Manchester United kileleni tena

Manchester United iliendelea na rekodi yake nzuri ya kutoshindwa katika mechi yoyote msimu huu, baada ya kucheza jumla ya mechi 21, na vile vile kufanikiwa kurudi kileleni katika ligi kuu ya Premier ya England.

Hii ni baada ya kutofungana na Tottenham.

David Beckham alikuwa katika uwanja wa White Hart Lane, akitizama timu ya Tottenham, anayotazamia kuichezea, lakini licha ya yote yale aliyoyaona uwanjani, timu hiyo haikuweza kufunga bao.

Man U ililazimika kucheza dakika 16 za mwisho pasipo mchezaji wao maarufu kutoka Brazil, Rafael, ambaye mwamuzi alimtolea kadi ya pili ya manjano, kwa kumchezea vibaya Benoit Assou-Ekotto.

Hata hivyo Spurs (Tottenham) walishindwa kuitisha Manchester United, licha ya kucheza wakiwa uwanja wa nyumbani.

Mshambulizi Wayne Rooney bado hajafikia hali yake ya ubora kikamilifu, lakini mara mbili aliweza kuitisha Spurs, na kumfanyisha kazi ngumu mlinda lango Heurelho Gomes mapema katika kipindi cha pili.

Spurs pia walipata nafasi za kufunga mabao kupitia Peter Crouch na Rafael van der Vaart lakini hawakufua dafu.

Hata hivyo meneja wa Man U Sir Alex Ferguson ataridhika kwamba walitoka katika uwanja wa kati ya maadui wao wakubwa zaidi pasipo madhara.

Manchester United inawatangulia wapinzani wao wakubwa zaidi, majirani Manchester City, kutokana na wingi wa magoli, na muhimu zaidi, wakiwa na mechi mbili za akiba, na ambazo wanatumaini kuzitumia vyema na hatimaye kuandikisha ubingwa wao wa ligi ya Premier wa 19.

Advertisements

One Response to Manchester United kileleni tena

  1. I’ve bookmark your website and also include rss.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: