Soyons Serieux ya BCBG yaendelea kutesa Kinshasa

September 30, 2012

Tangu kutoka albamu ya Wenge BCBG ya Soyons Serieux imeendelea kutesa mitaa ya Kinshasa.

Kwa mujibu wa mtandao maarufu na unaoaminika wa Digital Congo albamu hiyo bado inatesa kwenye mauzo, kupigwa mitaani kwenye radio na hata kwenye sherehe. “albamu hii inanyimbo nyingi nzuri na zenye mvuto na kupigwa kifundi ambazo yeyote mpenda muziki hawezi kuacha kuzisikiliza hivi karibuni…” ilisema sehemu ya habari hiyo.

Hayo pia yamedhihirika hata upande wa pili wa Mto Congo yaani Brazaville ambako JB na kundi lake la Wenge wanapendwa zaidi, amekuwa akipata mialiko mingi ya huko na kila mara kupata interview za magazeti ama radio na hata kwenye vituo vya luninga. hii ni kuthibitisha jinsi gani kazi ya Binadamu Mukullu Papaa Cherie inavyokubalika.

Habari hiyo imemalizikia kwa kuwakaribisha wapenda muziki kwenye show ya BCBG kwenye kiota chao cha Crystal Club leo jumapili kilicho kwenye barabara ya June 30 kupata burudani mwanana. Nakuacha na kibao Bologna ambacho binafsi nakipenda sana ambacho kiko kwenye albamu hiyo ya Soyons Sirieux. Jumapili njema waungwana


Heritier Watanabehuenda akatimuliwa Wenge Musica Maison Merre

September 30, 2012

Mwanamuziki Heritier Watanabe wa WMMM

Mwanamuziki nguli na mwenye sauti ya Radi Heritier Watanabe toka kundi la Wenge Musica Maison Merre WMMM linaloongozwa na Grand Tata Werasson Ngiama Makanda anaweza kutimuliwa kundini.

Watanabe ambaye siku za karibuni amekuwa akigonga vichwa vya habari hasa baada ya kurejea kundini mwanamuziki wa siku nyingi wa kundi hilo Japonaise na kupewa uongozi. kumekuwa na vita ya kugombea madaraka kati ya Japonaise na Watanabe na kwa kiasi fulani Watanabe ambaye tangu awali anatabia ya utukutu amekuwa haheshimu ratiba za mazoezi, anagombana na wenzake kwenye kundi na hata kiongozi mkuu Werasson amekuwa hamsikilizi kilisema chanzo cha habari hizi.

Watanabe ambaye wiki mbili zilizopita aliachwa na bendi yake ilipokwenda kutumbuiza Muanda huko jimbo la Bas- Congo ikiwa nai adhabu baada ya kupayuka kwenye vyombo vya habari kuwa kuna upendeleo kwenye kundi lake na ye kuona kama hatendewi haki. Habari pia zimesema mwanamuziki Mwingine Papii Kakol aliwahi kupata adhabu kama hiyo pale alipoonyesha utovu na nidhamu wakati wa mazoezi ya “Zamba Playa” ni baada ya kukwaruzana na Wata, Wajuzi wa mambo wanasema kutoonekana kwenye show ile na hata juzi jumapili kwenye Show ya Kisenso hakuwepo inawezekana ndio byebye.

Mgogoro wa uongozi ambao washabiki wanauhusisha na matajiri ambao wanauhusiano na hasimu mwingine Koffi Olomide ambaye awali alikuwa rafiki mkubwa wa Werasson na sasa yuko kambi ya Jb Mpiana, habari zinasema kuwa Watanabe anachochewa na watu wa nje asikubali kuwa chini ya Japonaise  ambaye tangu arejee kwenye bendi baada ya kuwa nje kwa zaidi ya miaka kumi amekuwa gumzo kila bendi inapopiga.


Usiku wa sauti na Diamond Sound sasa mwezi Ujao

September 28, 2012

adolp mbinga

Adolph Mbinga

alain mulumba kashama

Allain Mulumba Kashama

elly chinyama

Elly Chinyama

Ibonga Katumbi Jesus

 

richard mangustino (2)

Richard Mangustino

ONYESHO la Usiku wa Sauti na Marafiki kweli ambalo litakaowakutanisha wanamuziki mbalimbali waliowahi kupigia bendi ya Diamond Sound ‘Dar es Salaam Kibinda Nkoi’ pamoja na wanamuziki wengine nyota nchini utafanyika mwezi ujao.

Meneja Uhusiano wa Kampuni ya Endless Fame inayoandaa onyesho hilo, Zulfa Msuya amesema mjini Dar es Salaam kuwa, kusogezwa mbele kwa onyesho kumetokana na baadhi ya wanamuziki kuwa safarini huku wengine wakiwa katika kazi ya kurekodi na bendi zao.

“Tumelazimika kusogeza mbele onyesho hili kwa sababu walengwa wakuu walikuwa safarini, wengine walikuwa wana kazi ya kurekodi, kwa hiyo hawakuweza kuanza mazoezi kwa muda uliotakiwa, lakini sasa wamesharejea wote na wako tayari kuanza kambi kwa ajili ya siku hiyo,” amesema.

Zulfa amesema wanamuziki hao watakuwa wakifanya mazoezi katika ukumbi wa Princess Hall pale Sinza, Mapambano na mazoezi hayo yatachukuwa wiki mbili.

Naye kiongozi wa Diamond Sound, Ibonga Katumbi ‘Jesus’ amesema wanataka kufanya onyesho ambalo litakuwa historia, hivyo bila timu yote kukamilika isingekuwa rahisi wao kuanza mazoezi.

“Sisi hatujakaa pamoja zaidi ya miaka 12, ili kupata muziki wenye kiwango cha juu ni lazima tukae si chini ya wiki mbili kufanya mazoezi, ili watu wasikie ladha ile ile waliyokuwa wakisikia TCC, Silent Inn.

“Wasisahau kuwa tutapiga pia nyimbo za Beta Musica, sasa mtu kama Adolph hakuwepo Beta, Kata Nyama amepiga Beta wimbo mmoja, lakini kuna wanamuziki kaka zetu watakuwepo pia nyimbo zao ni za miaka ya 1980 huko nao lazima zifanyiwe mazoezi, tuko makini kuhakikisha tunafanya hili kwa ufanisi mkubwa,” amesema.

Jesus amesema kuanzia wiki ijayo utaratibu wa muda wa kuanza mazoezi, ukumbi na matangazo mengine mbalimbali yataanza kutoka kwa nguvu kwenye vyombo vya habari. Ameongeza pia kuwa hata nyimbo zingine zitaanza kusikika katika mapigo tofauti lakini zikiimbwa na wanamuziki wote wa zamani.


Wenge Re Union palikuwa hapatoshi

September 27, 2012

CLAN WENGE wenyewe kila mmoja kwa wakati wake mewahi kuungama kuwa hawana uhasama nje ya jukwaa na tofauti zao zipo kwenye kazi tuu na hili limethibitishwa karibuni walipojumuika pamoja kwenye msiba wa mwanadada Monica Ceres wa Wenge BCBG na hata msiba wa Madillu na hata Werasson alipopata ajali JB Mpiana na Adolph walikuwa wakwanza kufika.

Katika vitu naombea kukutana nacho kwa macho yangu makavu ni mjumuiko kama huu tena, hiiilikuwa ni mwaka 2010 walipojumuika tena kwenye jukwaa moja Werrason, Blaise Bula, Tata Adolphe Dominguez,  Didier Masela Vandomas, Alain Makaba Prince, Emelia Liase Doming’ong’o, Alain Mpela Afande kasoro JB mpiana ambaye alikuwa yuko Paris Ufaransa kwa ajili ya kumalizia Albamu yake.


Angalia Audition ya Maisha Plus Dar jinsi ilivyovunja record !!!

September 25, 2012

Nyomi hili liliambiwa litasailiwa siku inayofuata, baada ya majaji kuzidiwa

Washiriki Nyomi wakiwa wanasubiri zamu yao ilibidi siku isogezwe mbele ili walao waweze kudahiliwa.

Wow. We knew we were going to get a big crowd for our two day audition in Dar lakini hatukujua ingekuwa hivi, asante kwa wote mnaotuunga mkono, you all made this possible. Washiriki waliojiotokeza ni wengi kuliko matarajio yetu.

Wakati Audition zinafikia tamati, vipindi navyo vimeanza kuruka hewani kila siku kuanzia saa nne kamili usiku ndani ya TBC1, catch all the drama, all the laughs, all the lessons.

IMG_1822

IMG_1873

Baadhi ya vijana waliojitokeza


Usiku wa Mayenu ndani ya Mzalendo Pub

September 21, 2012

USIKU wa MAYENU leo FURAHIDAY ndani ya Mzalendo Pub, miLLennium tOwers, Dar es SaLaam, TZ ni Hatareeee, njoo ukutane na WATU wa NGUVU.


Wimbo Liberation wa Wenge Musica BCBG

September 21, 2012

Tunaendelea na kukokotoa nyimbo zetu za Lingala, Wimbo huu umetungwa na Aimelia Lyase Doming’ong’o wa Wenge BCBG toka Albamu ya Titanic ambayo ilikuwa ni moja ya Albamu zao za kwanza kabisa.

Wimbo huu binafsi naupenda sana na hasa verse ya Afande Alain Mpela ambaye kiukweli sijui ni kwanini ameamua kuondoka kundini kwani pamoja na jitihada zake bado hajafanya vizuri kabisa.

Aimelia Lyase ambaye kwa kiasi kikubwa alikuwa akifanya vizuri sana na Wenge BCBG naye aliamua kutoka kivyake, nitakuleteeni story kwa nini Lyase aliamua kuondoka BCBG na kwa sasa yuko wapi, maisha yake ya Muziki siku zijazo.

Kama nilivyosema tafsiri hiii si rasmi hivyo mwenye kuweza atie nyama zaidi.

LIBERATION

WENGE BCBG (TITANIC)

AIMELIA LIASO

Baloba kutu nalingaki yo Na moyeke Po motindo tolingani epesi solo folie yaaa, Bolingo tango ekobandaka ngonga ekobeta teo tokomi kolingana malembe malembe Na bolingo oo ekoti motema milema na milema Charles Kabuya boni yo Sali boye

· Wamesema kwamba ninakupenda Kwa juju Kwa sababu tumependana Kama vichaa, Penzi linapoanza halipigi kengele na huanza taratibu taratibu Charles Kabuya kwa nini unafanya hivyo.

Titi yaka tuna ngai, Elili yokotuna nga Oya Aimelia Liaso talaka Na biso Te, Oya Alain Mpela nga nakoloba nini mokolo ya kozonga Na Mboka Na nga Mboka ya Bapapa mpe Bamama babota biso oo.

· Titi njoo uniulize Kivuli chako huja kuniuliza O Aimelia Liase nyumbani, Nchi ya akina baba Na mama walimozaliwa.

J.B Mpiana tunela nga ye, Po nini Alain otalaka nga ee Oya Cele Bula nga nakolela nini mokolo akozonga Na Mboka Na nga Mboka ya Bapapa mpe Bamama babota biso oo.

· J.B Mpiana niulizie Kwa nini Alain waniachia hivyo O Cele Bula nitaliaje lini siku atakaporudi nyumbani Nchi ya akina baba na mama walimozaliwa.

Po nini, Ponini, Po nini Nzambe, Mokili ekomi bongwana bongwana likambo ya somo Po Na biso bato ya Mokili boyokani ikeleve Charles yaka yaka kopelisa mwinda Na ndako yango molili Cele yo Charles kabuya Na nga aa

· Kwa nini, Kwa nini, Kwa nini mungu Duniani kigeugeu Ni jambo la huzuni sisi watu Duniani tusikilizane Charles njoo, Njoo unurishe/Ung’arishe chumba changu Giza Limezidi Charles Kabuya wangu.

Nayebisaki yo wuta kala Charles Kabuya, Nalobelaki yo wuta kala Mike Toto oo, Je pourrais pas te quitter amie d’ amour Yawe talela nga likambo lelo nga nakomi na pasi na nga bapasi na nga Alain afuta…………………….

· Nilikuambia tangu zamani, Nilikuzungumzia mapema Mike Toto sitokuacha rafiki wa Kimapenzi Mungu nitazame mkasa huu, Leo nimetekwa katika matatizo Matatizo yangu atalipa Alain……………

Soki bolingo ewutaka Na Nzambe Te nde ngai nazanga yo ozali fleur oyo naloni pembeni ya ebale mwinda aa mpe malasi ya vie na nga aa

· Kama mapenzi yasingetoka Kwa mungu ningekukosa wewe ni ua nililopanda pembeni ya bahari wewe ni taa pia manukato ya maisha yangu.

Ayenhe yoyo nalela bolingo Na nanga wuta bomwana, Nalela mama mokonzi Grace Nzenga Na ngai Namona Mbemba akokola Na mabele Nalela Souverain Patchou nalela matabisi alima masoi ………….

· Ayenhe nimekua nikililia penzi langu tangu utotoni Nalia mama mkubwa Grace Nzenga wangu Nimemuona Mbemba akikulia Ziwani Namlilia Mfalme Patcho

Oyebi bolingo batango mosusu epesaka liboma Papito Mbala Tate moko Pinzoli Na miso ekokita se po ya souci nayo Bolingo makasi Aladji Djambo manase ya Mbula nakopola sepo ya souci ya vie chance Na Kavungu Ni mokonzi…………………

· Waelewa kwamba mapenzi wakati mwingine husababisha mauaji Papito Mbala, Machozi yanidondoka juu ya Penzi la nguvu Aladji Djambo nimelowa na mvua kwa ajili ya Kavungu mkubwa………..

 

Shukrani za kipekee kwa mashabiki wangu nimefarijika nimepata email toka kwaEmmanuel Msigwa toka Pride FM Radio ya Mtwara pamoja sana mukubwa. Nawatakia Ijumaa Kareem


Porte Monnaie ya Ferre Gola

September 21, 2012

Ferre Gola alikuwa mwanamuziki wa Kwanza kabisa kuwa Recruited kwenye bendi ya WMMM baada ya kutemwa kwa JB Mpiana na inasemekana alikimbizwa na Aimelia Lyase Doming’ong’o, alipofatwa alisema ni sawa anajiunga lakini baadaye walipofanya interview na mtangazaji mahiri Zakarie Bababaswe alikaririwa akisema kuwa naye anampango wa kuja kuanzisha bendi yake, inasemwa kuwa habari hizi hazikumfurahisha sana Boss wake mpya Werrason na wakati wamekwenda kwenye show ya Zenith Werra ilibidi atoke na Ferre ili waongee baada ya kuona Ferre kama anajitenda na yuko busy sana na simu yake.

Ingawa alikaa na wakatoa albamu ya kwanza bado kiu yake ya kujitenda iliendelea na baadaye alikuja kutoka kivyake, huku wakigombea “wateja” na Fally Ipupa bado nafasi ya Ferre kwenye soko la muziki ni kubwa ukilinganisha na wenzie ambao walitoka wenye makundi yao.

Ferre  Gola amekuwa kipenzi cha mashabiki wengi hasa kwa nyimbo zake za taratibu zimebamba mno, rafiki yangu Ally Juto aka Ally Tandika, Ally Magari Ally Mapicha anampenda sana huyu bwana, naomba ijumaa ya leo nikuache na kibao Porte Monnaie kibao hiki kilinde utulivu wako ijumaa ya leo.


Kama ungependa kuwemo kwenye Video ijayo ya Diamond? Basi hii inakuhusu

September 17, 2012

314286


Angalia Werasson alivyojaza watu FIKIN 2012 LIVE!!

September 17, 2012

Kiukweli WMMM kwenye Live shows wako fresh sana, huwa nawakubali sana na hiki kiwanja cha Fikin ni kiwanja chao cha kujidai. utakubaliana na mimi kwa kuangalia jinsi jamaa alivyojaza watu. inasemwa kuwa mashabiki wengi wa Werasson walifika kwa kuwa ndio siku alitambulisha nyimbo zilizo kwenye albamu yake mpya ambayo mashabiki wanaisubiria kwa hamu, albamu ambayo mpaka sasa haijulikani itatoka lini kutokana na kigugumizi cha mara kwa mara.


Ferre,King Kester,Jb Mpiana

September 17, 2012

Ferre Gola live on stage akiwaenzi kaka zake kwa kuimba nyimbo zao.Hebu tumtazame na kumsikiliza akimpa shavu rais Jb Mpiana ambae yeye mwenyewe mpaka kesho anamtambua kama ndio alikua rais na kiongozi halali wa wenge musica bcbg 4×4 tout terrain


Celeo Scram tena

September 17, 2012

Pengo aliloliacha Wenge Musica Maison Merre Celeo Scram limetufanya kuwajua watu kama Heritier Watanabe, ingawa hawezi kuyafanya aliyoyoyafanya Wata lakini kwa kiasi kikubwa naye ameng’ara.

Celeo Scram kwa hapa nyumbani sio jina maarufu kama nilivyowahi kusema radio Dj au watangazaji wa hapa sio wote wanauelewa vyema muziki huu na hukimbilia kupiga nyimbo kutoka kwa wanamuziki ama wanaowajua tu ama zile wanazozijua pekee, Kipindi pekee ambacho kiliwahi kuinua muziki huu wa Congo ni Afrika Bambataa ya Clouds FM na Kipindi kama sikosei ni Kwetu Kabisa cha Times FM kilikuwa kikirushwa na Sister V enzi hizo, baadaye Times kikafufuka tena huku Rose Chitalla naye akikiongoza kwa sasa sina hakika kama bado kipo.

Msikilize Celeo Scram kijana ambaye alisukwa na  kuiva ndani ya Wenge Musica Maison Merre ya Werasson wakiwa ni waanzilishi wa kwanza.


Buriani mamaa Monica Celeste, BCBG itakukumbuka daima.

September 17, 2012

Jb Mpiana,Wenge Bcbg,Koffi Olomide,Werrason,Didier Masela,Alain Makaba,Adolphe Dominguez na bana Kin Kibao walivyomsindikiza Monica Celeste aliyekua mcheza show wa bcbg katika safari yake ya mwisho,ama hakika ilikua ni siku ya huzuni sana kwa familia yote ya wanamuziki wa Congo.


Maisha Plus 2012 yaendelea na usaili mikoani

September 14, 2012

Kipanya, Kaka Bonda na Mwanahamisi redioni

Kipanya, Kaka Bonda na Mwanahamisi redioni

Dada Mwanahamisi anaongea na vijana kuhusu umuhimu wa kutunza chakula

Dada Mwanahamisi anaongea na vijana kuhusu umuhimu wa kutunza chakula

Team iliyojitolea kuingia msituni kutafuta vijana watakaoingia kijijini (2)

Team iliyojitolea kuingia msituni kutafuta vijana watakaoingia kijijini (2)

 

Baada ya kukamilisha usaili Dodoma, Kahama, Kagera,Singida, Mwanza, Morogoro, Iringa sasa usaili unaelekea mkoani Mbeya ambapo utafanyika Sept 15 .

Crew nzima ya Maisha Plus/Mama Shujaa wa Chakula inayodhaminiwa na banki ya NMB na Oxfam baada ya hapo itaendelea na safari kutoka Mbeya moja kwa moja mpaka Kilwa, ambapo itafanya usaili Septemba 17, kesho yake yaani Septemba 18 usaili utaelekea Masasi mkoani Mtwara.

Septemba 20 itakuwa zamu ya Wanzanzibar kusailiwa katika kumpata mwakilishi wa Maisha Plus kisha timu itarejea Dar tayari kwa usaili ambao utafanyika Septemba 22 na 23.

Kitakachofuata baada ya usaili wa Dar ni kipindi cha Maisha Plus/Mama Shujaa wa Chakula kuanza kuonekana kwenye runinga yako. Usikae mbali na TBC1 kwasababu ndiyo itakayokusafirisha nchi nzima ukiwa kwenye sofa lako nyumbani.

Kubwa kuliko

Wakati usaili ukiendelea mikoani nchini, Huko nchini Burundi nako usaili wa kuwapata washiriki wawili ulikuwa unafanyika kwa maana hiyo safari hii shindano la Maisha Plus litakuwa na washiriki kutoka huko.

Huu ni mwanzo wa shindano hili wa kuzishirikisha nchi zote za Ukanda wa Mashariki ya Afrika.

Kwa wakazi wa Dar fomu za ushiriki zinapatikana katika duka la Masoud Kipanya lililopo Millenium Tower, Kijitionyama. Unaweza kupata usaidizi ka kupiga namba hii 0717 710303.

Usikose kupitia hapa kila mara kwa ajili ya updates za kipindi chako kizuuri kabisa cha Maisha Plus.


Amour ya Dalila: Kolabo ya Koffi na Celeo iliyonogesha uhasama wa Koffi na Werrason

September 13, 2012

Werason na Celeo Scrarm Walikutana kwa mara ya kwanza kwenye msiba wa Madilu System tangu Celeo alipoondoka kwa WMMM. Inakumbukwa walipoanza WMMM wakati huo Walikuwa Didier Masela, Adolphe Dominguez, Ferre Gola, Baby Ndombe, Seseli Adjani, JDT Mulopwe, Celeo Scram, Bill Kalondji, Serge Mabiala, Didier Lacoste, Lay Chou, Michael Shendu, guitarists Flam Kapaya (solo), Japonaise Maladi (rhythm), Christian Mwepu (bass), drummers Papay Kakol and Ali Mbonda.

Baadaye Celeo Scrarm aliamua kuondoka kivyake na mpaka sasa anapiga kivyake. Katika Kolabo hii ambayo amefanya na hasimu mpya wa Koffi ambaye awali walikuwa marafiki wakubwa imeonyesha kipaji cha wote wawili. Wakati JB Mpiana akiwa kwenye kaa la moto na Werrason Koffi alikuwa upande wa Werrason na wote wawili walikuwa wakifadhiliwa na Pendejee Didie Kinuani.

Koffi anajulikana kwa kutengeneza Video Bora huku Celeo akielezwa ni muongozaji na mchaguaji location za kufanyia Video Shooting mzuri, sikiliza huu wimbo na angalia ubora wa kazi pia kisha nipe maoni yako.


Congo UNI: Werasson akiwalilia wahanga wa vita Mashariki mwa Congo

September 13, 2012

Ni Single mpya ya mwanamuziki Werasson Ngiama Makanda ambayo anongelea Uhuru wa Congo huku akiwalilia akina mama na akina dada wa Mashariki mwa Congo ambao wamekuwa ndio waathirika wakubwa wa Vita hii. Ikumbukwe kuwa Congo imekuwa kwenye vita ya wenyewe kwa wenyewe kitambo sasa na Werasson ni balozi wa amani wa Unicef. Muziki katika Jamhuri ya Kidemokrasia ya Congo una nguvu sana. akiongea na mtandao wa digit congo Werasson amesema ni wakati sasa wanamuziki kufikisha ujumbe kwenye dunia kupitia vipaji vyao vya muziki kugeukia matatizo yanayoikabili jamii na kuacha kuimba kuhusu burudani na mapenzi pekee.

Humu ndani utasikia maneno ya Kiswahili yakisema muache kuwatesa wanastahili maisha, akisisitiza kuwa akina mama tunastahili kuwaenzi badala ya kuwatesa na kuwabaka na hata kuwaua, kwani wao ndio waathirika wakubwa, Pia sikiliza kuanzia 3:58 kuna mtu anaitwa Capuccino anaimba verse ya kiswahili kizuri sana analalamika jinsi Congo watu wanavyouana, ni wimbo wa taratibu (Rhumba) Mzuri sana. Kwa sasa wimbo huu unapigwa sana kwenye stesheni za redio na Televisheni huku ukikumbusha umuhimu wa Amani.


Kwa wapenzi na washabiki wa Pool tuu, angalia mtoto anavyopiga kete huyu

September 12, 2012

Kuna jamaa yangu anaitwa Robert William Mwafrika aka Mtu wa Mbeya au Mwaisa, huyu jamaa aliwahi kuwa bingwa wa Pool kwenye mashindano kadhaa ila nilikwenda naye Mlimba huko kijijini na alikutana na kijana mdogo akamtoa 5-0.

Angalia mtoto huyu mdogo wa miaka mitano anavyopiga kete kisha nipe maoni yako.


Usaili wa Maisha Plus 2012 waendelea

September 5, 2012

 

Heka heka za Maisha Plus

Heka heka za Maisha Plus

Huko njiani kuna mambo

Huko njiani kuna mambo

 

Kaka Bonda akimhoji mshiriki

Kaka Bonda akimhoji mshiriki

 

Mama Shujaa wa Chakula akionyesha ushujaa wa chakula

Mama Shujaa wa Chakula akionyesha ushujaa wa chakula

 

Usaili wa Maisha Plus umeendelea leo (Septemba 4) mkoani Mwanza; baada ya hapa timu nzima itaelekea Morogoro katika wilaya ya Mvomero na siku inayofuata itaibukia Igula, Mkoani Iringa. “Tukitoka Iringa tunahamia Sumbawanga huko Kantalamba then tutarudi Mbeya, baadaye tutaelekea Kilwa kisha Masasi na Zanzibar itafuatia.

Dar es Salaam itakuwa ya mwisho ambayo usaili wake utafanyika Septemba 22 na 23,” anasema Masoud Kipanya. Fomu za kushiriki shindano hili kwa Dar es Salaam zinapatikana katika Duka la KP lililopo Millenium Towers Kijitonyama. Kama unahitaji fomu
piga namba 0717104303 uelekezwe.


Fine Fine Love ya Jay Martin

September 5, 2012

Alipokuja nchini J Martin aliulizwa swalina muandishi mmoja kuhusu Muziki wa Tanzania akasema haujui, hili ni jibu la ukweli ambalo wengi wa wanamuziki wa nje wakija wanasema hivyo ingawa tunajivunia na muziki wetu na kuuita wa kizazi kipya jambo ambalo wachambuzi wa muziki wanasema bado muziki huu hauna ladha ya kipekee kiasi uitwe Bongo Flava. Bado kumekuwa na malalamiko ya ku copy beat kutoka miziki ya wenzetu. Kuna vitu vingi ambavyo vinasemwa pia vinachangia kuufanya muziki wetu usivuke mipaka wengine wakiitaja lugha, Lakini mbona Cabo Snoopy amefanikiwa na anaimba lugha ambayo wengi wetu hatuijui? Mbona wanamuziki wa Congo wameweza na lugha yao hatuijui?


DIAMOND APATA MUALIKO WA DINNER NA MISSY TEMEKE WASHINGTON DC

September 5, 2012

Miss Temeke (Khamisa) akishow love na Mwanamuziki Diamond baada ya kumualika kwa Dinner.

Seating arrangement kabla ya maakuli

Miss Temeke na Diamond

Miss Temeke Khamisa anayeishi huko Washington na ndiye mmoja wa wenyeji wake Diamond, Miss Temeke aliwahi kuwa Mshindi wa shindano la Miss Temeke miaka ya nyuma na kwa sasa anaishi na kufanya shughuli zake USA.

Kundi zima la mwana muziki wa kizazi kimpya Diamomd wakipata Dinner ya pamoja na Missy Tameke. baada ya show yao iliofanyika Sept1,2012

Missy Tameke pamoja, Salma Jay Jay pamoja na  Diamomd, wakipata picha ya pamoja kwenye ddinner ya pamoja iliofanyika jana Usiku wa Sept 3. 2012.

Mwana muziki wa kizazi kimpya Diamomd akipata picha ya pamoja na Kundi Zima la Mabanati wa Maryland. US

PHOTO CREDITS:BY ABOU SHATRY CHEIF WA SWAHILIVILLA


%d bloggers like this: