Hasheem kaenda hewa si kitoto.

August 31, 2012

Photo: Njemba imepanda juu kuliko.

Mtangazaji wa BBC Swahili Eric David Nampesya akifanya mahojiano na Hasheem Thabeet ambaye alikuwa nchini hivi karibuni na kuendesha Clinic ya mpira wa kikapu akishirikiana na mwenzake wa Chicago Bulls katika viwanja vya Don Bosco. Tanzania ingependa kuwaona akina Hasheem wengine waking’ara kwenye ulimwengu huku wakipeperusha bendera ya nchi yetu.


Maisha Plus Mama Shujaa wa Chakula yaendelea kuchanja mbuga.

August 31, 2012

MaishaPlus/MamaShujaaWaChakula2012:
Hifadhi ya Ngorongoro, njiani kuelekea kijiji cha Engaresero kufanya usaili na kumuona Mwakilishi wa Mama Shujaa wa chakula mkoa wa Arusha.
Powered by NMB and Oxfam.


Uchokozi mwingine bana: Aliyemliza RAGE huyu hapa.

August 31, 2012

Dah huyu ndio mchezaji ambaye Simba wanamuota na alifanya Rage akatoa mchozi mpaka kutangaza kujiuzulu ujumbe kwenye kamati ya TFF, ni Mnyarwanda Mbuyi Twite ambaye alisemekana kusaini na Simba kabla Yanga mahasimu wao wakuu hawajawazidi ujanja na kumchukua, Hapa alikuwa akizongwa na mashabiki na wanahabari baada ya kuwasili Uwanja wa ndege wa Kimataifa hapo jana.

Mashabiki wa Yanga walimpatia jezi hiyo aliyovaa ya Yanga ambayo nyuma ina jina la Rage.


Allain Mpella Kurejea kwenye Muziki baada ya kushindwa ubunge.

August 31, 2012

Baada ya kuanguka kwenye uchaguzi wa mwaka jana wa 2011 wa Wabunge, Mwanamuziki wa Zamani wa Wenge Musica BCBG Allain Mpela Afande amesema kuwa atarejea kwenye muziki kwa kasi. Mpela ambaye kwa sasa hana Albamu wala single yeyote inayo heat sokoni amesema kuwa anajikusanya ili atoe kitu kitakachotikisa anga la muziki.

Mpela amesema kuwa kwa sasa anaandaa Albamu yake ambayo itaitwa Flèche empoisonnée (Mshale wa Sumu) jina lainalofanya mashabiki kuwa na hamu ya kuisikia hiyo Albamu, Mpela ambaye ni kaka wa damu wa Mwanamuziki Geco Bouro Mpela ambaye aliwahi kuwa na Koffi Olomide aliyasema hayo kwenye Anniversary ya miaka mitano ya kifo cha Madilu System.  Wote wawili waliondoka kwenye bendi zao na kujiunga kwa pamoja na kutoa albamu ya Mortal Combat ambayo haikufanya vizuri, wakiitolea maoni mtangazaji wa siku nyingi wa burudani Zakarie Bababaswe alisema kuwa kwa maoni yake Allain Mpella na Geco Mpella wote kwa pamoja waliwahi kuondoka kwenye bendi zao, bado walitakiwa kupata uzoefu zaidi jambo ambalo hata Spoti na Starehe inakubaliana nalo.

Ngoja tusubiri tuone huo mshale wa moto utakuwaje.


Wenge Musica Maison Mere – Prince Au Congo

August 31, 2012

Kiukweli kila ninapoulizwa mapenzi yangu kwa Werasson Ngiama Makanda huwa moja kwa moja narudi kwenye albamu hii ambayo kwangu mimi huwa ni Albamu ambayo naikubali sana.

Niilikubali sana hii albamu kabla sijaujua mgogoro wa Wenge vizuri, lakini baada ya kuusoma kwa ndani utagundua hapa Werrason alikuwa na kikosi kilichokuwa kimetimia sana.

Watu wengi walitaka kuonyesha vipaji vyao, Ferre, Bill Clinton Kalunji, Celeo Scam na Flam Kapaya ni baadhi ya majina ambayo yaliibeba sana ngao ya WMMM, Posti hii ni kwa heshima yako Pius Mikongoti Jr aka Mlala ambaye najua unampenda sana huyu bwana, anyway nilimpenda JB ili kujitofautisha na bwana huyu kwa vile tumefafa hadi majina hahahahaaa . Ukitaka kujikumbusha wote walivyokuwa recruited bofya hapo chini.

Read the rest of this entry »


Seguin Mignon Wa Wenge BCBG

August 31, 2012

Alain Prince Makaba 188 Memoir et Mignon Garcon Seguin

Seguin Mignon(kulia) mpiga drums wa bcbg wa sasa enzi hizo akiwa na Alain Prince Makaba”internet”, Ukisikiliza Omba Remix ile Live kuna mahala JB Mpiana alilalamika sana na kuanza kuwaita wanamuziki wake akiwataja sana Afande, Caludji na kisha kuwataja wengine alianza na Seguen kwa wanaosikiliza vizuri Seguen aliliza sana Drumz JB alipomuita huyu ndiye aliyechukua mikoba ya Titina Alcapolne na kwa kweli kazi yake inasikika.

Msikilize JB hapo chini


Kalala kuanza kazi rasmi Ijumaa hii.

August 31, 2012

Akiwa na warembo wa Twanga Pepeta wanaounda safu ya mbele ya wanenguaji.

Kalala ataanzia rasmi kufanya kazi katika ukumbi wa Mzalendo Pub uliopo katika Jengo la Millenium Tower lililopo maeneo ya Makumbusho Jijini Dar es salaam. Jumamosi itakuwa zamu ya ukumbi wa nyumbani wa Mango Garden na Jumapili atamalizia Leaders Club Kinondoni mchana kuanzia saa nane. Habari ambazo Twanga wametoa zinasema kuwa Kalala amejiandaa kuwapa uhondo mashabiki na wamewataka mashabiki kujitokeza kwa wingi kuishuhudia bendi yao ambao kwa kiasi kikubwa inaongoza kwenye burudani ya muziki wa dansi jijini.


GADNER G. HABASH AHAMIA RADIO TIMES 100.5 FM, KUIBUKA NA KIPINDI CHA “MASKANI”

August 31, 2012

 

 

Mtangazaji wa Radio Times 100.5 Scholastica Mazula akizungumza na waandishi wa habari kwenye magahawa wa City Sports Lounge Posta jijini Dar es salaam wakato alipomtambulisha rasmi Kapten Gadner Habash ambaye amejiunga na kituo hicho cha redio hiyo. Hivi karibuni atakuja na kipindi kipya kinachokwenda kwa jina la “Maskani” kitakachozungumzia mambo mbalimbali katika jamii, katika picha kushoto ni Gadner G. Habash mwenyewe na kulia ni Mtangazaji wa kipindi cha michezo Cliford Ndimbo. (Picha kwa hisani ya Full Shangwe)


AROBAINI YA MAREHEMU RAYMOND MADINDA MANG’ATI

August 31, 2012

madinda

Familia ya Mzee Simon Mang’ati pamoja na familia ya Marehemu Raymond Madinda Mang’ati (Mrs. Nkinde Madinda Mang’ati na , Raymond Junior na Leonard Junior Mang’ati) Wanapenda kuwakaribisha kwenye mkesha wa AROBAINI ya Marehemu Raymond Madinda Leonard Mang’ati utakaofanyika kuanzia Ijumaa tarehe 31/08/2012 kuamkia Jumamosi tarehe 1/09/2012 nyumbani kwa wazazi wa marehemu Mbweni-Masaiti nyumba No. 47.

Kwa Maelekezo Zaidi Piga Simu: 0655 597 955

MWENYEZI UNGU AWABARIKI SANA.

BWANA ALITOA NA BWANA AMETWAA JINA LA BWANA LIHIDIWE

“MWENYEZI MUNGU AILAZE ROHO YA MAREHEMU RAYMOND LEONALD MADINDA MANG’ATI MAHALA PEMA PEPONI AMEN.

KARIBUNI SANA


JOSE MOURINHO: KOCHA WA KWANZA KUCHUKUA MAKOMBE YA LIGI NA SUPERCUP KWENYE NCHI NNE ZA JUU KISOKA

August 30, 2012

 

Kocha wa Real Madrid Jose Mourinho ameendelea kuvunja rekodi mbalimbali katika ulimwengu wa soka, baada ya kuwa ndio kocha pekee aliyechukuwa ubingwa ligi kuu za nchi nne tofauti kubwa barani ulaya na vilabu vya Porto, Chelsea, Inter Milan na Real Madrid.

Usiku wa kumakia leo Jose Mourinho alikiongoza kikosi chake cha Real Madrid kuwafunga mahasimu wao wakubwa FC Barcelona bao 2-1 kwenye mchezo wa pili wa kogembea kombe la Supercup kwenye uwanja wa Santiago Bernebeu. Kwa matokeo hayo timu hizo zikafunga kwa jumla ya mabao 4-4, lakini kutoka na Madrid kuwa na idadi kubwa ya magoli ya ugenini wakatwaa ubingwa huo wa tatu tangu Mourinho afike Bernebeu.


Le CLASICO: Real Madrid Vs Barcelona, Statistics

August 29, 2012

TONIGHT
WEDNESDAY
29 AUG 2012
SPANISH
SUPER CUP

image

image

Kama umeshindwa kusoma hapo gonga hapa


Silver Boutique New Arrivals

August 29, 2012


Linex na Wenzake wapata ajali wakienda Kigoma

August 28, 2012

Linex

Mwanamuziki Linex akiwa na wanamuziki wenzie kama Suma Lee na Besta wamepata ajali wakiwa njiani kwenda Kigoma. akiongea na XXL ya Clouds FM, Linex amesema kuwa wamepata ajali hiyo wakiwa eneo linaitwa Luganza Njia panda ya kwenda Burundi, Bukoba na Kigoma Suma Lee alikwepesha gari ikagonga mti, “…Besta na Suma Lee ndio wamepata maumivu kidogo na hapa tunamsubiri Trafiki aje maana anatokea mbali kidogo kama kilometer kumi na tano…” alisema Linex. Pia Linex aliongeza kuwa basi halikusimama liliondoka ingawa dereva aliona kuwa amesababisha ajali.

Akiongelea jinsi ajali ilivyotokea Linex amesema kuwa ilikuwa kwenye kona ghafla wakaliona basi likija upande wao na Linex aliamua kukwepa na ndipo gari ikaingia kwenye mtaro na kugonga mti, “bahati gari halikuwa kwenye mwendo mkali” alisema Linex.

Spoti na Starehe inawatakia wapone haraka kwa wale waliopata maumivu.


Maisha Plus 2012: Maandalizi Yamepamba moto

August 28, 2012

Masud Kipanya akiwa na Kaka Bonda wakipata mlo baada ya kazi ngumu ya ujenzi wa kijiji. Kama unavyoona huko hamna mambo yetu kabisa Masud kakata Kopo ili anywee maji yaani nakumbuka kijijini kwetu Mlimba, Ifakara Morogoro hahahahaha.

Maandalizi ya kijiji cha MAisha Plus huko Kigamboni yanapamba moto huku mchakato ukiwa umeshaanza, Arusha/Moshi ikiwa imefungua pazia na leo wapo huko Lushoto na mchakato unaendelea ambapo Kijiji kitafunguliwa mwezi wa Kumi. Maisha Plus msimu huu imeunganishwa na shindano la Mama Shujaa wa Chakula ambalo linafadhiliwa na Oxfarm na NMB kwa pamoja wanaifanikisha Maisha Plus 2012.


Koffi Olomide aomba msamaha kwa Kumpiga Producer wake.

August 28, 2012

image

Pichani Koffi akiingia Mahakamani huko Gombe.

Mwanamuziki Koffi Olomide ameomba radhi kwa kitendo alichokifanya cha kumpiga Producer wake Diego Musica na kupelekea kupewa adhabu ya miezi mitatu jela.

Koffi amesema hayo baada ya kunusurika kula kifungo cha miezi mitatu na kulipa faini kwa kosa la kudhuru mwili alilokuwa akishtakiwa nalo. “ninaomba radhi kwa wapenzi na washabiki wangu, kuna wakati inafika huwezi kuzuia hasira na kuja kujuta baadaye…” ilisema sehemu ya taarifa ya Koffi. Koffi alishtakiwa na kukamatwa na kuwekwa mahabusu huko Gombe baada ya kutokea sintofahamu kati yake yeye na Producer wake huyo ambaye nasemwa kuwa Koffi alimnasa kibao na kumfanyia fujo sana huku kila mtu akisema lake kuhusiana na ugomvi huo ambapo watu wa karibu wanasema ulitokana na deni ambalo Diego alikuwa akidaiwa na Koffi na kipindi cha karibuni alikuwa akijibu jeuri.

Inasemwa kuwa Diego aliamua kufuta shauri hilo baada ya kushauriana na wadau wa burudani kwani yeye na Koffi licha ya ukaribu wa kikazi pia wana uswahiba lakini maofisa wa Mahakama walikataa na kusema kuwa Koffi bado ana shtaka jingine la kuharibu mali ikiwa ni baadhi ya vifaa vya hotel ilikotokea fujo (Mlango). Wajuvi wanasema kuwa kosa hilo linaweza kuingeza adhabu na kufikia Miaka mitano. Akiongelea msamaha wa Koffi Waziri anayeshughulika Mawasiliano Habari na Uraia Mheshimiwa Lambert Mende alisema kuwa Koffi anatakiwa kuomba msamaha kwa wananchi sio Serikali na hivyo kupelekea utenguzi wa hukumu hiyo kuwa tete.

Koffi amesema kuwa atawazawadia mashabiki wake ambao anahisi amewaudhi mno kwa kitendo hicho kwa kuwatolea single hivi karibuni.


New Arrivals at Silver Boutique

August 27, 2012

SILVERBOUTIQUE


Kalala Junior arejea na Kutambulishwa rasmi Twanga Pepeta

August 23, 2012

Kalala Jr akiwa na wanamuziki wa Twanga baada ya kutambulishwa.

Kalala Junior akionyesha ufundi mara baada ya kutambulishwa.

BAADA ya fununu za chinichini kutawala, hatimaye uongozi wa The African Stars ‘Twanga Pepeta’ umemtangaza rasmi mwanamuziki, Kalala Junior kuwa memba wa bendi hiyo.

Akizungumza na waandishi wa habari katika Ukumbi wa Mango Gardeni leo, msemaji wa bendi hiyo, Muddy Pizzairo, amesema wameamua kumrudisha rasmi kundini baada ya kuihama Twanga kwa muda na kwenda -bendi ya Mapacha Watatu.

Hayo yamethibitishwa na Ukurasa wa Facebook wa bendi ya Twanga Pepeta leo.


Mzimu wa Samata bado wamkaba SAMAGOAL Samata

August 22, 2012

Aly SAMATTA, terreur des Egyptiens

Ama kwa hakika Wamisri hawatomsahau Mbwana Ally Samata kwa jinsi alivyowafanya kila walipokutana na timu yake, Samata amabaye anachezea Timu ya TP Mazembe alizifumania Nyavu za Wa Misri mara tatu mara moja TP Mazembe walipocheza na Al Ahly na Mara mbili walizokutana na Zamalek akiwa amepachika bao moja moja kwa kila mechi.

Kwa mujibu wa Mtandao wa CAF na Mtandao wa TP Mazembe Samata ambaye wao wanamuita Ally Samata wamempachika jina wanamuita SAMAGOAL kwa jinsi anavyozifumania nyavu. Samata alifunga magoli yote kwa kichwa na yanafanana, kijana huyu mwenye miaka 20 bado ni mdogo na anaweza kufika mbali ilisema sehemu ya habari kwenye mtandao wa CAF.

Goli la kwanza lilikuwa Cairo Al Ahly walipocheza na Mazembe na Samata kusawazisha baada ya kuruka juu na kuupiga kichwa na kusawazisha goli hilo.

Goli la Pili lilikuwa Lubumbashi wakati uwanja ulipolipuka kwa mayowe wakati SAMAGOAL alipounganisha kick ya faulo iliyopigwa na Kepteni Mputu.

Mashabiki wa Al Ahly hawakuamini pale waliponyamazishwa na goli la Samata. Kwa sasa bado Samata anagonga vichwa vya habari na story yake iko juu kwenye website ya MAzembe, kama unaelewa Kifaransa gonga hapa.


Yao Ming ndani ya Afrika Mashariki

August 15, 2012

Yao Ming makes the Samburu warriors look short 🙂 He is a retired Chinese professional basketball player who stands at 7 ft 6 in and has a soft spot for elephants. Yao Ming arrived at Elephant Watch Camp and was greeted by the Samburu warriors who could not wait to meet him.


Solo ya Risasi kidole ya Mashujaa band na Sous Sol ya Werason wa WMMM

August 14, 2012

Katika vitu huwa nafanya ni kuusikiliza muziki hasa huu niupendao wa Kongo napenda sana kusikiliza kila kinachopigwa humo ndani yake, halikadhalika kwa muziki wa dansi wa hapa nyumbani.

Wimbo hapo juu ni Risasi kidole ya mashujaa musica! Sasa natofautishaje vionjo vya solo gitaa na vile vilivyoko kwenye sous sol ya wenge musica maisom mere ya Werrason Ngiama?


%d bloggers like this: