Aifora ya Linex; Melody, Ujumbe, Hisia vimekutana

October 31, 2012

Rafiki yangu Mngoya Ahmedi Juma Lukuta wa Kibanda Kicheba Kwa Semkope Muheza anasema Wali wa Nazi hauhitaji mboga yenye mbwembwe hahahahaha. hii ni misemo ya kiswahili ambayo inahitaji mtu atulie aweze kuelewa mtu anamaanisha nini.

Huyu bwana Linex mi namkubali sana ni mara chache sana kuniona mimi naweka post za Bongo Flava hapa ila kwa wanaojua muziki huu umepigwa kwenye mahadhi ya Afri Zook/Pop na utasikia Solo Gitaa linauongoza huu muziki kwa mbaali.

Linex ni mwanamuziki ambaye mi napenda kwa sauti yake tuu na jinsi anavyoipangilia na kuimba kwa hisia, kijana ametulia sana na anajua ni nini anakifanya ili kuwaridhisha mashabiki wake, kiukweli kijana anatunga sana na anajua kuifikia hadhira, hata kwenye live show stage performance yake sio mbaya “ Imbeni nyimbo zote mnazozijua, lakini najua. kimoyo moyo najua mnakiri kwamba mpaka sasa, Aifora kutoka kwa Linex ndio wimbo bora wa mapenzi kwa kipindi chote hiki cha kufunga mwaka, Nibishieni maana hamkawii….” anasema Henry Mdimu muandishi na mchambuzi makini wa muziki wa Bongo Flava na Habari za burudani wa gazeti la Mwana Spoti. Mdimu anahaki ya kusema hivyo jaribu kuuusikiliza huuu wimbo, ujumbe, melody na sauti kisha niambie mawazo yako.


Fally Alivyopagawisha mashabiki Dubai

October 31, 2012

 

Katika wanamuziki vijana waliotoka Solo na Kufanikiwa mmoja wapo ni huyu Fally Ipupa ambaye amezidi kujizolea umaarufu sio tu Congo ama kwa nchi zinazozungumza Kifaransa bali dunia nzima achilia mbali Africa ya Mashariki ambapo anasemwa kupendwa mnoo.

Fally alikuwa ziarani huko Falme za Kiarabu na hapa ni pale alipopiga kwenye kumbi moja huko Dubai. Fally ambaye alisema anataka kuuingiza muziki wa Congo kwenye soko la Muziki wa Marekani anasema kuwa ipo siku dhamira yake itafanikiwa na muziki huo wa Congo utakubalika na kushika huko America.

Fally alifanya show ambayo ilihudhuriwa na vijana wengi wa Kiafrica wanaoishi na kufanya shughuli zao Dubai alikonga nyoyo za mashabiki wake pale alipopiga nyimbo zake non stop na kufanya club kuwa ndogo. habari zinasema kila mara mashabiki walivamia jukwaa na kuanza kucheza naye na ilibidi mabaunsa wafanye kazi ya ziada kuteremsha munkari wa mashabiki hao lukuki waliokuwa wakimshangilia kila mara.

Fally akiwa amevaa Kanzu akiwa madukani akifanya shopping kabla ya kuendelea na safari yake hivi karibuni.


Breaking News: JB Mpiana Kutua Dar Es Salaam November.

October 31, 2012

JB Mpiana akiwajibika Stejini jijini Dar Es Salaam mwaka juzi. Miwani aliyovaa alizawadiwa na Spoti na Starehe.

 

Mwanamuziki wa Jamhuri ya Kidemokrasia ya Congo JB Mpiana anatazamiwa kuanza ziara ya Afrika ya Mashariki hivi karibuni ziara ambayo itampeleka Kenya, Tanzania na baadaye Zambia.

Kwa mujibu wa habari za ndani JB Mpiana anatazamiwa kuanza ziara yake tarehe 15 November 2012 na baadaye kutimua vumbi jijini Dar Es Saalm katika show moja kabla ya kwenda Lusaka Zambia ambako pia atakuwa na show moja. Hii ni mara ya kwanza kwa JB Mpiana kutoka nje ya Congo takribani miezi 15 akiwa anafanya sho zake ndani ya Congo na kwenye kiota chao cha Crystal Club katikati ya Jiji la Kinshasa mtaa wa June 30.

Pichani Mashabiki wakifatilia show ya JB Blue Pearl, Je atazikonga tena nyoyo??

Bado haijajulikana nani ana ratibu lakini kwa mujibu wa vyanzo nchini Congo ziara hiyo imeshakamilika mipango yote ya awali, usikose kutembelea ukurasa huu kujua zaidi.

Majuzi JB Mpiana alikuwa kwenye ufukwe pekee maarufu wa Mayi ya Pembe ambao unapatikana hukohuko katika viunga vya Kin na tarehe nne ana show ya kuaga mashabiki wake itakayo fanyika Hotel Venus hukohuko Kinshasa.

Mara ya mwisho JB Mpiana aliletwa jijini Dar Es Salaam 2010 kwenye show iliyo ratibiwa na Club E na kutumbuiza pale Ubungo Plaza, ile ilikuwa Le Classico Show ambapo JB Mpiana alitumbuiza pamoja na Tshala Muana na Meje 30 mwanadada ambaye amelelewa na Tshala Muana kimuziki na anasemwa kuiga hadi vituko vya jukwaani vya mwanamuziki Tshala Muana.

Gonga hapa kuona picha za show ya Blue Pearl


Exclusive: Grace Matata hatimaye amtoa mwanaye Hadharani

October 31, 2012

394998

Bi Dada Grace Matata ambaye alitamba na Single yake ya Free Soul baada ya kimya cha muda amemuweka wazi mwananye. Grace ambaye anajulikana kwa kuishi “Low Profile” alijifungua hivi karibuni na alijifungua salama, Tunamtakia ulezi mwema na karibu tena kwenye ulimwengu wa Burudani tunategemea ukirudi utarudi kivingine maana mashabiki wanakumiss.


Adjani na Fabregas waomba kurejea kwa Werasson

October 31, 2012

 

Tangazo lililotoka mwezi wa February likionyesha kuwa Albamu ya Fabregas ingeingia sokoni siku ya wapendanao Feb 14

Wanamuziki waliowahi kuwika na kundi la WMMM Adjani na Fabregas wameripotiwa kutaka kurejea kwenye kundi lao la zamani la WMMM.

habari ambazo zimethibitishwa na mmoja wa mameneja wa WMMM Ibrahim Monca Monib zinasema kuwa maombi yao yamepokelewa na uongozi lakini bado hawajui wanamuziki wengine na mashabiki watapokeaje “tunaliacha mikononi mwa wanabendi wengine na mashabiki ili waamue kuhusu kurejea kwao ama la…” alisema Monib alipoongea na Digital Congo.

Fabregas aliripotiwa kuondoka kwenye bendi miezi kadhaa iliyopita na kuamua kuwa solo artist ambapo alijipanga pande za Matete na kuanzisha bendi yake na kutoanyimbo kadhaa ambayo inasemwa haijapokelewa vizuri sokoni, sio rahisi kukubalika kwenye soko la Congo inategemea na umahiri na mashabiki utakaopata hasa kwa nyimbo kusikika ikipigwa sana redioni, na ndio maana wanamuziki wengi ambao waliwika na bendi hizi kubwa kama Aimelia, Allain Mpella, na wengineo wameshindwa kufanya vizuri huko nje.

Kwa mwanamuziki kama Fabregas ambaye miaka ya karibuni alianza kujenga jina lake ilikuwa mapema sana kuondoka kwenye WMMM.


Msikilize JB Mpiana anavyomlalamikia tajiri kwenye Bolognia ya SOYONS SERIEUX Album

October 30, 2012

Mabanga ni mtindo maarufu sana kwenye muziki wa Congo ambapo mtu mmoja anajitoa na kutoa pesa ili aimbwe kwenye wimbo lakini kwa Sasa nyimbo nyingi zimekuwa ni Mabanga tuu ambapo unakuta wimbo mzima kuanzia jina mpaka wimbo wenyewe unamhusu mtu, mfano ni huu wimbo wa Bolognia ambapo JB Mpiana amemuimba Pendejee na rafiki yake mkubwa Patrick Bolognia ambaye pia amemuoa Marie Olive Kabila ndugu kabisa wa Rais Kabila.

Bolognia ni tajiri na mwaka jana kwenye uchaguzi wa Congo DRC aliwahi kupata kashfa ya kuwanyamazisha wapinzani kwa kuwapa mlungula ili kumpa support Rais Kabila ambapo inasemekana aliahidi kutoa mlungula wa Euro 3000 kwa operation iliyoitwa Kabila Out au “Kabila Dégage !” ambao ni mkakati ulioandaliwa ili kumuondoa Rais Kabila madarakani kupitia uchaguzi mkuu wa mwaka  jana.

Huyu bwana amekuwa karibu na mwanamuziki JB Mpiana kwa kitambo na JB amekuwa akimuimba sana, katika wimbo huu Bolognia JB Mpiana kuna mahali anasikika anasema “Kama namuamini na kumuogopa Yesu Masia na sijawahi kumuona iweje nishindwe kukuabudu na kukupenda wewe ninayekuona kwa macho yangu, Kama Namuomba Mungu na ananisaidia na sijamuona iweje wewe ninayekuomba na unanisaidia na nisikupende…” yote hii ni katika kuonyesha ni jinsi gani jamaa anamuabudu huyu Mshkaji.


SG ELIOT MONDOBE Katibu Mkuu wa WMMM aliyekimbilia Canada.

October 17, 2012

Tatizo kubwa la Radio Station Zetu ni kupiga muziki wanaoujua tuu na nyimbo nyingine hazipigwi au hazipewi Air Time ya Kutosha. Hii inafanya nyinmbo nyingi kutojulikana kwa wapenzi wa muziki labda kwetu sisi wadadisi ambao tunanunua albamu na kuto forward nyimbo mwanzo mwisho.

Werasson aliondoka Wenge BCBG baada ya mzozo wa pesa na uongozi baina yake na JB Mpiana, alipoondoka alikwenda kuanzisha WMMM na vijana wake akatafuta vijana akawatengeneza wakaiva hatimaye WMMM ikatisha balaa.

SG Eliot Mandobe ambaye alijulikana kama Secretary General, au Le Secrétaire Général de l’orchestre alifanikiwa kwa kiasi kikubwa sana na kukubalika ndani ya kundi la WMMM. Lakini kizuri hakidumu jamaa alikimbia bendi kwa kashfa ya Human Trafficking na kukimbilia Canada hasa baada ya Show ya Zamba Playa ambapo alisemwa kuwa alikimbia akiwa na maelfu ya dola ambazo alikusanya toka kwa watu ambao aliwaahidi kuwatafutia VISA ya kwenda Ulaya, Canada na Marekani kupitia mgongo wa bendi.

Suala la Human Trafficking liliwahi kumgarimu Shumbu Wemba Dio Papaa Wemba Miezi kadhaa jela huko Ufaransa na Fellix Wazekwa aliwahi kutandikwa miezi kumi gerezani huko Braxelles kwa kosa kama hilo ambapo kuna wakati VISA za wanamuziki wa Congo zilisumbua kwani Tshengeni iliamua kupitia upya maombi yoote ya VISA toka kwa wanamuziki wa CONGO. Mandobe baadaye alijiunga na familia yake ikiwa ni mke na watoto ambao walitangulia kuishi huko, Nakuacha na kibao hiki ambacho utamuona vizuri Mandobe akikamua akiwa na Tata Mukulu Werrason Ngiama Makanda ndani ya Wenge Musica Maison Merre.

Big up kwa ma people Bahati Nyakiraria wa 90.2 Moshi FM mtangazaji wa kipindi cha Tamba Africa kiukweli napenda sana mpangilio wa vipindi vyako fanyeni mpango wa kwenda Online watu wengi waweze kuwasikiliza, Mercy Mingi Papaa.

p


Heritier Watanabe Kipenzi anayegeuka shubiri Wenge Musica Maison Mere

October 17, 2012

Kwa wanaofatilia muziki wa Congo wanamjua huy bwana jinsi alivyokuwa kipenzi cha Werason Ngiama kwa sababu tu ndiye alikuwa animation ya kundi zima, Heritier alikuzwa akakua akatambulishwa kwa mashabiki wakamkubali akawapa walichokitaka akaota mapembe, kwani ndiye alikuwa Chief de Orchestra wa kundi la MAison Merre  na aliaminiwa na Werasson na kuogopwa na waimbaji wenzie.

Kwa sasa hali haiko hivyo kwani tangu kurejea kundini kwa mwanamuziki Japonaise ambaye alikuwa nje ya kundi wamekuwa wakigombea madaraka. Mgogoro wa uongozi ambao washabiki wanauhusisha na matajiri ambao wanauhusiano na hasimu mwingine Koffi Olomide ambaye awali alikuwa rafiki mkubwa wa Werasson na sasa yuko kambi ya Jb Mpiana, habari zinasema kuwa Watanabe anachochewa na watu wa nje asikubali kuwa chini ya Japonaise  ambaye tangu arejee kwenye bendi baada ya kuwa nje kwa zaidi ya miaka kumi amekuwa gumzo kila bendi inapopiga.


TWANGA FACEBOOK FANS PARTY

October 12, 2012

Twanga Pepeta imetoa mualiko Rasmi kwa wanamuziki wote waliopita chini ya mikono ya mama Asha Baraka “THE IRON LADY” Kuja kwenye TWANGA FACEBOOK FANS PARTY. Mialiko hiyo kwa wanamuziki wote Kuanzia MK SOUND ikiwa na kina Nyoshi El Sadat, Ellystone Angay, King Dodoo La Buchee, Rojer Muzungu, Lui Ka Toise na Bakunde, AFRICAN STARS BAND wakati ikipiga muziki kwenye Hoteli za kitalii wakati huo ikiwa na wanamuziki kama marehemu Asia Daruwesh na Andy Swebe pamoja na kina Amigolas, Mafumu Bilali, Patric Kamalee ambapo baadae ilibadilika na kuwa AFRICAN REVULUTION wana “chumvi chumvi Tutalamba” kubaki kuendelea kupiga muziki wa Hotelini za kitalii na AFRICAN STARS BAND kuja kupiga muziki wa uraiani na kubatizwa jina la TWANGA PEPETA ikiwa na waanzilishi kama vile Luiser Mbutu, Banza Stone, Rogert Hegga, Nyamwela, Danger boy, Aisha Mdinda, otilia, Mwantumu, Fatuma kiboroloni na Ally Choky (Extra Bongo), Deo Mwanambilimbi (Kalunde Band), Yahaya Mkango, Joseph Watuguru, Jesica Charles, Adolf Mbinga na Bob Gadi wako huru. MCD, Fergason, Lilian Internet,Chalz Baba na Ally Akida (Mashujaa Musica).

Pia tumetoa mialiko kwa wanamuziki waliopitia bendi nyingine zilizokuwa chini ya Asha Baraka ambazo ni pamoja na TAM TAM chini ya Mwinjuma Mumin, Badi Bakule, Seseme, Rashidi Mwenzingo, Amina Ngaluma “Japanesse” Queen Suzy, Aliyah (Fm Academia), Sweet baby (Mashujaa) Bob Kisa (Extra bongo), Endrew Sekidia (Akudo) na TWANGA CHIPOLOPOLO kina Hosea Bass, Hadija Kimobitel (Extra bongo) na wale wote waliokuwa VIBRATION SOUND kina Pasia Budas, Baba Isaya, Amos Mkono wa nabii, sele Kadance, Raja Ibrahim (Mashujaa Musica), Dispach (Fm Academia) na wengine wengi na jua itakuwa vigumu kuwakumbuka wote. KWAKUWA IDADI YA WANAMUZIKI WALIOPITA KWENYE MIKONO YA ASHA BARAKA NA TWANGA PEPETA NI WENGI .. INAWEZEKANA KUNA WENGINE WALIOSAHAULIKA WASIJISIKIE VIBAYA NAO WANAKARIBISHWA PIA.


wanahitaji kuendelezwa

October 12, 2012

Muziki ni kipaji ingawa wapo wanaokwenda kusomea lakini kipaji kikiongezewa elimu kiukweli kinatoka kitu cha maana sana. Kuna tangazo moja linasema Afrika ina vipaji lukuki ambavyo havikupata bahati ya kuvumbuliwa mpaka vikafa.

Ukiangalia picha hii utaona hawa watoto wanaanza kuzoea stage performance wakiwa na umri mdogo jambo ambalo wanamuziki wetu wanalishindwa hivi sasa. Kuimba na kupiga chombo hasa gitaa ambalo linahitaji akili nyingi ni kazi kweli kweli jaribu kufikiria hawa watoto wangeendelezwa.


Kocha aliyetimuliwa Yanga awa kocha wa Timu ya Taifa Yemen

October 11, 2012

Siku chache baada ya kutimuliwa Yanga, Mbelgiji Tom Saintfiet amepata ulaji wa kuifundisha timu ya Taifa ya Yemen. Sainfiet alieifundisha Yanga kwa siku 80 atakumbukwa kwa rekodi yake ya kushinda michezo 14 na kupoteza 2 tu huku akiwaachia taji la Afrika Mashariki na Kati katika Kombe la Kagame. Bila shaka mashabiki wote wa Yanga watamtakia kila la heri katika kazi yake mpya.

Kwa mujibu wa Mtandao wa Super Sport kocha huyo ataanza kibarua chake jumamosi na tarehe 16 atakiongoza kikosi hicho kucheza mchezo wa kirafiki na Lebanon.

“ Ni kweli mimi ndiye kocha mpya wa Timu ya Yemen nimefurahi na kuhamasika kwa kazi hii mpya inaonyesha ni jinsi gani nina nafasi” alisema Saintfiet.

katika mchezo wa karibuni Yemen imepoteza goli 4-0 dhidi ya Morocco.


kituliza maumivu cha koffi..

October 10, 2012

Tuliza maumivu na hii  ASPIRINE ya Papaa na Sean James,Papaa na Delpirlo a.k.a.Papaa na Didistone Mopao Mokonzi Koffi Olomide ukimezeshwa kituliza maumivu hicho na Mamaa Cindy Le Coer ambae ni ulezi wake mzee mwenyewe,hii ilikua Live ndani ya Paris……Wakati inatoka hii Aspirine hakukaa sana ndio kundi lake likavunjika na kugawanyika, hakuna aliyetegemea kuwa anaweza kuja kusimama kama alivyo leo kwani wale wakongwe wote ndio walioondoka na kuanzia Quartier Latin Academia ambayo haikudumu sana na Mopao mpaka leo anakimbiza, ye mwenyewe anasema Quartier Latin ni kama Dream Team kila mara iko juu na wacezaji imara.


Jeannette ya JB Mpiana

October 9, 2012

Jeannette Bombolee

Jeanette Mbombolee akiwa na Bin Adam Mukulu Papaa Chery


Kolonia Santita: Riwaya ya Kiswahili ya Kijasusi inayosisimua.

October 9, 2012

546935Kolonia Santita ni shirika la madawa ya kulevya. Panthera Tigrisi ni mfanyabiashara wa madawa ya kulevya, katili kuliko wote katika Hemisifia ya Magharibi. Kitabu hiki Kinahusu Ujasusi, Madawa ya kulevya na ugaidi wa kimataifa. Ukianza kukisoma hutakiweka chini kamwe unless kimeisha…

Kitabu hiki kimetungwa na mtunzi anayekuja juu akiwa ni mjomba kabisa wa mtunzi maarufu wa Riwaya za Kijasusi Marehemu Elvis Musiba ambaye alitamba na kitabu chake cha kwanza cha Njama.

Enock Maregesi ambaye anaishi na kufanya shughuli zake kwa Malkia Elizabeth anasema kitabu hiki amekifanyia kazi kwa umakini na kitaleta mapinduzi kwenye uandishi wa Riwaya za Kiswahili za Kijasusi.

“Kolonia Santita ni tofauti na hadithi zingine kwa sababu ya wapelelezi wake. Wapelelezi wake ni makomandoo-wapelelezi-wanajeshi.” www.goodread.com

Kwa wapenzi wa vitabu kaeni mkao wa kula kwani kiko njiani na kitapatikana kwenye Bookstores zote.


We Miss you

October 9, 2012

Mzee Micky


Siku mchezaji wa zamani wa yanga Nonda Shabani "papii" alipozindua Hotel yake katika jiji la kinshasa.

October 8, 2012

Siku mchezaji wa zamani wa yanga Nonda Shabani “papii” alipozindua Hotel yake katika jiji la kinshasa.

Uzinduzi huo uliombatana na ngoma mbalimbali za kiutamaduni ulihudhuriwa pia na watu wengi maartufu congo akiwemo mwanamuziki nguli Adolphe Dominguez a.k.a.Tata Mobitch na wengine wengi.Pata video hii.nadhani huu ni mfano wa kuigwa kwa wanamichezo wetu wanapopata mafanikio kukumbuka kuwekeza nyumbani


Kama ulimkosa Rick Ross the Boss Fiesta huyu hapa

October 8, 2012

Tamasha la Fiesta limehitimishwa jijini Dar Es Salaam huku mwanamuziki toka Marekani Rick Ross the Big Boss akiwa ameacha gumzo.

Pamoja na kuwa na onyesho hilo moja tu la hapa Dar E Salaam mwanamuziki huyu ambaye inawezekana akawa amelipwa pesa nyingi kuliko malipo ya wanamuziki wote ukiyajumuisha waliopanda jukwaani usiku huo. Ni ukweli usiopingika kwa mwanamuziki kama huyu ambaye ni mmiliki wa Lebo ya Maycack Music mpaka amekubali kukaa ndani ya ndege kwa masaa 25 lazima amekula dela ya kutosha kwa performance yake hiyo moja tu ambayo hajailipia kodi hapa kwetu na kusepa.

Kuna haja ya kuthamini wanamuziki wa nyumbani kwa kuwapa mikataba minono ya matamasha hii itawafanya hadhi yao kupanda kwa kiasi kikubwa mbele ya mashabiki wao na kuuukuza muziki huu, kwani kumlipa mwanamuziki mmoja kupanda jukwaani ni sawa na malipo ya chumba kimoja cha Presidential Suite ambacho jamaa amelala kwa usiku mmoja kwenye hotel ya Kempisk, inawezekana wengi walienda kumuona The Big Boss ama kwa kutaka kuweka kumbukumbu kuwa amemuona kwa macho yake lakini waliburudishwa zaidi na Mwana FA, Fid Q, AY, Lina na wengine, Ni mtazamo tuu nimeut oa kiroho safi.

Kwangu mimi nadhani kulikuwa na haja ya wanamuziki kuchanganya ladha kwenye tamasha kubwa kama hili unaweza kuwaleta wanamuziki tofauti ili mashabiki wa aina hyo ya muziki nao wakaona wamewakilishwa wangevuta watu wengi kwa kutumia pesa ingawa si kidogo lakini si kama hizi za kumleta mwanamuziki kutoka Marekani.

Fiesta ya zamani ilikuwa inachanganya ladha, jaribu kufikiria kama pale angekuwepoa Koffi, Fally, Ferre au Werrason achilia mbali JB Mpiana kuna mashabiki wengi wa Bolingo wangetumbukia pale kati kushow love na watu wao anyway nadhani waandaaji wana sababu zao.

Nitaandika kwa kirefu kuhusu mtazamo wangu huu baadaye nisikuchoshe na jumatatu ya leo, Siku nema.


Del Pirlo ya Koffi Olomide – Mapenzi ya kweli toka kwa Baba kwenda kwa wanawe.

October 8, 2012

Alianna Koffi olomide

Aliana Koffi Olomide, Mama wa watoto.

Del Pirlo Olomide

Del Pirlo Olomide

koffi na wanawe mjengoni palais de monte Fleury

Koffi na Wanawe

Kuna kazi ambazo ni ngumu kwa kweli hasa hii ya Muziki unatumia muda mwingi kufikiria ni jinsi gani utawafurahisha na kuendelea kuongeza mashabiki wako, ku win soko, kutunga nyimbo, pia kumbuka hii ni kazi ambayo muda mwingi wa usiku ndio unaingia kazini muda wa mchana wanamuziki wengi wanautumia kwa mazoezi na hata kutunga nyimbo zao, wengi wao wanakuwa na muda mdogo sana kukaa na watoto.

Hilo ni moja ya vitu ambavyo mwenyewe Koffi Olomide anadai linamkosesha kuonyesha mapenzi yake kwa wanawe, ili kuwaonyesha anachokifanya aliamua kuwatungia Wimbo huu ambao alio u-dedicate kwao.

Wimbo Delpirlo ambao Le Quadra Koraman Koffi Olomide Papaa na Didistone, Papaa Delpirlo Morinho, Papa na Sean James aliutunga maalum kuwa dedicate wanae hao aliowazaa na mkewe Alianna.


Welcome to the 2nd Women of Determination Award

October 5, 2012

Tangazo Main1


Cindy Olomide Mpenzi wa Koffi anayetamba Quartier Latin

October 4, 2012

Ukiachilia mbali akina Mbili Abel, Tshalla Muana ama akina Skolla Miel kwa muda mrefu Congo ilikuwa haina mwanamuziki mwingine wa kike kwenye ramani ya dunia ya muziki hasa mbele za mashabiki wa Lingala ambao wakoo ndani na nje ya Congo yenyewe.

Anaitwa Cindy Olomide, huyu bidada alikwenda kufanya interview kwa Koffi akiwa na wanadada wenzake akiwamo Monica Maire na Meje 30 ambaye  kwa kiasi kikubwa aliibuliwa na mwanamama Tshalla muana na aliwahi kuja naye Tanzania kwenye onyesho la Club E wakapiga pamoja na Mukullu Bin Adam Tshituka katika ukumbi wa Ubungo Blue Pearl.

Cindy Olomide licha ya kuwa mwanamuziki anayetamba sana kwenye bendi ya Koffi Olomide pia ni mmoja wa wake wa Koffi Olomide na ni mmoja wa wanahisa wa Quartier Latin ya Koffi Olomide. Mwanadada huyu ambaye mapenzi yao kwenye sanaa yalipelekea mcheza sinema maarufu hapa Tanzania Steven Kanumba marehemu kujifananisha na wawili hawa Koffi na Cindy na yeye na Lulu ambaye yuko rumande sasa akituhumiwa kusababisha kifo cha mpenziwe Kanumba nao waliitana Mopao na Cindy (Gonga hapa usome). Inawezekana hii ilikuwa kwa sababu Cindy alikuwa na mahusiano ya kimapenzi na Boss wake ambaye ni Koffi na ndivyo ilivyokuwa kwao. Sio nia yangu kulizungumzia sana hilo ila ni katika kunogesha story yangu, Mungu amlaze marehemu Pema peponi.

Cindy amejizolea umaarufu kwa kuzirudia nyimbo hasa za taratibu na kumfanya Koffi kubakia vinywani mwa mashabiki kila mara, Koffi ambaye mapema mwaka huu alifungua jumba lake la kifahari amesema anataka kuweka studio ndani ya jumba hilo ili aweze kurekodi nyimbo zake mwenyewe. Awali akiongea na Zakarie Bababaswe mtangazaji mkongwe wa burudani Koffi alisema kuwa ana hazina ya nyimbo zaidi ya 100 ambazo ameshaandika bado kurekodi. Mopao uko juu.


%d bloggers like this: