Ngwasuma kuungurumisha Rufita ijumaa hii

…

Bendi ya FM Academia itafanya onyesho siku ya ijumaa tarehe 11 February 2011 katika ukumbi wa Rufita ulioko Tabata Segerea.

Akizungumza na Spoti na Starehe mkurugenzi wa Madenge Rntertainment alisema kuwa ameamua kuwaleta FM baada ya maombi ya siku nyingi ya mashabiki wa bendi hiyo huko Tabata na Segerea.

Aidha Madenge amesema kuwa Kampuni ya Madenge Entertainment imeamua kujikita kenye muziki huu kwa kuwa unamashabiki wengi na wao wameamua kuwapelekea mashabiki wao starehe huko waliko. “…sisi tutawafata mashabiki huko waliko na kuwapelekea burudani maana kuna wengine wanalalamika mambo ya usafiri kufata starehe, kwa mtindi huu hawana haja ya kuifata bendi wilaya nyingine kwani itakuwa bandika bandua na kila wiki kutakuwa na onyesho…” alisema Madenge kwa mbwembwe nyingi.

FM wamejizolea umaarufu mkubwa kwenye sekta ya burdani tangu mwaka huu uanze hili litakuwa onyesho lao la kwanza kupiga Tabata/Segerea hivyo Mkurugenzi huyo amewataka mashabiki toka maeneo jirani na Tabata/Segerea kuja kwa wingi kuwaona wafalme wa burudani. Onyesha hilo linatazamiwa kuanza saa tatu usiku mpaka liamba.