mtu akausikiliza akasema No, tuu imbe kwenye Key hii na Gitaa liiingine kihivi, hapo iwepo ghani au la.

Baada ya kupanguka kwa Wenge Musica na akina Werasson kujitoa Maitre Ficare Mwamba yeye alibaki na aliitendea haki vilivyo albamu ya TH – Toujou Humble ambayo ilikuwa double CD jambo lililompa JB Mpiana uhalali na uwezo wa kuutumia wimbo huu, Kwa upande wa Werason kuwa arranger wa wimbo ule alijiona ana uhalali wa kuutumia na ndio maana akatoa na remix yake ambayo ni hii hapa chini.

Nakusikilizisha na kukurudisha nyuma kumbukumbu zako kwenye wimbo huu wa Djodjo Ngonda. Najua ntakua nimekugusa sana kaka yangu na shabiki mkubwa wa BCBG brother Gabriel Nderumaki wa Daily News, tuko pamoja sana kaka yangu.


Annie wa Werrason ndani ya Kibuisa Mpimpa

December 10, 2013

Wengi wetu tunaijua kama Kibuisa Mpimpa lakini ilikuwa sokoni kwa jina la Operation Dragon na jina la biashara ni Kibuisa Mpimpa, BadoAlbamu hii kwangu inabaki kuwa ni Albamu Bora kabisa kupata kupigwa na Wenge Musica Maison Merre ya kwake Werasson Ngiama Makanda tangu walipotengana na Wenge Musica BCBG. Ilikuwa ni kazi ya kwanza tangu Werasson Kutoka Solo, Hii ni Albamu ambayo bado inafanya vizuri sokoni mpaka sasa ikiwa imetoka CD Mbili yenye jumla ya nyimbo 17 ikiwa na vibao kama Opération Dragon, 13 Ans, Un Prince au Congo, Fair-Play, Fleur d’amour, Waka Waka, Destin ya moto, Ntima Mbote, Croix Rouge, Kibuisa Mpimpa, Blandine, Tavé, Le Grand Monsieur, Obiang, Le Vent du Soir, Annie, Nakoyamba yo. Albamu hii iliweza kuziba midomo wote ambao walidhani Werasson asingeweza kutoka peke yake huku ikiwa ni Albamu Bora kwenye tuzo za Kora 2001.

inawezekana labda kwa sababu waimbaji na watungaji bora walikuwa bado ndani ya bendi naikumbuka safu nzima ya Maison Merre ya Kibuisa Mpipa ikiongozwa na Ferre Gola kichaa ambaye si tu alitunga bali alishiriki ku arrange nyimbo nyingi kwenye albamu hii ,Aimelia Lias Doming’ong’o ambaye ndio kwanza alitoka kwa JB na alitamba sana kwenye albamu ya Titanic, Adjani Sesele, Baby Ndombe ambaye kwa kiasi kikubwa alifanya kazi aliyoifanya Blaise Bulla BCBG wakati huo, Burkina Faso Kasongo Mboka Liya moja ya wapiga gitaa ninaowakubali sana na anaweza kucheza na Rhythim Gitaa vizuri na pia ni mtunzi mzuri, Flamme Kapaya ambaye anapiga gitaa pia na ameweza kuibeba WMMM mpaka waleo, Jdt Mulompwe huyu ni mmoja wa vijana ambao vipaji vyao Werasson alivitumia vizuri hasa katika safu ya uimbaji, Serge Mabiala si tu muimbaji na mtunzi bali ni music Aranger pia na alishiriki vizuri kwenye albamu hii,  alikuwemo pia Didier Lacoste huyu kwangu nasema hana bahati ya kufahamika na wengi ila ni muimbaji mzuri sana.

Pia kulikuwa na mghani atalaku Bill Clinton Kalonji ambaye kwa kiasi kikubwa alipunguza tambo za Tutu Kaluji wa BCBG kwa ghani zake naye pia ni muimbaji na mtunzi mbali na kuwa ataku, Pia alikuwepo atalaku mwingine handsome boy Sukari nyingine ya warembo kijana Celeo Scram ambaye alijitoa WMMM na sasa anatoka kivyake ambaye anaimba vizuri sana na pia ni mtunzi ambaye alilalamika kubanwa na Werasson, Pia alikuwepo Japonais maladi ambaye naye kuna wakati aliondoka na sasa amerejea ingawa anawakati mgumu wakigombea madaraka kundini huku akishiriki vyema kwenye gitaa, pia mpiga drums Papy Kakol aliitendea haki albamu hii hasa kwenye tamasha la Kora ni moja ya maonyesho ambayo WMMM waliyatendea haki vilivyo, na wengineo kama Shora mbonda, Sankara de Nkunta, na mpiga bass ambaye namkubali sana Mimicha mabye alikuwa akipiga Percussion:e bass na Thierry Synthe.


%d bloggers like this: