Kwa Taabu sana ila ndo Ubingwa tayari! Viva Liverpool fc

February 26, 2012

image


Makampuni ya Bia Tanzania igeni mfano huu kuinua muziki wa Tanzania.

February 26, 2012

Hivi ndivyo Bendi za Congo Zinavyojipatia pesa nyingi ndani ya Congo Kuliko nje ya Congo,hapa nyumbani bendi zetu vipi zinashindwa kuyatumia makampuni ya pombe kutengeneza pesa zaidi ya vijisenti wanavyopata sasa hivi????

Huu ni generique (wimbo wa vyombo na atalaku) ambayo ni maalum kwa ajili ya kuitangaza product ya kampuni ya bia ya PRIMUS ambao ndio wadhamini wakuu wa wenge bcbg ya Mpiana.

Kampuni hii pia ni mdhamini wa Werrason na kampuni nyingine inayotengeneza bia nyingine ya SKOL yenyewe inawadhamini Koffi na Ferre. Mbali ya udhamini wa kawaida wanamuziki hawa wamefaidika kwa kujengewa majumba, kununuliwa magari ya kifahari na kuwakatia Bima wanamuziki wote wa Bendi, mathalani inasemekana kuwa wanamuziki wa BCBG pamoja na kuwa wote ni wanahisa kwenye kampuni ya BCBG vile vile wote wanalipwa mshahara na PRIMUS kwa miaka mitatu.


Jb Mpiana na Werrason walipokutanishwa na kukumbushia enzi zao wenge musica stejini kwa pamoja..

February 26, 2012

Na The Romantic

Katika vitu ambavyo wenyewe wanasisitiza ni kwamba hawana tofauti zaidi ya kukuzwa na mashabiki wao, wanasema tofauti zao ni kujenga muziki wa Kongo lakini kwenye masuala ya kimaisha bado ni marafiki na wanaheshimiana na hili lilidhihirika hivi majuzi baada  ya Werasson kupata ajali na JB kuwa miongoni ya watu wa mwanzo kufika.

Angalia Video hii pale JB na Wera walipokutanishwa na kutoa vipande vya wimbo ambao waliimba wakiwa bado pamoja kiukweli inatia raha sana.


Ezau wimbo uliomaliza ubishi wa umiliki wa wimbo wa Mulolo na Kin Ebouge

February 24, 2012

Kwa wafuatiliaji wa Muziki wa Kongo wanajua utata uliokuwepo kati ya umiliki wa nyimbo mbili za Mulolo na Kin ebougee ambazo zilibeba majina ya albamu huku wengine wakimtaja Ngiama Makanda kama mtunzi wa na mmiliki wa nyimbo hizo.

JB Mpiana alikuja na wimbo wa Ezzau ambao ulikuwa kwenye albamu ya Anti Terro ambayo kwa kiasi fulani haikutamba hapa nyumbani kwa kutokupata si tu promo bali hata airtime ya kutosha haikupata. Katika wimbo huu JB Mpiana anajifanananisha story yake sawa na story ya  Esau wa kwenye Biblia ambaye alikosa baraka za baba yake ambaye alikuwa kipofu na na alikuwa na manyoya mengi siku Baba aliomba aletewe mwanaye Ezzau ili ampe baraka kwa vile Esau alikuwa hapendwi na mama yake basi mama alimtuma porini na kumpaka manyoya kaka yake ambaye ni Yakobo na Baba alipomshika akajua ni Ezzau na akambariki.

JB Mpiana kwenye wimbo huu anasema histoir eshanjaka te zembo  nanga ya mulolo ebimisa wenge zembo nanga ya kin ebouge ekofirma wenge bolinga bolinga te yango wana akiimaanisha Story haitobadilika wimbo wangu wa Mulolo ndio ulioitoa Wenge, kisha wimbo wangu wa Kin Ebouge ndio ukai komfemu Wenge mtake msitake Stori haitobadilika, na kabla ya hapo JB Mpiana aliwataja mashahidi ambao anasema wanaujua ukweli huku akimtaja Papa Wemba, Presidaa Nyoshi aka Nyoka Longa na Josiki ya Mbukuta kuwa wanaujua ukweli huo.

Hivyo Wimbo huo unamaliza ubishi huo, Maneno yaliyokwenye Wimbo huu ni kama mahubiri ambayo kiukweli kila mtu na muumini anapaswa kuyasikiliza. Kwani anasema kuwa baraka zake zimetoka kwa Mungu ana kusisitiza Binadamu wapendane hakuna sababu ya kuchukiana.

JB anasema ukila pamoja na watu wanakuita ndugu mshkaji lakini siku ya siku unabaki kama Yesu Masia peke yako.

JB anasema Yesu alimfufua Razaro na watu hawakuamini, Mapenzi ni ya Mungu ingawa Mwili unarudi udongoni, mtafanya kila mfanyavyo akisema Mungu yatakuwa. Sichekagi matatizo ya mutu wala kutangaza ubaya kwa sababu nayajua yapo, mlitangaza kwamba nilikuwa Kichaa ili mniharibie kwa watu.

Anaongeza hata leo nikifa mtanikumbuka kwa kitu kimoja yule mwenye deni lake kwangu aseme hapa nimlipe… Kiukweli maneno ya Wimbo huu ni mazito sana. nitamtafuta Papaa Julie we Ston Presidaa Bana Kongolee na Darisalama ili niwaletee wimbo huu mwanzo mwisho.

Anasema ukiwa na pesa wanakuja kwako wanajaa mnakula na kunywa zikiisha nyumba inakuwa kama iko Jangwani hakuna anayekuja, ukiwa unamatatizo na kuumwa hakuna anayekuja kukusalimia au kukusaidia wakisikia umekufa wanakuja na magari ya kifahari na michango wanatoa kukusindikiza kaburini, Kisha anaongeza kuwa yeye si kama Ezzau yeye ni kama Noah aliyeokoa viumbe vya dunia hivyo atawaokoa wote.

Merci Mingi Papaa Julie Weston Ilunga ntakutafuta tumalizie hii kazi.


Ruge na Sugu mmemaliza tofauti vipi Wafuasi wenu?

February 22, 2012

image

Mbunge wa Mbeya Mjini Joseph Mbilinyi na Mkurugenzi wa Clouds Media Rugemalila Mutahaba wakipeana mikono leo jijini Dar es Salaam ikiwa ni ishara ya kupatana na kumaliza kwa tofauti zao zilizotokana na sababu za kimuziki zilizodumu kwa muda wa miaka miwili. Huku wapatanisha wa mgogoro huo Waziri wa Habari, Vijana, Utamaduni na Michezo Dk. Emmanuel Nchimbi (kushoto) na Mbunge wa Singida Mashariki Tundu Lisu (kulia) wakishuhudia.

Niliwahi kuandika makala yangu juu ya umuhimu wa Ruge Mutahaba na Joseph Mbilinyi aka Mr II aka Sugu kumaliza tofauti zao na mstakabali mzima wa muziki huu wa kizazi kipya. Kama hukuwahi kusoma gonga hapa usome zaidi.

Katika makala yangu ile wasiwasi wangu mkubwa ulikuwa juu ya makundi ama wafuasi ambao wako nyuma ya makundi haya. Nawaongelea Mabagafresh, Mkoloni, Dannymcmamo, Sumag, DWA Gheto, Mapacha, Hardmad, Soggy Doggy, Peenlawyer, Rama D, Adil, Sister P na Zay B, Mr Simple, nk watakuwa ktk hali gan? nauliza hivi kwa sababu hawa wote ni Antivirus ambao walikuwa ama kwa kujua ama kwa kutokujua wakiwa upande wa Sugu ambao walikuwa wanagombea haki ambazo Sugu alikuwa muwakilishi wao.

Leo hii wao wamepatana nani atawatetea hawa? Kimsingi unatakiwa kuwepo mkakati wa pamoja wa kuangalia ni jinsi gani kundi hili limewakilishwa kwenye mgogoro huu nia iwe si tu kumaliza mgogoro wa wakubwa wao bali makubaliano yao yawanufaishe na hawa ambao kwa namna moja ama nyingine wanaweza kuwa waathirika wa uliokuwa mgogoro.

Hivyo basi wakati bado habari hizi ni breaking news kwa wapenda burudani ingekuwa vizuri tungeelewa hawa mabwana wako kwennye kundi gani.

Vinginevyo napenda kuchukua nafasi hii kama mpenda burudani na mwana starehe kuwapongeza Mheshimiwa Nchimbi na Mheshimiwa Tindu Lissu kwa jitihada zenu kuwapatanisha hawa mabwana ambao kwa kiasi fulani wana ushawishi mkubwa kwenye sekta nzima ya burudani hasa kwa vijana.


Zawadi ya Nono Fuji toka Soyons Serieuxe ya Wenge BCBG

February 17, 2012

Kwa wanaomjua Nono Fuji ni kijana chale sana anapenda sana vituko jukwaani na anacheza sana huwa wakiachiwa mmoja mmoja, kijana anaomba na anatunga pia.

Wimbo huu ni utunzi wake Nono Fuji kiukweli dogo anajitahidi sana kuimba kwa hisia na ni kati ya vijana ambao JB Mpiana anawapenda sana ingawa mwenyewe awali alitamani sana kughani akiwa anamzimia sana Tutu Caludji ambaye awali alikuwa na Wenge BCBG kabla ya kukimbia mwaka juzi.

Wimbo huu umerekodiwa Video mara mbili na Video hii ni Version ya Kinshasa. enjoy mdau.


Tour Eiffel ya Wenge BCBG na Weekend njema

February 17, 2012

Moja kati y wanamuziki wa Wenge ya JB Mpiana ambao waliondoka na bado nawalilia Allain Mpela, Huyu bwana alikuwa anauwezo mkubwa si tu wa kutunga bali alikuwa anakarabati Verse, yaani wimbo ukitungwa wakisikilizishana yeye huwa anazirekebisha na akirekebisha na kuzitengenezea mtiririko wa sauti hakuna anayepinga na moja ya albamu ambazo alishiriki kwa kiasi kikubwa kuiratibu ni hii ya Titanic (Titanike) ambayo waliitoa baada ya kuparaganyika na akina Werason na wao kuunda WMMM.

Japokuwa wimbo huuu ulitungwa na mpiga drums maarufu Titina Alcapone ukisikiliza beti ya Allain Mpella Afande utakubaliana na mimi kuwa alikuwa jembe, msikilize kuanzia 3:20 kisha unipe maoni yako.

Mwingine ambaye kwa sasa mepotezwa kabisa na hajawahi kuwika tangu atoke kundini ni Aimelia Lyase Doming’ong’o ambaye kwa kiasi kikubwa JB Mwenyewe ameweza kuziba pengo lake kwa kuimba sauti yake ingawa ya Aimelia ni kali na nyembamba zaidi lakini pengo lake haijaonekana sana.

Wimbo huu ni kwenu Jay Single Suvereigh Mukullu, Papaa Mabamba Maregesi pamoko sana mkuu (Full Mzaire), Papaa Julie We Ston Presidaa Bana Kongolee na Darisalama, Papaa Sultan ndani ya jiji la Dar, Engineer Mboneka Mwana BCBG, Juma Mukulu nakati ya Airport, Hadji Le BeeCeeBeeGeeque Nambari wani, Mapenzi Club tuko pamoja, Muzee ya Tunduma sina haja ya kukutaja, Papaa na kati ya Muscat unajijua, Wenge BCBG Arusha Club pamoja sana.

Weekend njema.


Koffi Olomide ashtakiwa nchini Ufaransa.

February 16, 2012

image

Mwanamuziki Koffi Olomide amefikishwa mahakamani kwa mara nyingine kwa makosa matatu yakiwemo udhalilishaji na kuwabaka wanamuziki wake wa kike.

Akiongea na shirika la utangazaji la AFP wakili wa Koffi Bw. Manuel Aeschlimann, Aidha habari zinasema kuwa Olomide alijipeleka mwenyewe kwa Judge siku ya jumatatu huko Nanterre ambako mashtaka hayo yamefunguliwa.

Habari zinasema kuwa Olomide aliondoka kurejea Kongo bila kusubiria hukumu yake kutokana na makosa yaliyotajwa. Pia wakili huyo alisema kuwa Olomide hana la kujibu kwa kuwa wanamuziki hao mashtaka yao hayana ukweli wala ushahidi ndani yake, kisha akaongeza kuwa wanamuziki hao walitaka kupata vibali vya kuishu nchini Ufaransa kwa kumchafulia mteja wake.


Happy Valentine na Feuxe De L Amour ya JB Mpiana

February 14, 2012

JB Mpiana ni mwanamuziki ambaye anasifika sana kwa Rhumba za uhakika na zenye mguso hasa,

Valentines-Days-2012-Red-Rose-card-new

Leo nitakuchezea kibao chake kinaitwa Feux De L’Amour akimaanisha mioto ya mapenzi. Kibao hiki ni maalum kwa wapendao wote hasa siku hii ya Valentine.

Kwa wasiojua lugha iliyotumika humu JB Mpiana alikuwa akiongelea mapenzi ya sasa akiwalalamikia akinadada akisema kuwa yapo wapi mapenzi ya ukweli ya enzi za mababu zetu ambapo watu walikuwa wakipendana kiukweli tofauti na siku hizi ambapo akinadada wamekuwa wakichagua wanaume kila mtu anataka mwanaume aliyesoma, mwanaume alina kazi nzuri, mwenye pesa, inakuwaje kwa wale ambao hawajasoma? Inakuwaje kwa wale ambao hawana kazi nzuri na hawana pesa?

kiujumla ameongelea mtaguso wa mapenzi wa sasa ambapo nadharia nzima ya mapenzi ni unanini? wewe ni nani? na dhana hii ndio inayojenga mapenzi kwenye ulimwengu wa sasa.

Hii si tafsiri sahihi ni majumuisho ili kukupa nini hasa kimeongelewa kwenye wimbo huu, naungana na Bw. Shaibu Thabit ambaye amenitumia tafsiri ya Wimbo huu kama ifuatavyo:-

L’amour est-ce aimer ou etre aimer? Bien que L’amour soit Le symbole d’un sentiment partage, etre aimer n’est jamais le signe d’un bonheur parfait = Je mapenzi ni kupenda au kupendwa? ingawa mapenzi ni ishara ya kubadilishana hisia, kupendwa kamwe si maana ya faraja iliyokamilika.

Bolingo eza maladie mabe dokotolo nango motema symptoma nango souci, kasi kisi nayango se presence ya motooyo ozali kolula, Lokola nalula masiya ye nde kisi nangai= Mapenzi ni ugonjwa mbaya, Dalili yake ni mawazo lakini dawa yake ni kuwepo kwa umpendaye,kama navyompenda Masiya(Yesu) ndio dawa yangu.

Bolingo lokola maladie contagieux tuna na bamoureux decus tuna na B’aveugles d’amour surtout na badivorces, Bakopesa yo temoignage na bango okoyoka mawa, okoyoka ngolo, okotikala stupefart, se kokamwa kamwa mama, se koimbaimba mama, se kotuna tina nzambe akela L’amour = Mapenzi kama ugonjwa wa kuambukiza lazima uwaulize waliokosa kupendwa, waulize vipofu wa mapenzi, waulize walioachika watakupa ushuhuda wao, utawaonea huruma,utakarahishwa, utastaajabika, Utakuwa unashangaashangaa mama, na kuimbaimba na kujiuliza kwa nini Mungu aliumba mapenzi.

Yango na po na nga Amida, hata na pasi tokovanda, hata bikebi tokoliya hata thomson tokotonda. Yesu kutu mwana ya nzambe babota ye na nandako ya mpata, Kasi mokili oyo ya tata naye, Likolo nase ya bango, kamweve o makamwisi mama = Kwa hiyo nimemchagua Amida katika mashaka tutaishi, hata samaki(thomson) tutakula tutashiba, Yesu ambaye ni mwana wa Mungu alizaliwa katika zizi la wanyama. Lakini dunia hii ni ya Babaye, mbingu na ardhi ni vya kwao Usishangae maajabu.

Na Kin Liboso ya kolinga moto bakoma kotuna ofandaka wapi, A biso tovandina mwalekwa nani akolinga biso mingi baboya bango na bango, Mosika eleki, bangungi baleki Taxi kutu eboya bango = Kinshasa kabla ya kumpenda mtu wamekuwa akiuliza unakoishi, Ah sisi tunaoshi Malekwa (Manzese,Uswahilini) nani atakaetupenda. Wengi wamekataliwa eti ni mbali mno mbu wamezidi huko hata Taxi haziendi huko.

Basusu liboso ya koloba Oui” bakoma kotuna otangaka wapi, Ah biso tubuka Bic mwa kala nani akolinga biso, Tika tokosa hata kokosa, Nga nazali graduet, Nga nazali licencie, Nga nazali enginieur, mpo balinga nga mama = Wengine kabla ya kusema ndio” huuliza ulikosoma wapi Ha sisi tuliovunja kalamu (Bic)yaani (kuacha shule) toka siku nyingi nani atatupenda, Wacha tudanganye mimi nina degree, mimi nina shahada ya juu, mimi mkandarasi ili tupendwe.

Basusu liboso ya kolinga moto bakoma kotuna de quele famille es-tu? Ah biso famille ezanga riche nani akolinga biso nzambe ya mpungu bandela mokili oyo otunaka mokomoko soki nani akolinga kobotama lisusu na famille ya pauvre. = Wengine kabla ya kumpenda mtu huuliza umetokea katika familia ya namna gani? Ha sisi familia fukara nani atakayetupenda,Baba Mungu rdia maumbile halafu muulize kila mtu kama yupo atayekubali kuzaliwa tena katika familia ya kimaskini.

Passe na nga eleki mabe yango naeffacer basouvernir nyoso ya mabe na bango nanga, memoir nanga eyebi kaka kombo ya Amida Chaty naye nde pelerinage edainayo petola nga mama sukolangamama, salisa nga nabika. = Maisha yangu yaliyopita ni mabaya ndio maana napenda kufufa zote mbaya kwenye ubongo wangu. Kumbukumbu yangu yajua tu jina la Amida Chaty Nimekuja kwako kama mpitaji,nitakase,nisugue nisaidie nipone.

Nalinga mindele,Bayindo,mikuse, milayi nalinga mike mpe minene, kasi chancelier wapi alatisanga palata ata bronzo hatanatolo, soit disant nga se amoureux,ancien de saio asala kala, roi de guere O mosala mpunda mama = nimependa weupe na weusi warefu na wafupi wembamba na wanene yupo wapi afisa zawadi hata medali ya chuma kifuani ieleweke kuwa mimi ni mpenzi mkongwe wa Saio( aliyepigana vita vya Saio mfalme wa vita Kazi isiyo na Mshahara……

Mtohoo huo ni mchango wa msomaji wangu maarufu Shaibu Thabit Mwambungu ambaye alikuwa nao kwenye maktaba yake.

Respect kwa wasomaji wangu wote, Mamaa Sophia Kessy, Pendejee Maghambo Philipo popote ulipo tuko pamoja, Julie ellyston Suvereign na Mamaa Emmy, Batty My Brother pamoja na Mamam Joy, Mukubwa Edgar Kiiza muzee ya Malaysia, Ally Tandika diwani muzee ya Azam na Bimkubwa wako, Mukubwa Six Mzee wa Matombo na Mamaa Kemmy, Tom Baba Maya aka Chiluba, Mukubwa Gerald Kitima Baba Kara, Dulla Asumani muzee ya Tigo, Hadj le Jbnique, Patrol de Patrol Shaibu Thabit, Farid, bila kumsahau Swahiba Alhaj Tameem Mngoya Juma Ahmed Lukuta wa Kibanda Kicheba kwa Semkopi pamoja na Werasonique wooote, . Pamoja sana.

Nakutakieni Valentine njema.

LiveJournal Tags: Feux De’Lamour,JB Mpiana,Wenge BCBG,Lingala Transilations,Bolingo

Alamsiki.


Happy Valentine na Bana Londre..

February 14, 2012

Happy Valentine day wadau,siku kama ya leo wenzetu wacongoman wanaoishi na kufanya kazi London Uk waliandaa kitu kizuri kwa ajili kukutana pamoja na ku show love,hebu tupate video hii nzuri tuone ilikuwaje watu walivaaje,waliburudikaje n.k.

Mamaa Godet wa Boutique la fontaine ndio aliwezesha hafla hiyo ya valentine ndani ya London,merci mingi mamaa!mdada alieimba hapo anaitwa Claudia Le Perle.


Zambian Zenith

February 13, 2012

image

image

Wachezaji wa Zambia wakiwa wamebeba Kitambaa chenye ujumbe kuwa ushindi wao ni kwa ajili ya kuwakumbuka wenzao waliofariki kwa ajali ya ndege

image

Captain wa Timu ya Zambia Christopher Katongo akiwa amebeba juu kombe la CAN baada ya kuichabanga Ivory Coast kwa jumla ya mabao 9 kwa 8.

image

Kocha wa Zambia Herve Renard akiwa amebebwa juu na wachezaji kwa kuwafikisha hapa alipo.

image

image

Drogba akijutia baada ya kukosa Penalti jana.


Congo – African Movie Trailer Made in Kinshasa – Viva Riva ft Werrason (Malewa)

February 10, 2012

Goli bora mpaka sasa la CAN 2012 ni hili hapa.

February 10, 2012

Kilimanjaro Punguzeni kwenye Kili Award pelekeni na huku.

February 10, 2012

image

Dah Wabongo ni noma wabishi sana jaribu kuangalia kama hawa watawezeshwa.


Barnaba kwenda Ufaransa kurekodi na Fally Ipupa

February 9, 2012

fally Barnaba

Fally na Barnaba

Mwanamuziki wa Bongo Flava Barnaba anatarajiwa kuondoka nchini kwenda nchini Ufaransa kwa ajili kurekodi na mwanamuziki Fally Ipupa ambaye awali walikuwa waifanye shughuli hiyo hapa Dar.

Barnaba alikaririwa akiosema kuwa amepata ofa ya kurekodi na mwanamuziki Fally Ipupa ikiwa ni takribani miezi miwili tangu deal hiyo iote mbawa baada ya Fally kukatiza ziara yake baada ya fujo zilizotokea huko Arusha.

Katika tukio hilo ambalo lilimkasirisha Fally kiasi cha kukatisha ziara yake kutokana na tatizo la umeme ambao ulikuwa ukikatika katika na mashabiki kukasirika na kufanya fujo.

Barnaba amesema kuwa aliwasiliana na meneja wa Fally huko Ufaransa na kukubaliwa kufanya kolabo hiyo bure lakini ajigharamie usafiri ambao alisema unafikia Tanzania Shilingi Milioni nne (4,000,000/-).

Binafsi Barnaba ni mmoja ya wanamuziki ambao ninawakubali sana, naweza sema THT imefanikiwa kutoa vijana wazuri inawezekana kutokana na kupewa airtime ya kutosha lakini nadhani mafunzo wanayopata yanawasaidia sana.


Mkasi TV – with Masoud Kipanya

February 8, 2012

Ally Masoud Kipanya ni mchoraji katuni wa muda mrefu sana, alianza rasmi kazi hii zaidi ya miaka 15 iliyopita,kuna baadhi ya watu wananunua gazeti kwasababu tu ya kuona mchoro wa siku hiyo ambao huyu Bwana ameamka nao.

Pia ndio akili ya michoro yote nyuma ya kipindi hiki cha Mkasi: Sisi na yeye tulizungumzia juu ya ubadilikaji wa maisha na maadili ya utangazaji, kazi ambayo Kipanya anafanya ukiachana na kuchora katuni.Zamani alikua pia mtangazaji wa kipindi maarufu cha watoto show yeye na Marehemu Amina Chifupa (R.I.P) na Uncle Bonda kabla hawajahamia kwenye kipindi cha asubuhi pale Clouds FM.

Mengi yalitokea na kwa mara ya kwanza Kipanya alituhadithia kwenye kipindi hiki. Masoud ni Baba, Mume na Mtoto kwenye familia iliyokuzwa katika maadili mazito ya Ki’Islam.


GROUP DIKIN YAMPA SAPOTI WERRA!

February 6, 2012

WERRASON ALIPOPEWA MSAADA WENYE MASHARTI “MAGUMU” NA BOSI WAKE!

Na Hadj Le JBnique,Revere,Massachesetts,USA.

Tukio hili lilitokea miaka miwili iliyopita huko kinshasa ndani ya Le Grand Hotel ambapo mfadhili mkubwa wa Werrason n Koffi Olomide PGD Didi Kinuani wa Group Dikin alipopanda juu ya stage ya WMMM na kusimamisha muziki kisha akashika kipaza na kuutangazia umma kwamba yeye Didi kinuani baada ya kuombwa  msaada na mdogo Werrason alipoenda kupiga show huko nyumbani kwa Didi kwenye mji wa KAFUFU ndani ya DRC kwa ajili ya kutunisha mfuko wa foundation yake (werra) ameamua kumsaidia mdogo wake huyo (werra) kiasi cha fedha taslim dola za kimarekani elfu 50 palepale stejini.

Baada ya kumpa kiasi hicho cha pesa anamuagiza werrason usiku huo baada ya show akalale asubuhi akiamka anamuagiza(katumia neno cammande yo) awashe gari toka nyumbani kwake aende moja kwa moja nyumbani kwake Koffi Olomide  akamshike mkono koffi na kumwambia kaka naomba ugomvi mimi na wewe uishe kuanzia leo tuwe kitu kimoja tena aonekane kwenye tv akimshika mkono koffi kumuomba yaishe!

Baada ya kusema hivyo ukumbi mzima ulizizima kwa kuzomea na kupinga kitendo hicho kwa nguvu zote lakini Didi kinuani hakujali akaendelea kuwapasha mawerasonique ugomvi hauna mpango hata wao mashabiki wawatafute mashabiki wa koffi na kuwapa mikono ya heri kuwaeleza uhasama uishe wapendane wawe kitu kimoja;akaendelea kusema koffi ni mkubwa kwa werra hivyo werra anapaswa kumfuata koffi sio koffi amfuate yeye werra hiyo sio heshima kiafrika na pia kutia msisitizo akamwambia werra yeye mwenyewe pamoja na ukaka wake kwake lakini yeye Didi binafsi koffi ni baba yake kwa kuwa Koffi ana mtoto aliyempa jina Didi stone kwa ajili yake yeye Didi kinuani hivyo anamuona koffi kama kamzaa!!!!

hivyo basi yeye werrason kwa kuwa ni dogo wake anamuagize aende kwa baba yake(koffi) akamuombe yaishe,werra utamuona analeta ubishi kwa kujitetea akimuuliza didi,kaka hivi unaweza kumwambia mdogo wako ashike moto???yani kwa werra kupeanan mkono na koffi ni sawa na kushika moto!!hata hivyo utetezi wa werra haukukubalika kwa Dikin.hayo ndio mambo ya huko kinshasa na watu wenye pesa zao na masharti juu.Pata video ya tukio hilo zima kuanzia dk 02:35 uone dola elfu hamsini (50,000)zinavyokuwa cashed….

Baada ya hapo burudani zikaaendelea kama ifuatavyo mpaka asubuhi, Kinshasa raha bwana asikwambie mtu.


Samaki mkunje angali mbichi

February 5, 2012

image

Jasiri haachi asili na hii asili ndio ambayo watoto wetu wa leo wanakosa, mtoto hajui hata salamu ya kabila yao inasemwaje?, Pichani Nape Nauye akicheza na mtoto mdogo ngoma ya Ligobogobo ya Kisukuma kwenye uwanja wa ndege wa Mwanza alipowasili kwa shughuli za kichama majuzi.

Asilia ndio vit


Kisusi acha kujipa moyo….

February 5, 2012
image
“…Simple Logic: Man U walimfunga Arsenal 8 – 2, Arsenal wamemfunga Blackburn 7 – 1, na Blackburn walimfunga Man U 1 – 0, Conclusion, Man ni mbabe wa Arsenal, Blackburn ni mbabe wa Man U, ila Arsenal ni mbabe wa mbabe wake Man U (Blackburn) kwa hiyo Arsenal ni mbabe wa Man U! Bisheni sasa – By kisusi nakati ya Kigamboni.

Bandugu nani zaidi?

February 5, 2012

Kisha Sikiliza hii

Wadau mi mwenzenu naelekea kuchanganyikiwa sijui nimchague yupi kati ya hawa watoto cindy na meje,wamerudi tena na hizi,sema wewe…nani zaidi na nani anabahatisha tu…sikilizeni vizuri mwamnzo mpaka mwisho kuna mmoja mkali zaidi,lakini yupi sasa ndio issue..


%d bloggers like this: