EXTRA BONGO YAZIDI KUWABAMBA MASHABIKI NDANI YA MEEDA SINZA

April 30, 2013

Mkurugenzi wa Extra bongo Ally Choki akiimba mbele ya mashabiki wake (Hawapo Pichani) ndani ya Ukumbi wa Meeda sinza jana Usiku wakati bendi yake ilipokuwa ikiburudisha pande pande hizo

Kushoto ni mwimbaji mahiri wa bendi ya Extra Bongo Athanas akiwa na Mwimbaji pekee wa kike wa bendi hiyo Khadija Mnoga a.k.a “Kimobitel” ambaye anatamba kwa sasa na wimbo wake wa “Mgeni” wakishoo luv mbele ya kamera yetu ndani ya ukumbi wa Meeda Sinza jana usiku wakati Bendi yao ilipokuwa ikitumbuiza pande hizo.

Kushoto ni mmoja wa marapa bora wa muziki wa dansi Totoo Ze Bingwa akirap ndani ya Meeda sinza wakati Bendi anayopigia mzigo Extra Bongo ilipokuwa ikitumbuiza pande hizo na kulia ni Banza Stone a.k.a Generale akimpa big up.

Maua ya Extra Bongo mzigoni

Wakata nyonga maarufu kwa sasa wa Extra bongo wakiongozwa na nyamwela wakiwapagawisha mashabiki waliohudhuria shoo hiyo ndani ya Meeda Sinza jana usiku

Waimbji bora wa Extra bongo kulia ni Rogert Hega a.k.a Katapila wakiimba ndani ya Meeda Sinza jana usiku

Rapa bora wa Extra bongo Kabatano (Kulia) akigani moja ya jimbo zao bora huku akipewa sapoti na nguli wa muziki wa dansi Banza Stone mwana masanja wakati bendi hiyo ilipokuwa ikitumbuiza maeneo ya Sinza katika ukumbi wa Meeda jana usiku.


Fimbo ya Bakadja; Mapenzi yanapofananishwa na Fimbo ya Mkoloni na Tshala Muana akimshirikisha Meje 30

April 30, 2013

Alipokaribia kufanya uchaguzi wa kwanza tangu aingie madarakani Rais Joseph Kabila aliwaandalia chakula na kuwaita wanamuziki wote wakubwa Ikulu ya Kinshasa na kuwaomba wamuunge mkono kwani Muziki unanafasi kubwa sana kwenye ushawishi nchini DRC. Baada ya chakula Rais Kabila alikuwa na mazungumzo na kila mmoja wao huku wakichanganyika na kupata vinywaji. Katika mazungumzo na Tshala Muana Malkia wa Mutuashi Rais kabila pamoja na mambo mengine alimuuliza ni vipi watafanya kurithisha muziki wao kwa vijana wadogo, na hapo ndipo Tshala Muana akaamua kumlea Meje 30 na kumtambulisha kwenye ulimwengu wa muziki wakatamba na vitu kama Delastage ambacho kinapendwa sana.

Hapa tunauangalia wimbo Fimbo ya Bakadja ambao Tshala Muana amemshirikisha Meje 30 tena, Wimbo huu unaelezea jinsi bidada shosti alivyoumizwa na penzi la mwanaume akifananisha maumivu yake na kiboko cha Bakadja, Bakadja enzi za ukoloni kama unakumbuka wakoloni walikuwa wakitoa adhabu ya viboko kwa waliokuwa wanashindwa kulipa kodi au kukaidi amri za viongozi, Na hawa wachapaji unakuta kwenye kijiji yuko mmoja ana anaogopwa mnooo!!!.

Adhabu zile zilikuwa ni za Viboko na unachapwa hadhani zilikuwa zinauma physically na emotionally kwa sababu zilikuwa zinadhalilisha sana fikiria mtu mzima unachapwa mbele ya watoto.

Mapenzi bado ni kitendawili na kila siku yamekuwa yakiimbwa na wanamuziki wengi ama kutokana na wao yaliyowakuta ama ndugu zao ama rafiki zao ama watu wao wa karibu. Meje 30 analalamika kwenye wimbo anamlalamikia huyo mwanaume na kuwaambia watu hata kwenye makaburi kuna waliokufa sababu ya mapenzi. ama kweli mapenzi yanaumiza na nyimbo kama hizi zitaendelea kuimbwa kila uchao kwani kadri siku zinavyokwenda mapenzi yanazidi kuwa kizungumkuti hasa haya ya Digital ndio balaa.

Nakuacha na wimbo huo sikiliza Rhumba hilo na nipe maono yako.


Kizomba Dance ni nomaa jombaaa!!!

April 25, 2013

Kwa vile tunasherehekea Muungano naomba niwape video hii ya Kizomba Dance kama burudani kwenu, ikiwa mahsusi kwa Le Suveree Mukulu Mabamba Abiud pamoko sana jombaaaa!!!


Tutu Kaluji aamua kumuimbia Bwana

April 25, 2013

Mwanamuziki Tutuu Caludji ambaye aliwahi kutamba na bendi ya Wenge Musica na Wenge BCBG ameamua kumuimbia bwana baana ya kutoka kivyake na kutoa albamu yake moja sokoni.

Albamu hii inasemwa itaingia sokoni ifikapo katikati ya mwaka huu, ijapo kuwa haijasemwa itakuwa na nyimbo ngapi lakini tutafahamishana hapa hapa.

Ikumbukwe kuwa Pamoja na kuwa atalaku Kaluji pia alikuwa mtunzi ambapo kibao kama Tchico Londonien kilikuwa ni utunzi wake na kilibamba sana.


Demi Tour yakwake Werasson Ngiama Makanda

April 25, 2013

 

Anaitwa LE ROI DE LA FORRET” NOEL NGIAMA WA MAKANDA a.k.a.WERRASON hii ilikuwa kipindi chake cha mwanzo cha kujitawala alipotoka na album yake ya Kibuisa Mpipa kama sijakosea maana hii ilikuwa ni Bonus Truck. Wakati huo bado akiwa na wataalamu wake kama akina Ferre na bado hajakimbiwa na wanamuziki wengi ambao kwa sasa wanatamba sana.

Wimbo huu aliuimba kwa mahadhi ya Congo Rhumba, mdau wanguHadj le Jbnique (Mnazi mkubwa sana wa JB Mpiana)  ye alinikumbusha mbali sana kuwa album hii ilipikwa na mtaalamu wa Congo Rhumba ajulikanaye kama L.NZIMBI ikumbukwe kuwa huyu ndiye mpishi wa albamu ambayo mpaka leo inauza ya FEUX DE L’AMOUR” yakwake Jemedari SOUVERAIN LEADEUR YA BA WENGEE JB Mpiana ambayo aliitoa kama solo enzi kundi la Wenge Musica BCBG halijaparanganyika.

Huu ni moja ya nyimbo ambazo mimi binafsi Werasson amenifurahisha na kama ningepata nafasi ya kukutana naye na kumshauri ningemshauri a stick kwenye nyimbo hizi za taratibu kama unataka kuamini tafuta kitu inaitwa Blandine, Kiukweli hakuna mtu wa muziki anaweza kukisikiliza kitu BLANDINE asifurahi,pale kazi ilifanywa na ikafanyika,vichwa vyenyewe wmmm wakati huo vilikuwa vinatisha,maanake ulikuwa ni mkusanyiko wa vocals za FERRE GOLA,pia kulikua na JDT,alikuwapo ADJANI,AIMELIA LIAS “DEMINGONGO”,BEBEE NDOMBE na SERGE MABIALA.Pia nakiri mzee mzima LE ROI DE LA FORRET WERRASON alifanya vizuri sana katika album nzima kiujumla lazima tuwe fair katika hilo na kufanya vizuri huko mimi binafsi nashawishika kuamini kwamba kulitokana na kwamba alitulia kwa muda kuitayarisha ndio maaana ikatoka na ubora ule,sio siku hizi kila kukicha album mpya.

 

Wakati huo wa Kibuisa Mpipa, huu ni wimbo ambao huku kwetu hauku heat lakini ni moja ya nyimbo ambazo nazipenda sana kwa Wesasson, Pia kuna vitu kama Koffi Ayiana ambacho niliwahi kukiandikia pia siku za nyuma. Kwa ufupi angalia nyimbo zinazombeba zaidi Werasson ni nyimbo hizi za taratibu zenye mahadhi ya Congo Rhumba ambayo Mkongwe JB Mpiana ni champion kwenye hizo najua ma werasonique mtabisha kwa hili lakini ni wazi na halipingiki.

Truck hii hii ni maalum kwa Werasonique wooote Sadiq Tiger, Papaa Maendeka, Boss Chizenga, Moto Mkubwa Halid Mmanzi, Mdau wangu Steven na wapenzi wote wa Blog hii, Mukubwa Hadji Heshima kwako kiongozi na mnazi wa Wenge


Cheka Kispoti; Obama na Ellen wakiondoka Malewa

April 23, 2013

Angalia jinsi mwanamama wa kizungu alivyokuwa akirudi Bolingo hapo sambamba na Baraka Obama Rais wa Marekani, hahahaha amakweli Malewa Kiboko.


Detresse toka Magie ya Koffi Olomide

April 23, 2013

Ni kipindi ambacho Mwanamuziki Koffi Olomide alisemwa kuwahi kuwa na timu nzuri mnoo, kwangu mimi hii ndio ilikuwa Dream Team ambapo watu kama akina Suzuki 4×4 walikuwepo, akina Willy Bulla ambaye kiukweli binafsi nilimpenda sanaaa.

wiki ijayo Inshallah tutajaribu kudadavua kwa undani nini kilipelekea mpaka hii timu ikapanguka na waliondoka walienda wapi na kwa nini waliondoka. yote hayo utayapata hapa hapa Spoti na Starehe. Hii ni kufuatia mazungumzo na mmoja wa wanamuziki wa Koffi alipofanya ziara hapa, aliongea mu kilingala sana ilibidi kutafuta mtu wa kufanya tafsiri ili tusije potosha maana.

Naomba nikuache na kibao Detresse ukijikumbusha the Dream Team ya Quartier Latin ya wakati huo.


Ebboa Lotin; Sauti ya radi isiyopewa nafasi WMMM

April 23, 2013

image

Ukisikiliza Rhumba nyingi za WMMM utasikia sauti nzito hii inayolalamika sana kwawasikilizaji wa muziki wafatiliaji wa sauti watakubaliana na mimi kuwa huyu kijana Ebboa Lotin anaimba sana kwangu namfananisha na jamaa aliwahi kuwa kwa Koffi anaitwa Willy Bulla ambaye ukisikiliza wimbo kama Detresse utamsikia uzuri.

Kwa Werasson Ebboa Lotin hafahamiki sana kama walivyo kina Heritier Watanabe, Japonaise na wengineo ni kwa wale wafatiliaji wa karibu tu ndio wanamjua, uwezo wa Ebboa kwenye kuimba hasa haya ma Rhumba ni mkubwa na nadhani angekuwa ana compose na kuimba wimbo wote mwanzo mwisho angependeza sana, Kwenye wimbo hapo juu naweza sema mtu kama Werasson angemuachia jamaa aimbe mpaka mwisho.

Naomba usikilize na wewe kaka Techno Malewa, Presidaa Hamis Dacota, Monica Habash, na wapenzi wengine wa WMMM mnipe mawazo yenu, Kaka Hadj Le Jeebee nique upoooo??, Binafsi namkubali sana Eboa Lotin mnoooo, Balaobi Eboa Lotin!!!! Seboooo??


Happy Anniversary Mdau Mary na Ijumaa Karim

April 21, 2013

Ijumaa imefika tena napenda kuchukua nafasi hii kumpa salamu za pongezi mdau wangu Mary Ngobei Meldrum wa huko Canada ambaye leo anafikisha miaka 11 ya ndoa yake takatifu ambayo alifunga takribani miaka 11 iliyopita.

Marry ni mwenzetu na mdau mkubwa wa Blogu hii mi binafsi nakupa kibao Feux De L’Amour toka kwa JB Mpiana akimaanisha mioto ya Mapenzi.

Kwa wasiojua lugha iliyotumika humu JB Mpiana alikuwa akiongelea mapenzi ya sasa akiwalalamikia akinadada akisema kuwa yapo wapi mapenzi ya ukweli ya enzi za mababu zetu ambapo watu walikuwa wakipendana kiukweli tofauti na siku hizi ambapo akinadada wamekuwa wakichagua wanaume kila mtu anataka mwanaume aliyesoma, mwanaume alina kazi nzuri, mwenye pesa, inakuwaje kwa wale ambao hawajasoma? Inakuwaje kwa wale ambao hawana kazi nzuri na hawana pesa?

kiujumla ameongelea mtaguso wa mapenzi wa sasa ambapo nadharia nzima ya mapenzi ni unanini? wewe ni nani? na dhana hii ndio inayojenga mapenzi kwenye ulimwengu wa sasa.

Hii si tafsiri sahihi ni majumuisho ili kukupa nini hasa kimeongelewa kwenye wimbo huu.

Respect kwa wasomaji wangu wote, Mamaa Sophia Kessy, Pendejee Maghambo Philipo popote ulipo tuko pamoja, Julie ellyston Suvereign, Batty My Brother pamoja, Mukubwa Edgar Kiiza muzee ya Malaysia, Ally Tandika diwani muzee ya Azam, Mukubwa Six Mzee wa Matombo, Tom Baba Maya aka Chiluba, Mukubwa Gerald Kitima Baba Kara, Dulla Asumani muzee ya Tigo, Werasonique wooote. Pamoja sana.

Nakutakia Weekend njema.


Ave Maria na Kesi ya jino la Blaise Bula

April 14, 2013

Waswahili wanasema mapenzi ni safari ndefu kwenye Wimbo huu ambao uliimbwa na  Wenge Musica BCBG enzi hizo kundi limetimia wakiwamo JB Mpiana, Werason Ngiama Makanda, Blaise Bula, Adolf Dominguez, Alain Makaba na wengineo kila mtu alimtaja mpenzi wake lakini cha kuchekesha mpaka leo hakuna hata mmoja ambaye anaye mpenzi aliyemtaja kwenye wimbo huu, huku JB Mpiana akimuoa HAmida Shatur na Werasson akimuoa Sylvia Mampaka

Katika wimbo huu utasikia kuna mtu anatajwa mwanzo anaitwa Minica Kalala (Monie Kalala), huyu alikuwa binti mrembo na ndiye alikuwa mpenzi wake Blaise Bula kipindi hicho, na mapenzi ya Bula na Monie yalikuwa makubwa kiasi Minie alikuwa akihudhuria kila onyesho la Wenge wakati huo Congo DRC ikiitwa Zaire chini ya utawala wa Mobutu Seseko Kuku wa Zebanga ambapo mwanaye aliyekuwa akijulikana almaarufu kama Sadamu Hussein akiwa anabeba vichwa vya habari na kuimbwa (Mabanga) na karibu kila bendi ya Zaire wakatihuo, kama ilivyo kwa Ridhiwani kwa sasa (Ingawa haimbwi sana)

Wenge Musica BCBG ndiyo ilikuwa mapenzi makubwa ya vijana wote huku wakiwa hawana mpinzani na kwa wakati huo wengine waliokuwa wakipiga muziki na kuwabamba vijana walikuwa ni Zaiko Langalanga ambao kwa kiasi kikubwa ujio wa Wenge Musica uliwanyang’anya mashabiki lukuki akiwemo First Son Sadamu Hussein.

Hapa nataka kumuongelea Monie Kalala ambaye anatajwa kwenye huu  wimbo wa Ave Marie mwanzo kabisa, huyu binti kwa urembo wake alimvutia Fist Son Sadamu Hussein mtoto wa kigogo, mtoto wa Mobutu ambaye alikuwa mtukutu na mwenye vituko vingi na mpenda starehe ambaye aliitumia nafasi ya baba yake kujitajirisha na kufanya lolote. Ukimuangalia Blaise Bula jino lake limekatika kidogo kwenye mwanya wake inasemwa kuwa ni baada ya kupata kipigo kutoka kwa watu wa Special Force ambao waliamuliwa na Sadamu Hussein baada ya purukushani za kumgombea Monie Kalala.


Wakijua Kisa cha Alain Mpela kuondoka BCBG ?

April 14, 2013

image

Binafsi namkumbuka Allain Mpella kupitia verse zake kwenye albamu matata ya Titanic ambapo ameimba sana humo, bwana huyu mbali tu ya kuwa kiongozi wa Bendi baada ya kumeguka kwa Werasson na vijana wake, na JB Mpiana alikuwa akimuamini sana Mpela.

Wengi wa mashabiki hawakujua chanzo halizi cha Allain Mpela kuondoka BCBG akaenda solo na majuzi alijaribu kugombea ubunge huko Congo lakini hakufanikiwa na sasa karejea kwenye muziki tena, Leo tutaangalia kwa makini nini chanzo cha Allain Mpela kuondoka Wenge BCBG.

Wenge walikuwa kwenye maandalizi ya kurekodi albamu yao ya Anti Tero, Wakati huo JB alikuwa anaota ndoto kuwa yeye ndio mpinzani wa Koffi, Mopao alipotoa Monde Arabe (Dunia ya Waarabu) JB akaamua kuja na Anti terorism kutokana na vuguvugu la ugaidi lililougubika ulimwengu wa kiarabu. Anti Tero ambayo ilianza matarisho na tunzi zake hata kundi halijapanguka, mipango iliyoendelea baadaye tena, awali Jb alipanga album hiyo iwe na nyimbo nyingi za Alain Mpela ambae alikua ni kiongozi wa bendi (Chef De Orchestre) pamoja na nyimbo za bendi ya vijana wadogo ya BCBG inayofahamika kama PPU (Presidential Protection Unit) ambayo Alain mpela aliipromote sana na mbili tatu za Jb Mpiana mwenyewe huku member wengine wakitakiwa kuweka tu vocals zao kwenye nyimbo za album hiyo bila wao kuwa na nyimbo hata moja,Alain Mpela alipewa chance ya kuweka nyimbo zake sita (6).

Lakini wakiwa kwenye maandalizi ya album hiyo huku wakisikilizia suala la visa na kuumizwa kichwa ni wapi watakwenda kuirekodi ama kuifanyia mixing album hiyo kama visa itaendelea kusumbua kukatokea sintofahamu kati ya Jb na Alain Mpela, rafiki yake mtiifu ambae alimchukulia kama mdogo wake (ikumbukwe Alain Mpela na mdogo wake Bouro Mpela kuna wakati walikua wanaishi nyumbani kwa Jb kama Herritier watanabe alivyowahi kuishi nyumbani kwa Werrason baada ya Jb kumwambia akasome kwanza shule apate degree ndio arudi BCBG).

Kilichosababisha sintofahamu hiyo ya Jb na Afande Mpela ni simu ambayo ilipigwa na Koffi kwa lengo la kumshawishi Alain Mpela ajiunge na Quartier Latin yake na badala yake simu hiyo ikapokelewa na Jb huku koffi akidhani ni Alain mwenyewe ndie aliepokea simu hiyo hivyo kuendeleza mazungumzo yao yalipokuwa yameishia.

Baada ya simu hiyo Jb alikasirika sana na kumuona Alain Mpela kama bonge la msaliti kwa kuwa licha ya ukaribu wao na yeye kumchukulia kama mdogo wake aki share nae mambo mengi hakuwahi kumtonya chochote juu ya mazungumzo yake na Koffi ambae alikua adui mkubwa wa Jb wakati huo, na Jb ana kitu kimoja mpaka leo, hakuna kitu asichokipenda kama usaliti. Hivyo basi kuanzia siku hiyo Jb na Mpela hawakua brothers tena, inasemekana kuwa mpango huo uliratibiwa kwa karibu na Didie Kinuani ambaye alikuwa swahiba mkubwa wa Koffi na Adui wa JB Mpiana.

Huu ulikuwa mwisho wa ule mpango wa kumpa nafasi Mpela aweke nyimbo zake 6 kwenye ANTI-TERRO Jb akaufutilia mbali na badala yake akamuachia nafasi ya kuweka nyimbo zisizozidi tatu huku kukiwa na mipango ya kumvua u chef d’orchestre.

Kuona hivyo Alain Mpela akasusia kushiriki shows na mazoezi ya BCBG kwa wiki mbili na hatimae akatangaza kujiondoa kundini huku akitoka na single maalum kwa ajili ya kumuimbia na kumsifia adui namba moja wa Jb bilionea Didi Kinuani. Mpaka hapo Jb na kundi wakawa na kazi ya kuziaondoa nyimbo za Mpela ambazo walikua tayari wameshazifanyia sana mazoezi na walikua wakizipiga kwenye shows zao za kila weekend ndani ya Kinshasa na kuanza upya kuandaa nyimbo nyingine na kujipanga upya huku wakiwa hawana mfadhili wala mdhamini kama ilivyo sasa kwa makampuni ya bia ya Congo kutoa sponsorship,wakati huo walikua wakiwategemea matajiri wakubwa wapenzi wa muziki kama huyo Didi Kinuani ambae Jb alikua tayari ameshagombana nae baada ya Dikin kumuiba mke wa Jb mamaa Amida Shatur na kumfanya mkewe.

Alain Mpela “afande” alipoondoka kundini BCBG nafasi yake kama Chef D’Orchestre kwenye bendi ilizibwa na Tutu Caludji ambae awali alikua mkuu wa mambo ya nidhamu kundini ambapo nafasi hiyo na yeye alimuachia mpiga drums Seguin Mignon ambae De La Patria JB amekua akimpenda na kumsikiliza sana akimchukulia kama mdogo wake pia,vilevile Seguin ni mtu wa karibu sana na De La Forret WERRASON na ndio amekua kiungo kati ya JB na WERRA. Hali hiyo ya kuwa na ukaribu na JB ikamfanya Seguin awe na sauti kubwa kiasi cha kwamba ukigombana nae au kama hakutaki lazima uondoke BCBG.

Kiukweli Alain Mpela aliondoka Wenge BCBG akiwa bado na mapenzi makubwa, kwani kwenye moja ya show za Wenge BCBG Mpela alihudhuria na kila ilipofika verse yake alionyesha kukosa raha na wati fulani alitoa machozi na kuripotiwa na vyombo vya habari mapenzi yake kwa BCBG yangalipo.

Leo hii JB Mpiana na Koffi ni marafiki na hii ni baada ya uhasama kuhamia kwa Werasson. hizo ndizo fitna za muziki kama mpira tuu, Merci mingi wadau tukutane wakati mwingine nikuache uwe na wiki njema.

Nakuacha na Kibao Process Mambika utunzi wake Alain Mpela toka albamu ya Titanic ambayo kwangu ni moja kati ya Albamu bora kabisa kupigwa na JB Mpiana tangu waparanganyike na Werasson.

 


Balia Ngando ilimrejesha Blaise Bula uwanjani

April 13, 2013

Ni mmoja wa wnamuziki ambao kuondoka kwao Wenge BCBG kulinisikitisha sana, ni kutokana na kipaji kikubwa alichokuwa nacho, lakini kuna wakati inafika maishani huna budi kufungua milango mingine, Baada ya mpasuko mkubwa Bula aliondoka kwa JB Mpiana hatimaye sambamba na Allain Mpella, na Aimelia Lyase ambao kila mmoja alienda kuanza kivyake.

Alipewa jina la Engineer Blaise Bulla kwanza ni kwa kipaji chake cha kurekebisha mitambo ya sauti pale kundi likiwa linafunga vyombo kabla ya show kuanza na pili ni kupanga sauti na vyombo, kwa kiasi kikubwa Bula ndiye aliyekuwa akipanga nani aanze, chombo gani kiingie wakati gani, na anasemekana ndiye aliye compose mpangilio wa vyombo kwenye Kalay Boeng.

Huyu bwana ni mmoja ya wanamuziki wachache wa Wenge Familia ambaye akikaza anaweza kuendelea vyema. Swahiba wangu Jema Mandari ye anasema huyu bwana si mchezo ana anakikubali sana kibao hiki, ukisikia utaona unapata taste ya Wenge Musica humu ndani, kwa Solo, Rhythim Gitaa lilivyopigwa na jinsi jamaa walivyopokezana, ukisikiza wimbo huu utaona Bula mwenyewe hajasikika sana, Wimbo ukiwa umeongozwa na Solo na atalaku.

Kwa kifupi nasema bado Bula anakubalika na bado anaweza akafanya mashabiki wakamkubali hana kwa production hii ameonyesha yuko ngangari kinoma. Hii ni baada ya kutoka na ile albamu yake ya iliyokuwa na vibao kama Pondulation ambacho kwa kiasi kikubwa kilibamba.

Pia angalia hii ni Live ya kibao ambacho binafsi nakipenda sana cha Eve Sukari ambacho kilikuwa ni utunzi wake Blaise Bula pia akiwa bado na Wenge Musica BCBG enzi hizo ambapo si mimi wala shabiki yeyote ambaye angekubali hawa jamaa waparanganyike.


Gil Kibens, Profesa wa ukweli “atakayefia” Wenge BCBG.

April 13, 2013

Gil Kibensi ni Profesa wa ukweli ambaye anafundisha chuo cha Sanaa cha Academi De Beaux Art akiwafundisha wanafunzi, inasemwa kuwa jirani na chuo hicho ndipo waliposoma akina JB Mpiana na Kibensi ni mmoja wa watu ambao waliipenda sana hiyo bendi kabla hajajiunga nayo, ambapo akina JB walisoma chuo kilichoitwa I.S.E

Kibensi ni mmoja wa marafiki wa karibu sana wa JB Mpiana na ndiye alikuwa naye na kumshauri sana JB alipoachwa na mkewe Amida Shatur jambo ambalo linasemwa lilimchanganya sana JB Mpiana. Kibensi na Seguin Mignon wanasemwa kuogopwa sana kwani ukigombana nao maisha yako BCBG tayakuwa hatarini kwa kweli. Kibensi si tu muimbaji bali pia ni music arranger anwasaidia sana kutengeneza nyimbo na ndiye aliyetengeneza kwa kiasi kikubwa na kuiwezesha albamu ya Anti Tero kutoka baada kukumbwa na sintofahamu kibao.

Ikumbukwe kuwa Jules Kibens, Rio, Chai Ngenge na Gentamacine ambaye ni atalaku namba moja kwa sasa. wakati hawa wote wakiwa recruited JB Mpiana alikorofishana na Makaba kutokana na makaba kusema kuwa hawa wote hawakuwa na uwezo jambo ambalo JB alilipinga na kusema kuwa wanaweza, hii ilikuwa wakati wako Paris kwa ajili ya Show ya Zenith.

Mgogoro huo ulidumu mpaka siku ya show yenyewe ndani ya zenith  dakika chache kabla ya kupanda stejini kuanza show kulitokea majibizano ya maneno baina ya marafiki hao yaliyopelekea mpaka JB Mpiana kulia machozi baada ya Alain Makaba kutumia maneno makali sana yaliyofanana na matusi dhidi yake, JB aliumia sana moyoni kwani kazi ya ku recruit aliifanya Blaize Bula, Jb akasusa kupanda jukwaani hali iliyopelekea showa rasmi ichelewe kuanza huku kina Alain mpela na Aimelia wakiwa wanaendelea kuimba nyimbo za utangulizi stejini, ikabidi mkewe Jb, mama Amida Shatur pamoja na rafiki yake JB waliekuwa pamoja maisha ya utotoni JDL ambae wakati huo alikua ni mpiga keyboard wa Wenge El Paris waingilie kati kumsihi JB apande stejini kwani wapenzi hawatawaelewa kabisa hasa ikizingatiwa Blaize Bula nae hayupo kutokana na kuumwa. (JDL kwa sasa yuko na bcbg kama muimbaji). Show ilifanyika na hakuna aliyejua kuwa kuna kitu kimetokea, baada ya kurejea jamaa walikuwa recrited na kuungana na Wenzao kwenye bendi mpaka leo.

Alipohojiwa wakati fulani wenge walipokuja nchini alisema kuwa anafikiri maosha yake ya muziki atayamalizia Wenge BCBG kwani ni bendi ambayo anaipenda na iliyomtambulisa kwenye ulimwengu wa Muziki. Mbali na uimbaji Kibensi ni mtunzi pia msikilize hapo kwenye Love Air wimbo ambao ulikuwa kwenye Albamu ya Internet ambayo binafsi naipenda sana kwa yeyote aliyenayo atakubaliana na mimi Bass Gitaa lililopigwa humu ni hatariiiii. Shukrani za kipekee kwa Papaa Julie Weston Illunga, Presidaa Bana Congolee na Darisalama, Mamaa Glady nakati ya Moshi pole kwa kila kitu mamito, tuko pamoja, La Grand Paa Mussa toka Pride Fm Mtwara na Mamaa Husna La Renee De Africa pamojaa mnooo watu wangu. Nakukumbusha mtu wangu wa nguvu hapo kulia kuna sehemu unaweza sikiliza live Pride Fm, bofya tuu kusikiliza.


Capitaine De Benelux Wimbo usiochuja toka utunzi wake Allain Prince Makaba enzi za Wenge Musica BCBG

April 10, 2013

Ni moja ya vibao ambavyo havikuwahi kufanyiwa Shooting ya Video na mi binafsi nakipenda sana. Ni utunzi wake Allain Prince Makaba kwenye Albamu hii ya Pleins Feux kwa kiswahili rahisi naweza sema Moto Mkubwa alitunga pia kibao kingine kikali cha Doubglas Ilumbe nacho ni kikali sana.

Albamu hii ni moja ya albamu ambazo zimebaki vichwani mwa washabiki wote wa Wenge Musica BCBG bila kuangalia ushabiki kwani mashabiki waliikubali na jamaa walikamua vilivyo, Salamu na heshima kwako Meree wa nguvu Gladys na fasi za Moshi, pamoja sana mamito.


Meje 30 aikarabati upya 3eme Doigt ya Ferre Gola

April 8, 2013
Meje 30 3e Doight

Kiukweli namkubali sana Ferre Gola hasa kwenye hizi nyimbo za taratibu Congo Rhumba, leo nimeona tuutizame wimbo 3Eme Doigt ambao original version yake ilifanywa nae mwenyewe Ferre lakini hapa unaimbwa kwa mara ya pili na mwanadada ambae ndio alama ya kizazi kipya kwa upande wa kina mama katika muziki wa Congo Meje 30(Meje Tranty)..nimependa Meje alivyoimba ndio mana nimeamua niziweke zote mbili ili wewe msomaji na mtazamaji upime na kuona kama Meje ameutendea haki wimbo husika au ameharibu kiaina…

Hii ndio original version iliyofanywa na Ferre mwenyewe..nakutakia wiki njema.


Aifola: Kibao cha “ukweli” cha Linex nusura kimsimamishe kizimbani.

April 7, 2013

image

Binafsi huwa naupenda sana huu wimbo hasa maudhui yake na ujumbe uliomo ndani, kwa kweli mghani amefanikiwa kuiteka hadhira na kufikisha ujumbe vilivyo. Alipoookuwa akiongea na kipindi cha Wanawake Live mtunzi na muimbaji wa Wimbo huuu Linex amesema kuwa alipokuwa akishoot wimbo huu kwa bahati mbaya alimpiga kibao cha ukweli bidada aliyekuwa Video Queen kwenye video hii jambo lililopelekea bidada kununa, “alikasirika na ilichukua muda mpaka akawa poa na tuliendelea na scene nyingine….” alisema Linex na kuongeza “…Kibao kile nilijikuta kama napata hisia za ukweli na kikanitoka kweli…”.

Baada ya Video kutoka na ku hit mwanadada yule alimpigia simu Linex na kumwambia kuwa amemdhalilisha na hivyo anataka kumpeleka mahakamani, “Nilimuita tukaongea akasema anataka nimlipe milioni moja si unajua mtaani watu wamemshika masikio….” aliongeza Linex, mi nilikubali nikampa laki tano mambo yakaisha mpaka sasa ni washkaji na tunachekiana hata kwenye simu.

Ujumbe, Melody na Sauti

Rafiki yangu Mngoya Ahmedi Juma Lukuta wa Kibanda Kicheba Kwa Semkope Muheza anasema Wali wa Nazi hauhitaji mboga yenye mbwembwe hahahahaha. hii ni misemo ya kiswahili ambayo inahitaji mtu atulie aweze kuelewa mtu anamaanisha nini. Ukimsikiliza Linex  anaimba kutokana na sauti yake ilivyo hakilazimishi wala habani pua, hatii mbwembwe kwenye sauti yake.

Huyu bwana Linex mi namkubali sana ni mara chache sana kuniona mimi naweka post za Bongo Flava hapa ila kwa wanaojua muziki huu umepigwa kwenye mahadhi ya Afri Zook/Pop na utasikia Solo Gitaa linauongoza huu muziki kwa mbaali.

Linex ni mwanamuziki ambaye mi napenda kwa sauti yake tuu na jinsi anavyoipangilia na kuimba kwa hisia, kijana ametulia sana na anajua ni nini anakifanya ili kuwaridhisha mashabiki wake, kiukweli kijana anatunga sana na anajua kuifikia hadhira, hata kwenye live show stage performance yake sio mbaya “ Imbeni nyimbo zote mnazozijua, lakini najua. kimoyo moyo najua mnakiri kwamba mpaka sasa, Aifora kutoka kwa Linex ndio wimbo bora wa mapenzi kwa kipindi chote hiki cha kufunga mwaka, Nibishieni maana hamkawii….” anasema Henry Mdimu Bloga, muandishi na mchambuzi makini wa muziki wa Bongo Flava na Habari za burudani wa gazeti la Mwana Spoti. Mdimu anahaki ya kusema hivyo jaribu kuuusikiliza huuu wimbo, ujumbe, melody na sauti kisha niambie mawazo yako.


Power 001 Ya Fally Ipupa yaingia sokoni rasmi.

April 7, 2013

 

 

Bofya hapa kusikiliza Power 001 Iliyobeba jina la Albamu.

Huku Wenzake Ferre Gola, Werrason na wengineo wakisuasua kufikisha albamu zao sokoni, Mwanamuziki Fally Ipupa De Dicap ameachia albamu yake mpya ya Power 001 wiki hii iliyoisha.

Ni baada ya kufanya vizuri kwa albamu yake nyingine ya Arsenal de belles mélodies takribani miaka minne sasa, inatazamiwa na albamu hii itafunika sokoni, Kwa mujibu wa mtandao wa Digital Congo albamu hiyo imeonyesha kufurahiwa na kufanya vizuri sokoni.

Kurekodi na Pauline Maserati

Vidéo : Pauline Maserati : elle est la première de la Star Ac' 9 à dégainer un single !

Fally akiwa na Maserati

Aidha habari nyingine ambazo zimeifikia Spoti na Starehe kutoka kwa mtu wa karibu wa Fally hapa Tanzania Mamaa Yasmin Demukalinga aka Mamaa Mundele  amesema kuwa Fally ameingia studio kurekodi na mwanamuziki nyota wa Ufaransa Pauline Maserati ambapo watarekodi Single inaitwa C’est juste Toi et Moi kimaanisha Ni Mimi na Wewe Tu (Just me and You). Video ya wimbo huu ndio iko jikoni na upigwaji picha umefanyika tayari.

Maserati ni mshiriki wa kwanza kwenye onyesho la reality show ya Star Academy na aanafanya vizuri sana, na baada ya kushinda alifanikiwa kurekodi na Lebo ya AZ, ambayo ni kampuni tanzu ya Universal Music ya France.


SATELITE YA KWAKE WERRASON DE LA FORET

April 2, 2013

Tulishaitambulisha hii Video hapa barazani siku si nyingi ila kwa heshima yako mdau wangu naitandika tena, Anaitwa WERRASON na vijana wake, hapa wamefanya vizuri sana kwenye hii Generique (muziki wa vyombo na atalaku bila ujumbe), kitu kinakwenda kwa jina SATELLITE, Yap lazima tuseme ukweli kazi imefanyika hapa,hata video ni ya kiwango,hongera kwao bana zamba playa! hongera binafsi kwa sebondo ya machine, kiukweli amezikaanga chips ile mbaya humu, drums unazisikia hata kama hupendi kusikia..


%d bloggers like this: