Kalou ataka Chelsea kumpa nafasi kucheza

imageSalomon Kalou, mchezaji wa Ivory Coast ambaye huichezea Chelsea, ameielezea klabu angelitaka kupata hakikisho kwamba atacheza mechi zaidi, kabla ya kukubali kutia saini mkataba mpya Stamford Bridge.

Kalou, mwenye umri wa miaka 26, ilielekea alikuwa ameamua kuondoka klabu wakati mkataba wake utakapokwisha msimu huu.

Lakini meneja Andre Villas-Boas alifichua wiki iliyopita kwamba majadiliano yameanza ikiwa ataweza kumuongezea Kalou mkataba kucheza msimu ujao.

Pande zote mbili lazima kufikia makubaliano kabla ya mwezi Januari, ikiwa Chelsea itaweza kuepuka hatari ya Kalou kuondoka pasipo klabu kupata senti zozote.

Salomon Kalou amecheza katika mechi mbili tu za Chelsea msimu huu, kati ya mechi 12, na moja kati ya mechi hizo ikiwa ni ya Kombe la Carling.

     

Kalou alifanikiwa kufunga bao, alipoingia katika nusu ya pili ya mchezo Jumatano usiku, wakati Chelsea ilipofanikiwa kuifunga Genk ya Ubelgiji magoli 5-0 katika mechi ya uwanja wa nyumbani wa Stamford Bridge, ikiwa ni mechi ya ligi ya klabu bingwa Ulaya.

Lakini mchezaji huyo, ambaye ameichezea Chelsea kwa muda wa miaka mitano sasa, amesema angelipenda kushirikishwa zaidi katika mechi.

“Hicho ndicho anachokitaka kila mchezaji, nafasi ya kucheza,” alielezea Kalou.

“Ikiwa haupati nafasi ya kucheza kila mwishoni mwa wiki, ni vipi utaweza kuimarisha kiwango chako cha mchezo?

“Kwa hiyo ni muhimu sana kucheza kadri ya kiwango chako chote. Hilo ndilo ninalolitazamia.”

Licha ya kucheza mara mbili kama mchezaji wa zamu katika mechi ya Kombe la Carling na ya klabu bingwa, Kalou hajapata kucheza hata angalau dakika moja katika mechi ya ligi kuu ya Premier tangu tarehe 20 mwezi Agosti.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: