SABABU RASMI ZA MGAWANYIKO WA WENGE MUSICA BCBG 4X4 TOUT TERRAIN NA MIAKA MITATU YA MWANZO YA BCBG NA MAISON MERRE (Sehemu ya II)

August 31, 2011

Majuzi tuliona jinsi Wenge kuanzia Mwanzo ilivyoaanza mpaka ilipofikia kumeguka kwa JB Mpiana na Werason (Kama uliikosa bofya hapa), Leo hii tunaanza kuiangalai Wenge BCBG ya JB Mpiana. Endelea…

Shukrani za kipekee kwa Hadji Le Jbnique kwa kukokotoa na kutohoa habari hii mpaka leo unaisoma wewe, Respect Grand Rapids nakati ya USA.

image

Adolph Dominguez, Blaise Bulla, Werrason, Didie Masela na Allain Makaba

walikuja kushtuka na kugundua Kina werra hawako nao tena wenge ilipopata contract kwa jitihada za SIPE kwenda kutumbuiza Ulaya Katika ukumbi wa BATACLAN,Paris na wakati huo huo kuitumia nafasi hiyo kwenye kufanya album ya TITANIC huko huko Paris

Wenge BCBG ilizaliwa JB Mpiana akiwa kiongozi wa bendi,Blaize Bula akiwa Chef d’orchestre,Alain “Prince” Makaba akiwa artistic Director na SIMON SIPE akiwa producer. Waimbaji wakiwa JB mwenyewe, Alain Mpela, Aimelia Lyase Demingongo na Blaize Bula, wapiga guitar Alain Makaba,Burkinafaso Mbokalia na Japonais(solo & rhythm),Patient Kusangila(rhythm & Bass), Titina(Drums), Ali Mbonda, Seguin Mignon(Tumba), Theo Bidens (keyboard), na Powerful AtalakUs toka kwao Roberto Ekokota “Le Grand Chibuta na Tutu Caluggi.

image

Kundi la Wenge Musica BCBG 1987, Kwenye Mic ni Werrason na JB Mpiana, Picha na Wikipedia

Mwanzoni wanamuziki wengi wa kawaida kundini humo akiwemo Alain Mpela ambae amekiri walikua hawajui kinachoendelea walikua wakidhani bado ni wenge musica ileile moja kwa kuwa mpaka nyimbo za album ya TITANIC walizifanyia mazoezi pamoja (nadhani ndio maana hata tukisikiliza kwa makini TITANIC na FORCE INTERVENTION RAPIDE zinavyoanza ni kama zinafanana)na kwa wenge walivyokuwa wanafanya kazi,ilikua ni kawaida kwao wakati mwingine kupiga show hasa local wakiwa hawajakamilika wote,sometimes wanaweza kuwepo wote akamiss labda makaba na blaize bula au hao wakawepo akamiss werrason, au wote wakawepo akamiss JB,

Hivyo basi kitendo cha werra,adolphe na didier masela hakikuwashangaza na kuwafanya wahisi labda kuna mgawanyiko wa bendi tayari,wakajua ni utamaduni wa wenge wa kawaida si unajua mastaa wakiwa kundi moja tena,japo walikua wanajua mitafaruku imekuwa ikiendelea mara kwa mara katika maisha ya wenge lakini si yakufikia kuzigawa bendi.

Lakini walikuja kushtuka na kugundua Kina werra hawako nao tena wenge ilipopata contract kwa jitihada za SIPE kwenda kutumbuiza Ulaya Katika ukumbi wa BATACLAN,Paris na wakati huo huo kuitumia nafasi hiyo kwenye kufanya album ya TITANIC huko huko Paris.,ndipo katika hali isiyo ya kawaida wakiwa na katika maandalizi ya ziara hiyo ambayo hupewa kipaumbele sana na wanamuziki wa congo wakawa wanashangaa mbona jamaa hawaonekani hata mazoezini wakati kuna safari nzito kama hiyo!na ilikua ni katika kipandi hicho hicho pia ambapo Ali Mbonda akaingia kwenye historia ya kuwa mwanamuziki wa kwanza kuitosa bendi mpya ya WENGE BCBG kwenda kwa kina WERRASON baada ya jina lake kutokuwemo kwenye trip nyeti kama hiyo huku jina la msaidizi wake chipukizi wakati huo katika kupiga mbonda (tumba) Seguin Mignon likichukua nafasi yake(Seguin sasa hivi ndio mpiga drums namba moja wa BCBG).

Kwa hiyo hiyo ndio ikawa safari yao ya kwanza ulaya bila kina werrason,wakapiga show hiyo hapo chini kama wanavyoonekana huku wakihitajika kutoa maelezo ya kina kwa mashabiki kuwaeleza kilichotokea huko nyumbani Kinshasa na kupelekea kujiweka pembeni na wenzao(werra,adolphe na masela),Ekokota yupo kundini hapo anaonekana akifanya kazi na Tutu Caludji “no.1”.

na

Baada ya Ali Mbonda kujiondoa kundini baada ya kukerwa na kutojumuishwa kwenye safari ya ulaya jambo ambalo limekua la kawaida mno kwa Ali na wanamuziki wengi offcourse wa congo wanapokosa kuwemo kwenye tour za Ulaya,Mtu wa pili kujiondoa BCBG akawa ROBERTO EKOKOTA mara baada ya concert hiyo ya BATACLAN hapo juu aliamua kupumzika kutokana na matatizo ya kiafya hali iliyomfanya ashindwe hata kuweka Atalaku zake kwenye album ya TITANIC na kumuacha Tutu Caludji amalize kila kitu mwenyewe,ndio vile tunaisikia TITANIC mpaka leo,pale ni bila le Grand Chibuta Ekokota,angeshiriki sijui ingekuwaje,mi sijui tuwaachie wenyewe!.

Baada ya kumaliza recording ya TITANIC walirejea nyumbani congo wakimuacha Alain Makaba huko ulaya kwake ambako alishakua amehamia. Walipofika Congo wakawakuta kina werrason ndio wameshaitengeneza bendi yao wanajiandaa Force Intervention Rapide(Lakini walikua bado hawajaipa hilo jina, maana nalo lina hadithi yake halikuja tu kama mvua),Baada ya mapumziko mafupi ya safari ya ulaya kazi ikaanza kwa Chef d’Orchestre Blaize Bulla Kuanza kutafuta vijana wa kuwa recruit. Hapa walihitaji mpiga bass yani pure bassist atakaeziba pengo la Didier Masela badala ya kumtegemea Patien Kusangila ambae kiasili alikua ni mtu wa rhythm guitar,pia walihitaji atalaku ataeziba pengo la Ekokota,kwa upande wa bass Blaize Bulla akaanza kumchokonoa Koffi kwa kuvamia ngome yake na kufanikiwa kumshawishi Sunda Bass ambae hata hivyo hakua na nafasi huko Quartier latin, alikua ni under ground bassist nyuma ya Fally Tyson na mwingine pia.

image

Engineer Blaise Bula, Alishiriki kwa Kiasi kikubwa kuiunda Wenge BCBG ya sasa.

Hivyo Sunda Bass akawa mtu wa kwanza kuwa recruited,baada ya hapo chini wenge bcbg chini ya Blaize Bulla ambae alipania kuisuka bendi upya ikawaita ma-atalaku wa tatu kuwafanyia majaribio ili wampate mmoja atakaemsaidia Tutu Caludji,miongoni mwa walioitwa ni Bidjana ambae baadae alienda zaiko huyu Genta Lisimo “Anti biotique” ambae wakati huo alikua akitokea Anti Choc kwa mzee Bozi Boziana,Tutu Caludji akamkubali zaidi Genta ambae nafasi yake kule kwa Bozi ikazibwa na Theo Mbala toka Big Stars ya Defao.

Engeneer Blaize Bula hakuishia hapo katika harakati zake za kuijenga BCBG, akaona kuna haja pia ya kuimarisha safu ya uimbaji kwa kuongeza waimbaji wachache,ndipo akawasiliana na rafiki yake na muandishi wa nyimbo zake wa siku nyingi toka enzi za wenge musica original ambae pia alikua muandishi wa nyimbo wa CHOC STARS na si mwingine bali ni JULES KIBENGA MAKIESE a.k.a. Jules Kibens(najua wengi mtashangaa lakini ndio ukweli),pia akamtafuta RIO KAZADI “rIO de janeiro” ambae alikua Chef D’ Orchestre katika bendi iitwayo JOLINO akiwa na akina KABOSE, CHAI NGENGE na baadae BILL CLINTON Pia alikua chini yake hapo JOLINO.

image

Hata Rais Kabila pichani amejaribu kwa uwezo wake kuwapatanisha wanamuziki wa Congo, kama ilivyo kwa picha hii.

Rio nae akamwambia Blaize Bulla kwamba kama anamtaka yeye basi pia amchukue na rafiki yake Chai Ngenge,Blaize akakubali hivyo wote wakajiunga BCBG,Pia kutokana na kutomuamini Burkinafaso kutokana na tabia yake ya kuhamahama Bulla aliamua pia kumchukua ALBA ACCOMPA aje asaidiane nae na kwa kuwa wote kundini walimjua ALBA kutokana na kwamba alishajaribiwa kundini wenge oariginal na kuonekana anafaa lakini akawa amechelewa wakati anajiandaa kujiunga na bendi ndio ikawa inavunjika.Baada ya hapo ikawa ni mazoezi tu na show za ndani,then wakapata contract nyingine kubwa ya kupiga kusafiri kwenda ulaya kupiga ZENITH na OLYMPIA,Safari ambayo ilizua mtafaruku mkubwa ulioitingisha sana BCBG Katika historia ya maisha yake,mtafaruku uliosababisha JB awe kama alivyo hivi tunavyomuona sasa na BCBG yake.

Je nini kilitokea….twende pamoja siku ya Ijumaa tutakapo kuwa tunakamilisha makala hii ya Historia ya kuvunjika kwa Wenge Musica na miaka mitatu ya mwanzo ya JB Mpiana na Werrason.

Kama una maoni usisite kuniandikia kwa piusmicky@yahoo.co.uk au SMS ONLY 0713 666616.


Stoke yakwama kumsajili Lukaku wa Chelsea

August 31, 2011

Na BBC

Stoke imekwama katika mipango yake ya kutaka kumsajili kwa mkopo mshambuliaji mpya wa Chelsea Romelu Lukaku kwa sababu ya kanuni za Ligi Kuu ya England.

Romelu Lukaku

Romelu Lukaku

Romelu Lukaku, aliwasili Stamford Bridge akitokea klabu ya Anderlecht mapema mwezi wa Agosti na alicheza mechi yake ya kwanza na Chelsea siku ya Jumamosi.

Lakini kanuni ya Premier League namba M 7.1 inasema: “Usajili wa muda hautawezekana wakati wa dirisha la usajili ambapo mchezaji amekuwa ndio kwanza amekamilisha usajili na klabu nyingine.”

Wakati huo huo Stoke wamo mbioni kumsajili Wilson Palacios kutoka Tottenham kwa kitita cha paundi milioni 6 na kiungo huyo anajiandaa kufanyiwa uchunguzi wa afya yake.

Stoke katika siku za karibuni pia imehusishwa kutaka kumchukua mshambuliaji wa Spurs Peter Crouch.

Na vyombo vya habari vya Denmark vimesema mshambuliaji wa Arsenal Nicklas Bendtner huenda yupo njiani kujiunga na Stoke.

Chelsea ilimsajili Lukaku kwa kitita cha paundi milioni 20 tarehe 6 mwezi wa Agosti. Ni mchezaji mashuhuri nchini Ubelgiji baada ya kuwa mfungaji bora katika ligi ya nchi hiyo msimu wa 2009-2010 alipokuwa na umri wa miaka 16.

Alifunga mabao 16 katika mechi 37 za ligi msimu uliopita na akafunga bao lake la kwanza katika mechi ya kimataifa Ubelgiji ilipoilaza Urusi mabao 2-0 mwezi wa Novemba.


Armand Traore wa Arsenal ajisajili QPR

August 31, 2011

Na BBC

Mlinzi wa kusoto wa Arsenal Armand Traore amejiunga na vijana wapya katika Ligi Kuu ya soka ya England QPR kwa kitita ambacho hakijasemwa.

Armand Traore

Armand Traore

Armand Traore mwenye umri wa miaka 21, anaondoka Arsenal baada ya kuichezea klabu hiyo kwa miaka mitano akiwa ameshiriki mechi 23, amesaini mkataba wa miaka mitatu na QPR.

Traore anakuwa mchezaji wa tatu kusajiliwa na QPR chini ya mmiliki wake mpya Tony Fernandes, akifuatiwa na Joey Barton pamoja na Luke Young.

“Nilipozungumza na meneja Neil Warnock alionekana kuwa na matumaini makubwa nami katika klabu hiyo,” alisema Traore.

Traore aliichezea Juventus kwa mkopo msimu uliopita, lakini akawa anatafuta nafasi ya kuwa mchezaji atakayepangwa kila mechi.

Beki huyo atavaa fulana yenye nambari 13 katika klabu hiyo ya magharibi mwa London na Warnock amesema: “Armand amekuwa mchezaji nambari moja niliyekuwa namhitaji kwa muda mrefu.


Per Mertesacker kujiunga na Arsenal

August 31, 2011

Na BBC

Mlinzi wa Werder Bremen anayechezea timu ya taifa ya Ujerumani Per Mertesacker anakaribia kufanyiwa uchunguzi wa afya yake katika klabu ya Arsenal.

Per Mertesacker

Per Mertesacker

Beki huyo wa kati mwenye umri wa miaka 26- ambaye pia ni nahodha wa klabu hiyo ya Werder Bremen inayoshiriki Ligi Kuu ya Ujerumani maarufu Bundesliga, pamoja ya kwamba yumo katika kikosi cha timu ya taifa hivi sasa, ameruhusiwa kusafiri hadi London.

Mipango ya Arsenal kumsajili Mertesacker, mwenye urefu wa futi 6 na inchi 6 aliyekwishacheza mechi 75 kwa timu ya taifa ya Ujerumani, inaweza ikawa ndio mwisho kwa klabu hiyo kutaka kumsajili mlinzi wa Bolton Gary Cahill.

Lakini Gunners pia wamo mbioni kumsajili beki wa kushoto Mbrazil Andre Santos.

Hatua ya wa meneja wa Arsenal Arsene Wenger kuimarisha safu yake ya ulinzi, imetokana na timu hiyo kuadhiriwa kwa kuchapwa mabao 8-2 na Manchester United siku ya Jumapili katika Ligi Kuu ya England.

Hivi karibuni klabu hiyo ilimuuza mlinzi wake wa kushoto Gael Clichy kwa Manchester City, na mlinzi wa kuume Emmanuel Eboue kwa klabu ya Uturuki ya Galatasary, wakati siku ya Jumanne imemuuza Armand Traore kwa klabu ya Queens Park Rangers.

Mlinzi wa kati wa Arsenal Thomas Vermaelen aliumia akijiandaa kwa safari ya Old Trafford na msimu uliopita hakuweza karibu msimu mzima akiwa ameumia kifundo cha mguu.

Mertesacker alikuwemo katika kikosi cha Ujerumani kilichoilaza England mabao 4-1 katika Kombe la Dunia nchini Afrika Kusini mwaka 2010.

Na ameitwa tena katika kikosi cha Ujerumani kitakachopambana na Austria katika mechi ya kufuzu kwa Ubingwa wa Ulaya siku ya Ijumaa baada ya kuumia kisigino mwishoni mwa msimu uliopita.


Pendejee Samuel Etoo Alipomwaga dola jukwaani

August 30, 2011

Ni kawaida kwa wanamuziki wa Congo kuwarusha Mapendejee na Meree safari hii ilikuwa zamu ya Kurushwa Samuel Etoo angalia jinsi alivyomwaga pesa na jinsi alivyomwaga mauno.

Pia utamuona Rogger Milla naye akichezeshwa jukwaani na wasanii hawa.


Wenger; Nimeaibishwa na Man U

August 30, 2011

Arsene Wenger aumizwa kwa mabao 8-2

Arsene Wenger amesema ameaibishwa kwa kuzabwa mabao 8-2 dhidi ya mahasimu wao wakubwa Manchester United katika mchezo wa Ligi Kuu ya England.

image

Arsene Wenger

Wayne Rooney alifunga mabao matatu katika mechi hiyo ikiwa ni mara yake ya sita kupachika mabao matatu katika mechi moja kwenye uwanja wa Old Trafford huku Manchester United kwa ushindi huo wakikamata usukani wa Ligi hiyo na kumuacha Wenger akiendelea kukabiliwa na mzozo unaokuwa katika klabu ya Arsenal.

“Bila shaka unajihisi kuabishwa unapofungwa mabao manane,” alisema meneja huyo wa Arsenal. “Ilikuwa siku mbaya sana.”

Wenger amesisitiza ni mapema mno kusema kama sera yake ya uhamisho imeingia dosari kufuatia kuondoka kwa Cesc Fabregas na Samir Nasri na kukosa kiungo wa kuchukua nafasi zao.

Lakini hivi sasa anakabiliwa na kibarua cha kusajili wachezaji kabla ya dirisha la usajili halijafungwa siku ya Jumatano saa tano usiku.

Wenger, ambaye amesisitiza hatang’atuka, anatarajiwa kukamilisha usajili wa mshambuliaji wa Monaco, ambaye pia ni nahodha wa timu ya taifa ya Korea Kusini Park Chu-Young kabla muda wa usajili haujamalizika.

Pia anataka kusajili mlinzi wa kati na kiungo na Arsenal huenda ikarejea tena mbio za kumsajili mlinzi wa kati wa Bolton, Gary Cahill. Maombi yao mara ya kwanza yalitupwa.

Wenger, ambaye alianza kuwa meneja wa Arsenal mwezi wa Oktoba mwaka 1996, ameongeza kusema: “Hatuna budi kutafuta wachezaji wanaofaa na iwapo tutawapata tutawasajili. Pesa tunazo na iwapo tutawapata watakaoimarisha kikosi chetu tutafanya hivyo. Iwapo hatutafanya hivyo, basi itakuwa hatujawapata wachezaji hao wanaotufaa.

Baada ya Arsenal kufungwa vibaya mabao 8-0 mwaka 1896 ugenini na timu ya Loughborough Town katika ligi ya daraja la pili, Wenger ameongeza: “nahisi kufungwa huku kumetokana na hali maalum.

“Wachezaji wetu wengi hawachezi na tumecheza mechi tano tu. Tulichoka mwishoni lakini wachezaji wetu wanane muhimu hawakucheza.”

Meneja wa Manchester United Ferguson alitoa maneno ya kufariji akisema: “Tunaishi katika dunia iliyojaa kubeuana na vyombo vya habari vya habari vipo katika mashindano ya kutojali na kuwa tayari kumalizana.

“Ni vigumu kuelewa kwa wakati huu, lakini kazi iliyofanyika miaka 15 iliyopita sasa inaonekana ni ya ajabu sana.

“Alianzisha aina ya soka ya kipekee na mtindo wa usakataji soka wa aina yake na akachukua wachezaji wanaovutia kiuchezaji na pia amefanikiwa kuuza vizuri wachezaji. Hilo naliheshimu.”

Nahodha wa Arsenal Robin van Persie, ambaye alikosa kufunga mkwaju wa penalti uliookolewa na mlinda mlango wa United wakati Gunners walipokuwa nyuma kwa bao 1-0, amekiri timu yake haina budi kuimarika kabla ya mchezo ujao wa ligi utakaofanyika Emirates dhidi ya Swansea tarehe 10 mwezi wa Septemba.

“Hatuna budi kurudi katika mstari,” alisema mshambuliaji huyo. “Tutakabiliana na Swansea katika wiki mbili zijazo, ambao ni wapinzani wazuri na nausubiri kwa hamu mpambano huo.

“Sidhani kama tunaweza kujificha nyuma ya kivuli cha majeruhi ama kusimamishwa wachezaji. Hakuna kisingizio. Na wao wanao majeruhi pia, hii ni soka.”

Mlinzi wa zamani wa Arsenal Lee Dixon amesema Gunners tayari hawakupewa nafasi ya kutwaa ubingwa, lakini akasisitiza Wenger bado ni mtu anayefaa kwa kazi hiyo.


Eid Njema wadau

August 30, 2011

image


SABABU RASMI ZA MGAWANYIKO WA WENGE MUSICA BCBG 4X4 TOUT TERRAIN NA MIAKA MITATU YA MWANZO YA BCBG NA MAISON MERRE – (Sehemu ya I)

August 29, 2011

image

SURA MPYA YA BLOG NA MAMBO MAPYA!!!

Mengi yamesemwa sana kuhusiana na kuparanganyika kwa kundi hili na hatimaye kutokea Wenge zaidi ya sita huku mbili kubwa ya JB Mpiana na ya Werason zikionyesha upinzani wa hali ya juu.

Kuanzia wiki hii nitakuwa nikiwalete Makala ya Historia Ndefu ya WENGE MUSICA BCBG 4X4 TOUT TERRAIN NA MIAKA MITATU YA MWANZO YA BCBG NA MAISON MERRE. Ilikujua nini Hasa kilitokea baada ya kupata mwanya wa mmoja wetu kuongea na mtunzi wa kitabu cha Historia hiyo. Makal hizi zitakuwa zikikujia Kuanzia leo Jumatatu, Jumatano na Ijumaa ikiwa ni muendelezo, hivyo usikose kupita hapa Jumatatu, Jumatano na Ijumaa, kujua kwa undani nini kilitokea na kusababisha bendi hii ya kizazi cha nne cha Musiki wa Congo kuparanganyika, ungana nasi kwenye masimulizi haya ya kusisimua EXCLUSIVE. Shukrani za kipekee kwa Hadji Le Jbnique kwa kukokotoa na kutohoa habari hii mpaka leo unaisoma wewe, Respect Grand Rapids nakati ya USA.

imageNilibahatika kukutana na mdau mmoja mwana familia mwenzetu wa wenge ambae yeye amekwenda mbali kidogo,ameamua kuandaa kitabu maalum kwa ajili ya Clan ya wenge “THE STORY OF CLAN WENGE”,Kitabu ambacho mimi kwa mtazamo wangu nadhani kitatusaidia sana wana wenge family dunia nzima tujue nini hasa kilitokea mpaka wenge musica bcbg 4×4 Tout Terrain original kutokuwepo tena ulimwenguni na kuifunga kabisa ama kuipunguza mijadala ya malumbano baina ya wana familia wa iliyokuwa wenge musica ya ukweli.

Kitabu kitakua katika lugha mbili,kitakua mkifaransa na mkilingala lakini nimejaribu kumshawishi akiweke pia mkingereza ili watu wa afrika mashariki pia waweze kukisoma na kukielewa kwani nimemueleza kwamba pia sehemu hizo na zambia,malawi,zimbambwe ambako wanaongea zaidi english wapo wanafamilia wengi sana wenge,ameniahidi kulifanyia kazi hilo,hivyo likifanikiwa nadhani itakua ni fursa nzuri hata kwa wasiojua french au lingala kufahamu kilichojiri hasa kwa kuwa mwandishi amejitahidi sana kuzungumza na wahusika wakuu wa iliyokuwa wenge musica original kuanzia wanamuziki viongozi mpaka wanamuziki wa kawaida,mapromota mpaka maproducer na wadau wa karibu sana.

So stay tuned,kama kawaida yetu hapa,habari zote za muziki na wanamuziki wa congo na kinachoendelea katika muziki wa congo kila wakati sisi tutakua wa kwanza kuzipata zikiwemo hizi za kitabu hiki.

Lakini kwa kuwa nilifanya nae mazungumzo ya kina muhisika wa kitabu hiki,leo nitadodosa kidogo yaliyomo ndani ya kitabu hicho kwa kuwa nimefanikiwa kuzipata dondoo zake,ila naomba kudiclare interest kabla ya kuanza kwamba mimi ni mnazi mkubwa wa JB japo simchukii WERRA pia,ila kwa kuwa leo nimeruhusiwa kukaa kwenye jukwaa hili la heshima hapa juu joho langu la ushabiki naliweka kando ili niweze kuwa fair,hivyo mtaona sehemu ambazo jb atakua alichemsha nitamgonga bila kujali,sehemu ambazo werra alikua right nitampa credit zake bila hiyana.Twende pamoja sasa:

imageArticle hii ni sehemu tu ya kitabu husika ambayo inaelezea zaidi miaka mitatu ya mwanzo ya kila kundi yaani wengee BCBG kwa upande mmoja na wengee MAISON MERRE kwa upande wa pili,itatusaidia kujua nani alifanya nini na jinsi gani baadhi walijitoa tena kwenye hizo wenge mpya mbili baada ya muda mfupi.Lakini kwanza lazima tufahamu nini hasa kilikua chanzo cha wenge musica bcbg 4×4 kuvunjika.

WENGE iligawanyika na kusambaratika vipande viwili mwaka 1997 December kufuatia sintofahamu kati ya JB MPIANA na WERRASON, Huo ndio ukweli japo unauma. Yapo mambo mengi yalizungumzwa na yanaendelea kuzungumzwa kufuatia hiyo sintofahamu iliyopelekea mtafaruku huo wa mafahali hao wawili,wengine wakidai chanzo alikua ni mwanamke,wengine wakidai JB MPIANA alikua akikerwa na udhaifu wa WERRASON Katika udhibiti wa mapato ya bendi (werrason alikua ndio mtunza fedha wa bendi ikumbukwe) lakini pia kuna wengine wamekua wakidai chanzi ilikua ni chokochoko za Mzee Papa Wemba na Koffi Olomide ambao inasemekana walikua wakiionea wivu wenge kutokana na kuwa iliundwa na vijana wadogo wakati lakini ikawa haikamatiki kwa mafanikio.

Yote yanaweza kuwa majibu lakini sababu hasa iliyopelekea sintofahamu hiyo na hatimaye wenge kusambaratika kwa mujibu wa wahusika wenyewe ilikua ni mambo mawili,kwanza kabisa mafahali hao wawili iligundulika kwamba ni vigumu kwao kufikia malengo na matarajio yao ya hali ya juu waliyokua wameshayaingiza vichwani mwao wakiwa pamoja,kila mmoja alitaka kumpanda mwenzie kichwani awe mkubwa yeye,na jambo la pili alikua ni producer wao SIMON SIPE,yeye aliona anapata hasara ku deal na lundo la viongozi 6!(JB,WERRA,MAKABA,MASELA,DOMINGUEZ,BLAIZE BULA) ambao ukifanya nao kazi wote walikua wakihitaji treatment sawa, sasa ili kubana matumizi akaona ni bora kwa upande wake awepo kiongozi mmoja ambae atakua anadeal nae kwa ajili ya kushughulikia mambo mbalimbali yahusuyo production,na mapato yatokanayo na concerts na mauzo ya cd ambayo pia yalikua yakisimamiwa na SIPE,Hapa ikjitokeza kitu inaitwa Less Leaders Mo Money…!

image

Kwa hiyo mwanzoni mwa 1998,WENGE BCBG ikazaliwa ikijulikana mwanzoni kama WENGE MUSICA BCBG Lakini baadae wakaondoa neno MUSICA kutokana na kwamba Didier Masela ambae ndio muanzilishi wa hilo jina hakuwamo kundini humo,yeye alibaki na Adolphe na Werra,wakaamua kumuachia MUSICA yake.Sasa mpaka hapa tunaona BCBG ndio ilikua bendi ya kwanza ku exist,

Hivyo ili kutochanganya mambo nitaizungumzia kwanza miaka mitatu ya mwanzo ya BCBG then MAISON MERRE nitamaliza nayo.

Usikose Jumatano kwa kujua kwa undani kuhusu miaka mitatu ya Wenge BCBG ya JB Mpiana na kuondoka kwa watu kama Dominguez, Aimelia, Ali Mbonda na wengineo. Kama una lolote tuandikie piusmicky@yahoo.co.uk au tuma sms 0713 666616.

Hapa nitakuacha na kibao cha Promesse bouboule ikiwa ni utunzi wake shujaa Allain Mpela, hiki ni moja ya vibao vilivyowatambulisha kwenye jukwaa la muziki kitaifa na kimataifa. Salamu zangu za dhati kwako Big Producer Maghambo, Hadji Le Bcbgeeque, Jema Mandali nakati ya USA, Papaa Julie We Eston Ndenge nini Papaa, Mamaa Salma Jaruf nakati ya London, na funs wote wa Blog yangu nawatakia Eid El Fitr Njema. .


KUMRADHI

August 29, 2011

NDUGU WAPENDWA WASOMAJI, NIMELAZIMIKA KURUDISHA MUONEKANO WA ZAMANI HASA BAADA YA KUPATA MAONI YENU WADAU. TUNATHAMINI MCHANGO WENGU NA ASANTE KWA EMAIL ZENU TUTAREKEBISHA KADRI SIKU ZINAVYOKWENDA.
ASANTE
PIUS


Arsenal ina wenyewe bwana.

August 29, 2011

image


Man United, Man City zafanya mauaji EPL.

August 29, 2011

image

Kiukweli mashabiki wa Arsenal hawataisahau mechi ya jana na itabaki ni moja ya kumbukumbu za uchungu kwa miaka ya karibuni.

Wayne Rooney amepachika mabao matatu peke yake wakati Manchester United ikiinyuka Arsenal kwa mabao 8-2.

Young

Young na Rooney

Danny Welbeck ndiye alifungua karamu ya magoli baada ya kuunganisha pasi ya Anderson.

David De Gea aliokoa penati iliyopigwa na Robin Van Persi, na baadaye kidogo Ashely Young kufunga bao la pili.

Rooney aliandika bao la tatu na la nne kwa mikwaju miwili ya adhabu, kabla ya kufunga bao moja kwa mkwaju wa penati.

Nani na Park Ji Sung walifunga nao na Ashley Young kuongeza jingine.

Mabao ya Arsenal yalifungwa na Theo Walcott na Robin Van Persie.

Awali Manchester City waliizaba Tottenham Hotspur kwa mabao 5-1.

Edin Dzeko alifunga mabao manne, na Sergio Aguero akifunga moja. Bao pekee la Spurs lilifungwa na Younis Kaboul.

Kwingineko Newcastle United imeibuka na ushindi wa mabao 2-1 dhidi ya Fulham. Leon Best akifunga mabao yote ya Newcastle na goli la Fulham kufungwa na Clint Dempsey.

West Brom walishindwa kuutumia vyema uwanja wao wa nyumbani baada ya kuchapwa bao 1-0 na Stoke City. Goli hilo pekee lilifungwa na beki Ryan Shotton katika dakika ya 89.

Dondoo za Mchezo

image

image

 

image


Koffi Olomide na Quatier Latin ya enzi hizo.

August 28, 2011

Kipindi hiki mimi ndio naamini koffi alikuwa na wacheza show waliokamilika kila idara,akina mamaa Zina Bilao, Nonoo Diamaa (Nono Diamond) ambae baadae alitimkia BCBG na kukawa na taarifa za Jb kuwa na uhusiano nae kimapenzi at the same time Aimelia nae akijihusisha nae, hali inayoelezwa kupelekea Aimelia kukosana na Jb na kuwa ndio sababu ya Aimelia kutimkia kwa Werra, mambo haya yapo kwani hata kisa cha Patient kusangila kutopatana na werra inaelezwa ni sababu ya mcheza show pekee wakike aliekuwa wenge original Nana Sukari ambae werra alikua akimdate na kusangila pia, ndio maana hata kusangila alipojiunga na maison mere hakudumu, werra alikua anamfanyia visa ikiwemo kumuacha katika tour ya ulaya ndipo kusangila akatimka zake na kuhamia Paris.

Nikirudi kwenye kikosi hicho cha koffi enzi hizo katika wacheza show pia alikuwamo mrembo Miley kunde a.k.a. George Weah,Claudine AC Milan,pia kulikua na powerful atalakus toka kwa Mboshi Bola na mwenzie Parabolique wakipokezana hapo,kwenye bass alikuwepo Fally Tyson,drums Estetique,vocals za kufa mtu mtu zikiongozwa na mzee mzima mokonzi mwenyewe papaa na Didistone Koffi, Bouro mpela, suzukii 4×4 na wengine, hapo Fally Ipupa atii mguu naona labda alikua shule ya msingi

Mama Grace Artoi na Germany (Grace Diplomasia) hii yako mamaa, Mukulu Japhate wa Dallas Inn heshima kwako, Big Prodyuza Maghambo, Julie Weston BABA B kitokooooo!!


Tshobo; Fally Ipupa akimshirikisha Meje 30

August 27, 2011

Ametamba sana na kibao chake Delestage na hapa Spoti Starehe niliwahi kuandika kuhusu Mwanadada The New African Diva Meje 30 kama hukusoma gonga hapa.

Binafsi nilibahatika kumuona Live alipofanya Show ya Pamoja na Tshala Muana pamoja na JB Mpiana hapa Dar Es Salaam pale Ubungo Plaza. Ilikuwa show bab Kubwa.

Mwanadada huyu amepikwa na Tshala Muana anasemwa kuwa ndiye anayetegemewa kuibeba ngao ya wanamuziki wa Kike wa Congo akishirikiana na akina Cindy Olomide.

Mwanadada huyu anasifika kwa jinsi anavyoweza kutunga na kuimba msikilize jinsi walivyonata na beat akishirikiana na Bingwa wa Shindano la Miaka 50 ya Congo kwa kundi la wanamuziki walioimba Kifaransa Fally Ipupa kipenzi cha akina dada.

Ni wimbo ambao kila mmoja angependa kuusikiliza kwa jinsi walivyoimba vizuri. Nisiongee sana nikuache upate uhondo.


AY Anahitaji kura yako

August 27, 2011

image

Bofya hapa kupiga Kura yako


Re Union ya Zain Wenge

August 27, 2011

Hii ilikuwa Mwaka jana ambapo AirTel walifanikisha kuwaunganisha baadhi ya wanamuziki wa iliyokuwa Wenge BCBG.

Kuanzia jumatatu nitakuwa nawaletea story ndefu ya kilichoiua Wenge BCBG. Usikose makala hii EXCLUSIVE hapa Spoti na Starehe.

Image

Allain Makaba Sololist na kulia mwenye miwani myeusi ni Werason Ngiama Makanda.

 

Image
On the Stage.

Image
Far Left – Aimelia liasse, White Coat – Adolph Tata, 3rd Right -Werrason, 2nd Right – Blaise Bula, Far Right – Alain Mpela

Image

Image
Far Left – Aimelia liasse Domingongo , 2nd Left on Guitar -Didier Masela, White Coat – Adolph Tata, 3rd Right -Werrason, 2nd Right – Blaise Bula, Far Right – Alain Mpela

Image

Image
Far Right – Alain Mpela, 2nd Right – Blaise Bula, 2nd Laft – Adolph Tata, Far Left – Aimelia Liasse

 

Image

Image
Far Left – Blaise Bula, Right on Microphone – Alain Mpela

Image
Far Right – The Prince Alain Makaba, 2nd Right – Alain Mpela, 3rd Right – Blaise Bula


Chelsea yaishinda Norwich 3-1

August 27, 2011

Juan Mata

Aifungia Chelsea bao katika mechi yake ya kwanza Stamford Bridge

Juan Mata katika mechi yake ya kwanza katika uwanja wa Chelsea wa Stamford Bridge, aliweza kufunga bao lake la kwanza akiichezea timu yake mpya, na kuiwezesha kusonga hadi kuongoza ligi kuu ya Premier, angalau kwa muda mfupi, baada ya kuifunga Norwich magoli 3-1.

Liverpool baadaye ilijipenyeza hadi nafasi ya kwanza, kwa kupata ushindi kama huohuo, ilipocheza katika uwanja wa nyumbani wa Anfield dhidi ya Bolton na kuizaba magoli 3-1.

Hata hivyo, licha ya kupata ushindi, mashabiki wengi wanafikiria kwamba Chelsea haikucheza kama ilivyotazamiwa.

Chelsea walikuwa wa kwanza kupata bao, kupitia mchezaji Jose Bosingwa, lakini Norwich wakasawazisha kupitia mchezaji Grant Holt.

Frank Lampard alitia wavuni mkwaju wa penalti na kuongeza mabao hadi 2-1, baada ya kipa John Ruddy kumwangusha Ramires, akihisi mchezaji huyo wa Chelsea alikuwa anajiandaa kufunga.

Mata aliiandikishia Chelsea ushindi, lakini raha ya ushindi huo kugubikwa na kutojua hali ya Didier Drogba ni vipi, baada ya kujeruhiwa kichwa.

Kipa Ruddy alikuwa anajaribu kuondosha mpira alipompiga ngumi ya uso Drogba.

Katika mechi nyingine, Aston Villa na Wolves walishindwa kufungana, na mechi kwisha 0-0.

Matokeo yalikuwa ni kama hayo pia katika mechi kati ya Swansea na Sunderland.

Everton iliwafunga Blackburn goli 1-0.

Wigan nayo iliwafunga QPR magoli 2-0.

Kuhusiana na Liverpool kuishinda Bolton na kuwa kileleni, meneja Kenny Dalglish ameisifu timu yake ya Liverpool, akisema walionyesha wazi kwamba waling’ara katika uwanja wa Anfield.

Kenny Dalglish

Meneja wa Liverpool amewasifu wachezaji wake kwa kuwa kileleni katika ligi kuu ya Premier

“Ilikuwa ni burudani kutazama walivyocheza,” alielezea baadaye, kufuatia mabao kutoka kwa Jordan Henderson, Charlie Adam na Martin Skrtel.

Meneja wa Bolton Owen Coyle alikiri kwamba Liverpool walistahili ushindi wao wa magoli 3-1 lakini akaongezea: “Tulijiharibia wenyewe mwanzo wa kipindi cha pili kwa kuwaruhusu kutufunga magoli mawili zaidi.”

Bao la Ivan Klasnic ambalo lilipatikana katika dakika za mwishomwisho katika mechi halikuwapa faraja yoyote Bolton.

Kumbuka pambano kali zaidi Jumapili ni mechi kati ya Manchester United na Arsenal, saa kumi na mbili za Afrika Mashariki.

Pambano hili litatangazwa moja kwa moja katika Ulimwengu wa Soka, matangazo ambayo yataanza saa kumi na moja unusu.

Ungana naye Charles Hilary na Salim Kikeke.


James Dangu alifariki 27 Agost

August 27, 2011

Cool James, Mtoto wa Dandu au CJ Massive zilikuwa aka za James Dandu. Mwanamuziki aliyezaliwa 1970 katika jiji la Mwanza.

Alianza shughuli za muziki mwaka 1983, lakini album yake ya kwanza aliitoa 1986. Akajiunga na mwanamuziki kutoka Kenya Andrew Muturi na kuanzisha kundi la Swahili Nation. Na wakaweza kutoa single iliyoitwa Mapenzi.

Mwaka 1990 alijitoa kundi hilo na kuanzisha kampuni yake Dandu Planet Mwaka 1993 akiwa na Black Teacher alitoa album iliyokuwa na vibao kama Dr Feelgood, iliyoweza kushinda tuzo la Best Scandinavian Dance Track 1994, pia kulikuwa na nyimbo kama Godfather na The rhythm of the track.

Alianzisha kampuni nyingine Dandu Entertainment na kufanya kazi kadhaa kupitia wanamuziki wa Afrika Mashariki. Dandu hatasahaulika kwa wale wanaofahamu chanzo cha tuzo za kila mwaka za muziki za Kilimanjaro Music Awards ambazo zilianza kwa jina la Tanzania Music Awards (TAMA). Alifariki katika ajali ya gari tarehe 27 Agosti 2002 akiwa na umri mdogo wa miaka 32.

Mungu amlaze pema peponi.


JB Mpiana na Fally huko Grand Hotel Kinshasa.

August 26, 2011

Hiii ilikuwa Show ya JB Mpiana huko Grand Hotel Kinshasa na mara alipanda Fally Ipupa angalia na kusikiliza jinsi jamaa walivyopiga kolabo la kufa mtu, then angalia Pendejee anavyomwaga Dorari uwanjani. Kisha mtamuona Ja Pipina Nyangalakata na Dolary jukwaani ambaye amekuwa akiimbwa sana na JB Mpiana.


Tujikumbushe JB MPIANA CONCERT DE L OLYMPIA 1999 LIVE

August 26, 2011

Kuna Shabiki wangu mmoja anaitwa Papaa Mawata Salum ni shabiki mkubwa sana wa Wenge BCBG kuna baadhi ya DVD anauliza kama mtu anaweza kuwa nazo, sina hakika kwenye Library yangu nitaziangalia ila kama kuna mtu ana DVD hizi naomba tuwasiliane ili nami nipate Copy.

1. JB Mpiana 3 Concert De L Olympia 1999 Live/DJOMEGABP – DVD hii naiona kwenye mtandao lakini madukani hapa Bongo bado haijawahi kuuzwa je unaweza kunipatia copy hii na itagharimu shs? za kibongo?
2. JB Mpiana et Wenge BCBG – Live A Paris Titanic Volume 1 and 2
3. Wenge Musica 4 x 4 Live in Abidjan
4. Papa Wemba et Wenge Musica Concert in Paris On same stage with Wenge Musica of Mpiana et Werrason et Adolphe

Video ya leo ni kwako Mkuu Mawata, Papaa Maghambo Le Fimitive, Mukubwa Ling’ande mna nini bwana kama mbwayi mbwayi bwana. na Mashabiki wote wa Blog yangu, mi nasema hivi bado Wenge ni Baba ya Muziki hata kama hawataki.


Mh. Rage atembelewa na wageni wake mjengoni

August 26, 2011

Picha zote kwa hisani ya Muhidini Michuzi Blog

image

Wageni wa Mh. Rage wakiwa mjengoni walikoenda kumtembelea, wakifatialia mijadala Bungeni, wakiwa na “Ubao” wao.

 

image

Wageni wa Mh. Rage wakitoka Bungeni.

 

image

Wageni wa Mheshimiwa Rage wakiwa na Wabunge baada ya kupeleka “Ngao” Yao Bungeni.

Viongozi na Wachezaji wa Simba majuzi walitua Bungeni walikoenda kuonyesha Ngao yao baada ya kuifunga yanga kwenye mechi ya Ngao Ya Jamii iliyokusudiwa kwa ajili ya ufunguzi wa Ligi ya Vodacom.

Mashabiki wa klabu hizi mbili hasimu ambao ni watani wa jadi  (Nikiwemo mimi wa Yanga) walilumbana juu ya hatua ya Klabu ya Simba nayo kupeleka Ubao wao (Ngao) Bungeni huku mashabiki wa Yanga wakisema kuwa walikuwa na haki zaidi kupeleka Kombe lao kwa vile ule ni ushindi mzito  kulinganisha na huu wa Simba.

Angalizo:

Mashabiki wa Simba msikasirike ni katika kuendeleza utani wa Simba na Yanga.


%d bloggers like this: