Onesho la Mavazi kwaajili ya kuchangia Hospitali ya Wagonjwa wa akili Zanzibar lafana sana

July 31, 2010

Wanamitindo tofauti tofauti kutoka jijini Dar es Salaam wakipita jukwaani na mavazi ya mbunifu maarufu Tanzania na duniani Mustafa Hassanali wakati wa Onesho maalum la mavazi kuchangia Hospitali ya wagonjwa wa akili Zanzibar iliyofanyika Serena Hotel.
(picha zote na Father Kidevu Blog)


Albam ya Mapacha watatu iko mbioni

July 30, 2010

Na Sophia Kessy

image

Albamu ya swanza ya kundi la muziki linaloundwa na Mapacha wa 3 vijana kutoka bendi mbili kubwa hapa nchini imekamilika Khalid Chokoraa, ambaye ni mmoja wa wanamuziki wanaounda kundi hilo, ndio alietoa kauli hiyo kwamba wameshamaliza kazi yote na sasa wapo katika mipango ya kuizindua.

Album yao na hii ni baada ya ule uzinduzi waliowahi kuufanya wa utambulisho wa bendi ambapo mmoja wao aliingia mitini muda wowote kutoka sasa yadaiwa wataweka wazi ni wapi na lini watazindua hio album yao wakati huo huo katika kundi la mapacha wa tatu mmpja wa pacha hao nae anajiandaa kuipua album yake binafsi ambayo iko njiani na huyo si mwingine bali ni jose mara ambae kwa sasa anatamba na shani.


Ellen DeGeneres kuachana na American Idol

July 30, 2010

image

Mmoja wa majudge wa American Idol Ellen DeGeneres ametangaza kuachana na nafasi ya ujaji kwenye shindano maarufu duniani la American Idol.

Kwa mujibu wa habari zilizotangazwa na shirika la habari la News Corp. Ellen amesema kuwa anaona uamuzi wake wa kujiunga na shindano hilo lililo maarufu zaidi huko USA si wa busara kwani hapendelei kuonekana akiwa judge vijana ambao wanataka kutimiza ndoto zao wakati huo huo akiwaumiza hisia zao.

Ellen ameongeza kuwa binafsi yake hupendelea zaidi kuvumbua na kuviendeleza vipaji vya vijana na sio kuumiza hizia zao.

Gonga hapa kwa habari zaidi.


BONGO FACEBOOK BEACH PARTY 2010

July 29, 2010

ONE LOVE, ONE NATION,
PEOPLE GET READY
BONGO FACEBOOK BEACH PARTY

WEEKEND DAR ES SALAAM CALLING!!!!!
SATURDAY AUGUST 7th from 1:00 pm Till Late
AT MBALAMWEZI BEACH CLUB (Ex-Malaika House),
MIKOCHENI KWA WARIOBA ASIDE CINE CLUB
MIKOCHENI,
DJ TONNY FROM TZA feat DJ CHOKA IN THE ONE AND TWO
Saturday august 7th time 1:00pm

Nyama Choma by Special Chefs at Mbalamwezi Beach Club

plus get together party from different friends from
Tanzania, Uganda, Kenya, Burundi, China, India, Malaysia, Rwanda and others
KARIBUNI
KWA MAELEZO ZAIDI
extramilestz@gmail.com
SIMU
077 302 2011
071 355 0699
PROUDLY SPONORED BY:
Sprite (Coke Cola Kwanza),

Zantel, Bunif, Mbalamwezi Beach Club, BASE MAGAZINE
KINDLY SUPPORTED BY:
ISSAMICHUZI.BLOGSPOT,

JIACHIE, G5CLICK.COM,

BONGO CELEBRITY,

BONGO STAR LINK, BAB KUBWA, BONGO5.COM,


Koffi Olomide aendelea kuwasha Moto Rwanda.

July 29, 2010

Koffi Olomide akishambulia jukwaa na Band yake

Mashabiki wakilipuka kwenye Tamasha la Fes Pad ambalo linafanyika kila mwaka nchini Rwanda. Picha hizi kwa hisani ya Manka Lady Jay Dee Ambaye alikuwepo kwenye tamasha hilo.


Sol Campbell aitema Arsenal

July 29, 2010

Sol Campbell akiichezea Portsmouth zamani

Sol Campbell sasa anaelekea Newcastle

Klabu ya Newcastle imekamilisha kutia saini ya kumchukua mlinzi wa zamani wa timu ya taifa ya England Sol Campbell kwa mkataba wa mwaka mmoja.

Campbell alikuwa huru kuondoka baada ya mkataba wake na Arsenal kumalizika mwishoni mwa msimu wa ligi uliopita.

Lakini pia kulikuwa na taarifa kwamba Arsenal walikuwa na nia ya kuongeza muda wa mkataba na Campbell msimu unaokuja.

Taarifa za mlinzi huyo kuelekea Newcastle zinaondosha taarifa zingine zilizokuwepo kwamba huduma zake pia zilihitajika katika klabu ya Sunderland, na pia klabu ya ligi kuu ya Scotland- Celtic.

”Kujiunga na Newcastle, klabu yenye utamaduni wa kujivunia, na wafuasi wengi , bila shaka kwangu ni fahari kubwa.” Alisema Campbell.

Anakuwa mchezaji wa tatu kuchukuliwa na meneja wa Newcastle Chris Hughton, kwa maandalizi ya klabu hiyo ya kurejea kwenye ligi ya Premier ya England, baada ya kucheza daraja la chini msimu uliopita.

Tayari Hughton alikuwa amekwishawachukua Dan Gosling kutoka Everton na James Perch kutoka Nottingham Forest.

Campbell alifunga ndoa karibuni Fiona Barrat, na punde tu baada ya kurejea kutoka fungate alikwenda kufanya majaribio ya kiafya tayari kuanza shughuli na Newcastle.

Katika msimu uliopita aliichezea klabu ya Arsenal mechi 11 baada ya kupata mkataba mfupi nao mwezi Januari.

Ilikuwa ni mara ya pili kwa Campbell kuichezea Arsenal, aliyokuwa ameiacha mwaka 2006 kujiunga na Portsmouth.

Akiwa Arsenal waliwahi kushindi taji la premier mara mbili, Kombe la FA mara tatu, na alipojiunga na Portmouth akawaongoza kutwaa taji hilo la FA mwaka 2008.

Msimu uliopita Campell alianzia kwenye ligi ndogo ya daraja la pili katika klabu ya Notts County kabla ya kuondoka kwa hiari kurejea Arsenal Septemba mwaka uliopita.

Ameshaichezea timu ya taifa ya England mara 73.


Profesa Jay alonga Bongo Celebrity, aongelea Ziara yake ya US!!

July 29, 2010

 

image

Unapoongelea wanamuziki wa muziki wa kizazi kipya ambao miziki yao na mashairi yao yametoa mchango mkubwa katika kuufanya muziki huo ukubalike na kupewa heshima na nafasi yake katika jamii,bila shaka huwezi kuthubutu kumweka pembeni Joseph Haule au kama anavyojulikana miongoni mwa washabiki na wadau wa muziki; Proffessor Jay,MC Shupavu,The Heavy Weight MC,Jay wa Mtulinga,Mti Mkavu,Jiizeh nk.

Hivi sasa Prof.Jay yupo nchini Marekani akiendelea na tour yake ndani ya taifa hilo ambalo hivi sasa linaongozwa na Barack Obama,Rais wa kwanza mweusi. BC ilipata nafasi ya kufanya naye mahojiano kuhusiana na ziara hiyo. Je unataka kujua atatua na kufanya shows katika miji na majimbo gani? Anasemaje kuhusu ambacho ameweza kukiona na kujifunza nchini humo mpaka hivi sasa? Kwa majibu ya maswali hayo na mengine,fuatana nasi katika mahojiano yafuatayo;

Kwa maswali na majibu basi ungana na Sir Geofrey Msangi ndani ya Bongo Celebrity kujua mengi zaidi.


Raul astaafu Real Madrid

July 29, 2010

Raul astaafu Real Madrid

image

Raul

Aliyekuwa mshambuliaji mashuhuri wa Hispania Raul Gonzalez ametangaza kuiacha klabu ya Real Madrid baada ya kuichezea kwa miaka 18 akidai kwamba huenda akahamia klabu ya ligi ya Primia ya England.

Raul mwenye umri wa miaka 33-alitazamiwa kujiunga na klabu ya Ujerumani ya Schalke kwa mkataba wa miaka miwli lakini alikanusha kuwepo kwa mkataba wowote.

Raul amefunga mabao 323 katika mechi 741 alizoichezea Real Madrid na mabao 44 katika mechi 102 alizozichezea Hispania.

Mbali na klabu ya Bundesliga ya Schalke kumekuweko tetesi kwamba klabu za England kama Tottenham, Newcastle, Liverpool na Manchester United nazo pia zinamwangaza Raul.


Happy Birthday to ME!!

July 29, 2010

IMG_1589

Sina budi kumshukuru maulana kwa kunijaalia umri nilionao sasa takribani nusu ya miaka iliyoandikwa kwenye kitabu kitakatifu cha Biblia.

Namshukuru Mungu kwa vile wapo waliotaka kuiona siku ya leo lakini hawakufanikiwa, wapo waliotaka kusherehekea siku yao ya kuzaliwa kama mimi lakini pia hawakufanikiwa.

Hivyo nakuinulia mikono na kukushukuru kwa kila jema katika maisha yangu yote.

Shukrani za kipekee kwa Mama yangu Binti Kwarewere, heshima kwako mama, Mke wangu mpendwa Isabella Ghaty, wanangu Glory na Geebril, Dad loves you kinoma, asanteni kwa surprise, Kaka na dada zangu ndugu, jamaa na marafiki wote walionitakia Best Wishes kwa siku hii muhimu, nawapendeni wote.

Nawaacheni na Sebene kutoka kwa Wenge BCBG enzi hizo chini ya Survereign Bin Adam Jean Bedel Tshituka Sultani Moto Pamba JB Mpiana. Enzi hizo wakiwa bado wamekamilika,hiki ni pipande cha wimbo uliowapa umaarufu wa Kala yi Boeing (Boma Liwanza).


Waheshimiwa tumieni mitandao kuwafikia wapiga kura wenu.

July 28, 2010

Mitandao ya social networking ndio inasemwa kuwa njia ya haraka zaidi ya kufikisha mawazo ya mtu huku mitandao kama Facebook, Twitter, Hi5, Friendster, Ning na mingineyo ikiongoza kwa kuwa na watumiaji wengi zaidi.

Kwa leo naomba niongelee zaidi mtandao wa Facebook na uwezo wa nguvu ulionao kwenye maisha yetu ya kila siku na hasa kipindi hiki cha uchaguzi.

Nalazimika kuandika na kuyasema haya kwa kuwa facebook kwa sasa ni silaha ambayo hulipiii chochote kuwa nayo na kama itatumika vyema basi we kama mgombea unaweza kuwafikia kirahisi walengwa wako.

Je Vijijini wanasoma facebook?

Asilimia kubwa ya watumiaji wa mitandao hii wako jijini Dar Es Salaam na mikoa mikubwa kama Arusha, Morogoro, Tanga, Mwanza na kwa siku hizi mitandao inafika kote.

Jiji hili la Dar wakazi wengi ni wakuja wanatoka vijijini ambako wabunge wengi hutoka huko. Mathalani mi ni mtu wa Morogoro Kilombero, bila vyombo vya habari siwezi kujua mgombea wa Ubunge wa jimbo langu ana sera gani, lakini kama nitakuwa nasoma mawazo yake kupitia updates za mara kwa mara kwenye mitandao hii naweza nikawa mpiga debe mzuri kwani at least nitakuwa nimepata picha fulani ya mgombea wangu kwa hiyo hata huko kijijini nikibahatika naweza washauri ninawafikia kuwa Bwana Kibonde ni mtu safi na nia ya kutukwamua anayo tumachagueni.

Hakuna kubwa linalofanyayika kwa mtu anapokuwa na ukurasa zake wa Facebook na wala hulipii senti kuwa na kurasa hizi.

Nini unaweza kufanya kwenye ukurasa wako

Kikubwa ni zile information zako ikiwa ni jina, umri, mwaka wa kuzaliwa mahusiano yako, unayopendelea nk.

Unaweza kuweka picha mbali mbali za matukio mbali mbali ambayo wewe umeyafanya ya kijamii na hivyo kushare kirahisi na watu wakaelewa ni jinsi gani una mguso wa kijamii.

Status Updates (sijui kiswahili chake) ila kwa maana rahisi twaweza sema ni pale unapoweza kuwakilisha lililomo kichwani mwako kwa wakati huo na watu kuweza kuchangia hapo unaweza kupata mawazo hata msaada kama utakuwa unahitajika, si wa mali bali hata wa mawazo tuu.

Kutengeneza marafiki maalumu kwa kurasa za ziada kama funpage ambapo unaweza sema Wana Mlimba basi sie wanamlimba tukajiunga na wewe na kubadilishana mawazo humo.

Kiukweli kuna mengi ya kufanya kwenye mtandao huu wa facebook.

image

Ukurasa wa Mh. Rais kikwete kwenye facebook

Nilifurahi nilipoona Mheshimiwa Kikwete yuko kwenye facebook, sina hakika kama ni yeye au ni mtu anafanya kazi ya ku update page yake lakini yupo.

Binfsi sijawahi hata mara moja kwenda kwenye mkutano wowote wa hadhara si kwamba sio mshabiki wa siasa ila naona kama ni kupoteza muda ambao ninaweza kuutumia kwa kitu kingine. wapo wengi kama mimi ambao wana elimu zao ambao si rahizi kuwakuta kwenye mikutano ya hadhara lakini hata nikienda najiona nitakuwa msikilizaji ilihali wakati mwingine ningependa kuuliza japo swali.

Siwezi labda kwa vile nitakuwa nyuma sana au hata kugopa kuzomewa na pengine kutupwa kwa kama mimi ni CCM na nimeenda kwenye mkutano wa Chadema kusikiliza kiongozi ambaye nampenda lakini nataka kujua kwa sisi wananchi wa Mlimba ambao kwetu machungwa yanaharibika kule Masagati au mpunga unaooza melela au ndizi za mofu zinazooza atatufanyia nini wengine wanaweza kuona kama namchallenge mtu wao ikawa taabu.

Kwa nchi za wenzetu hayo yamerahisishwa kupitia technolojia ambapo wagombea wana ma blog, wako kwenye mitandao ya kijamii kama facebook, hi5, Twitter, na mingineyo ambapo wanawashabiki au wanachama ambao wanawafuatilia na kujibu hoja zao za msingi kirahisi kabisa.

image

Ukurasa wa Facebook wa Mh. Zitto Kabwe.

Nakumbuka siku moja nilimuona Mh. Zitto Kabwe kwenye Facebook nika mu add kama rafiki yangu akanikubali na nikakutana naye siku moja ambayo nilikuwa na kiu ya habari baada ya kuona kwenye moja ya gazeti kichwa “Zitto kuihama Chadema’ nilimuuliza Mheshimiwa Eti muheshimiwa ni kweli unataka kutoka Chadema?, lilikuwa ni swali langu ambalo nilimuuliza mh. Zitto Kabwe kupitia mtandao wa Facebook na yeye kwa kifupi alinijibu “Hapana, hao ni wazushi tuu hehehehehe”. Niliiamini zaidi kwa vile niliyeongea naye ndiye aliyekuwa amepamba vichwa vya habari kwa siku hiyo kwa gazeti moja.

Nimeanza na hii kwa kutaka kuonyesha urahisi wa mawasiliano kwa dunia ya sasa ya mtandao ulivyo rahisishwa kwani siku ya habari hiyo wenda kwa kutokukumbuka nilisahau kuwa ni siku ya wajinga duniani. Utaona hapo ni jinsi gani ilikuwa rahisi ku clear doubt yangu ambayo labda kwa kutokuwa na access ningeamini gazeti lile.

Wengine wanaweza kusema kuwa watu wa chini atawafikiaje lakini ujue wengi wanaokwenda kwenye mikutano ni hao wanaowaita watu wa chini na je watu watu wa ofisini atawafikiaje?. Nasema hivi kwa vile wengi wa wanasiasa wamejaza zaidi ya mashabiki marafiki 5000 ambao wanatakiwa kwenye mtandao kama Facebook.

image

Mh. Barak Obama kama anavyoonekana kwenye ukurasa wake wa facebook

Uzuri wa facebook wanachama wake na washabiki wake wengi ni vijana ambao kwa ulimwengu wa sasa ndio ambao wanamchango mkubwa sana kwenye siasa. Watafiti wa mambo wanasema kuwa Rais Barak Obama alisaidiwa kwa kiasi kikubwa sana na mitandao hii kuwa ilichangia kwa kiasi kikubwa sana mafanikio yake, (gonga hapa).

Obama aliweza kujibu maswali ya wananchi wake ambao wengi wao walikuwa ni vijana ambao awali walikuwa hawapigi kura kwa kisingizio kuwa vijana hawasikilizwi walijitokeza na ni kweli wengi walishawishiwa na utaratibu wa Obama kuwajulisha kila stage kwa kupitia mtandao ama wa twitter ama wa facebook.

Binafsi naona ni wakati muafaka kwa hawa wanasiasa wetu kutumia mitandao hii ambayo mingi ni bure ili waweze kutufikia  sisi ambao hatuendi kwenye mikutano yao huko Mwembe yanga au Kibanda Maiti au Kicheba kwenda kuwasikiliza lakini kama watakuja hapa walao mara moja kwa wiki kam anavyo fanya Mh.. Zitto Kabwe ambaye mara kwa mara tunagongana mtandaoni live na kubadilishana mawili matatu.

Ni kweli huwezi kusema huku bado hatujafikia lakini mjua unapoongelea Sayansi na Teknolojia huwezi pindisha kona na kuviacha vitu kama hivi, kwani nasemwa ugunduzi wa Technolojia ya mtandao wa Internet umeifanya dunia kuwa kama kijiji na kubadili utaratibu za zamani wa kutumia Posta kwa ajili ya mawasiliano.

Si lazima uwe wewe mwenyewe, mathalani Mh. Moe ambaye ana blog yake, ana team yake ya watu wake ambao wana update kila mara, hii inakufanya wewe kuwafikia watu wako kwa maneno yale unayataka wewe, ni njia rahisi na uzuri ni kwamba hailipiwi unataka nini sasa?

Ni mtazamo tuu.


KOFFI VS JB MPIANA 2010

July 28, 2010

image

Mopao Sakonzy Koffi Charls Olomide.

Mwanzoni kabisa mwa huu 2010,Le Big Boss wa Quartier Latin Koffi Charles Antoine Olomide a.k.a.Papaa na Didi Stone le Rambow du Zaire Mopao Mokonzi  Papaa Bennedict the Sixteen alisikika akisema anajiandaa kumuomba "rafiki yake mdogo wake" Papaa Cherie Mukulu wa Bakulu Motopamba Binadama a.k.a.Salvatory De la Patria huyo si mwingine bali Jean Bedel Mpiana Tshituka wafanye nae featuring(DUET).
Katika kuonyesha kwamba amepania kufanya muziki pamoja na JB Mpiana 2010,Koffi akizungumza live kupitia luninga ya Shirika la utangazaji la CONGO ijulikanayo kwa kifupi TRNC alisikika na kuonekana akisema kwamba JB Mpiana alikua Presidaa(Rais) na kiongozi mwenye kipaji cha ajabu katika WENGE MUSICA 4×4 Pale walipokuwa pamoja wametimia na akaongeza kusema  kwamba hata yeye (Koffi) alikua Preesidaa(Rais) katika kundi la HISTORIA MUSICA (GROUPE DE DEBABA) Bendi ambayo baadae ilikuja kuvunjika baada ya Koffi kuikacha,kwa hiyo mzee mzima KOFFI akadai yeye na JB viongozi na wanaijua kazi yao ndio maana waliweza kuwakuta watu katika makundi hayo na mwisho wa siku hao waliowakuta wakawapisha wao koffi na JB kuwaongoza,akadai haikua bahati mbaya hayo kutokea bali yalitokana na uwezo mkubwa waliojaariwa na mungu.

19436_100216286679565_100000735813655_3252_685436_n

JB Mpiana Papa Chery

 

Pia mzee mzima hakuishia hapo,katika kuonyesha kwamba anamvulia koffia JB Mpiana ambae kiumri ni mdogo kwake kuliko yeye,Koffi amekuwa akiuimba wimbo wa JB Mpiana "ZADIO" mara kwa mara kwenye interviews zake na kusema ni bonge la wimbo anaopenda kuusikiliza akiwa ametulia pamoja na wimbo mwingine wa taratibu pia uitwao OMBA uliomo katika album ya TITANIC ya BCBG bila WERRA,Wachunguzi wa mamo wanadai koffi alikua anamkubali JB mpiana Long time na alikua akiujua vizuri JB Katika kuandika nyimbo ambao kiukweli jamaa yuko juu kwa message kwenye tungo zake sio makelele kama…..sitaki kumtaja maana washabiki wake wagomvi dunia nzima nadhani hiyo inatokana na muziki wanaosikiliza toka kwa mchizi wao,sema mzee mzimo koffi alikia anajizuia tu kukubali hadharani akiamini kitendo cha kufanya hivyo ingekua kumpandisha chati tu JB.Lakini yote hayo yakijiri kwenye kambi ya Quartier Latin,Huko BCBG kumekua kimya no comment wakijaribu kutizama upepo kwanza,japo muda unakwenda leo july nothing new,hatujui itakuwaje,ni suala la kusubiri tuone nini kitatokea kabla mwaka haujaisha,je ndoto za koffi kupiga na JB zitafanikiwa ama la?

Mwisho wa siku kama hilo litatokea kama ilivyotokea hivi majuzi tu kwa koffi kurekodi wimbo hasimu wake mwingine kutoka kizazi cha wenge Adolphe Domingez yatakuwa ni matunda ya MAISHA PARK AGREEMENT,makubaliano ya kuacha uhasama miongoni mwa wanamuziki wa kizazi cha nne cha muziki wa congo yaliyofikiwa katika mlolongo wa mikutano iliyokuwa ikiitishwa na wanamuziki wakongwe wa muziki wa congo wakiongozwa na Mzee Tabuley kwa baraka za Rais Joseph Kabila,mikutano hiyo ilikua ikifanyika katika Hotel ya MAISHA PARK iliyopo KIN(Kinshasa)Ndio maana makubaliano hayo yakapewa jina hilo la MAISHA PARK AGREEMENT.

Shukrani kwako mdau kwa mchango huu.


Mano Menezes ndiye kocha mpya wa Brazil

July 26, 2010

 

Mano Menezes

Kocha mpya wa Brazil

Kocha Mano Menezes wa timu ya klabu ya nyumbani, Corinthians, sasa ndiye kocha mpya wa timu ya taifa ya soka ya Brazil.

Shirikisho la soka nchini Brazil, CBF, limethibitisha kwamba Menezes ameikubali kazi hiyo.

Shirikisho hilo la CBC lilimtaka Menezes, mwenye umri wa miaka 48, kuifanya kazi hiyo, baada ya mtu waliyemchagua kwanza, Muricy Ramalho, kushindwa kuikubali.

Klabu ya Fluminense ilimtaka Ramalho kuzingatia mkataba wake hadi utakapokwisha, na kuendelea hadi mwaka 2012.

Katika miaka ya hivi karibuni, Menezes ameweza kuiongoza klabu ya Corinthians, na kabla ya hapo Gremio, kutoka katika daraja ya kwanza, hadi ligi kuu.

Brazil, ambayo itakuwa ni mwenyeji wa fainali za Kombe la Dunia mwaka 2014, ilikuwa ikimtafuta kocha mpya, baada ya kumfuta kazi Dunga.

Hii ni kwa kuwa Brazil iliondolewa katika robo fainali, katika mashindano yaliyopita ya Kombe la Dunia nchini Afrika Kusini, mapema mwezi huu.

Menezes mwenyewe amesema; "nimeikubali kikamilifu kazi hiyo na kwa fahari kubwa, kuifundisha timu ya taifa".


Kumradhi wasomaji

July 24, 2010

IMG_1679

Kumradhi wasomaji nimekuwa sipo hewani kwa takriban wiki mbili kutokana na sababu zilizo nje ya uwezo wangu lakini kwa sasa nimerejea na tutaendelea kuhabarishana.

Naomba radhi na kwa wale wote walionitumia email nimezipata nashukuru kwa uvumilivu wenu.

Pius


Mafuta yaleta kizaazaa Ferry – Kigamboni

July 24, 2010

IMG_0856

Wananchi wachota mafuta na madumu kwenye eneo la Ferry leo asubuhi. Mamia ya watu tangu jana wako kwenye mwambao wa Ferry wakichota mafuta yaliyomwagika ambayo wengine wanasema ni tank la mafuta la meli ambayo ilianguka siku nyingi, habari hiyo bado haina uhakika wapi hasa ni chanzo cha mafuta hayo.

IMG_0857

Kijana aliyejitambulisha kwa jina moja tu la Zayumba (Tshirt Nyekundu aligoma kupigwa picha) akikubaliana bei na mteja mwenye fulana ya njano ambaye mpaka muda huo alikuwa na mapipa matatu ndani ya pick up. Ndoo moja ya lita 20 ilikuwa ikiuzwa kwa Tsh. 5000/-.

IMG_0859

Boti ya Mamlaka ya Bandari ikiwa na wafanyakazi wa Bandaroi wakimwaga dawa maalumu kwa ajili ya kukabiliana na mafuta hayo ambayo yamesababusha kizaa zaa kwenye eneo la kupandia Feri za Kigamboni.

IMG_0865

Ni biashara kwa kwenda mbele, jamaa wakikubaliana mzigo ndio huo hapo chini, hakuna kipimo pesa yako tuu.

IMG_0862

Kiwese aina ya Diesel tayari kwa kuingia sokoni, wenye magari kuweni macho na videbe leo.

IMG_0863

wananchi wakishangaa huku “wajasiriamali” wakijituma kuchota mafuta eneo la Ferry leo asubuhim haijajulikana bado mafuta hayo yanatoka wapi wala madhara ambayo yamesababishwa na mafuta hayo mpaka muda huu.

Wananchi waliokuwa eneo la tukio walivilaumu vyombo vya dola kwa kuachia wananchi kuchota mafuta bila tahadhari yeyote na si kwa usalama wao tuu bali hata kwa usalama wa abiria wanaotumia vivuko.

Mafuta hayo ambayo yamemwagika sana eneo la Ferry yamesababisha usumbufu kwani baadhi ya magari yamekuwa yakitereza na kushindwa kupanda kutoka na kuingia ndani ya kivuko. Huku watu wengi wakitereza na kuanguka kutokana na mafuta hayo  kutapakaa.

Raia walisikika pia kulaumu wafanyakazi wa Mamlaka ya Bandari kwa juhudi ndogo walizoonyesha kukabiliana na mafuta hayo. Mpaka Spoti na Starehe inatoka eneo la tukio bado wananchi walikuwa wakiendelea na mpango wa kuteka mafuta toka eneo hilo.

IMG_0855

Jamaa akikimbia na mifuko ya mafuta tayari kuwahi wateja, jambo la kushangaza ni kwamba baadhi ya magari ya daladala  yalikuwa yakijaza mafuta hayo ambayo si tu kuwa yamechakachuliwa na maji bali yamechakachuliwa na maji ya chumvi, matajiri mpooo?


Makirikiri; kuna zaidi ya Ngoma na utamadani?

July 13, 2010

image

Kundi la Makirikiri chini ya uongozi wa Tshenga wakifanya vitu vyao katika ukumbi wa Ikweta wiki iliyopita.

Ikumbukwe kwamba wanamuziki hawa walikuja nchini kwa ziara ya wiki moja ambayo iliwafanya wakae kwa zaidi ya mwezi jambo lililowafanya waachie mchongo wa kupiga kwenye mechi mbili za kombe la Dunia lakini kutokana na ziara hii walikosa mchongo huo na kuamua kukaa hapa kwa takribani mwezi mmoja.

Jambo ninalojiuliza je hawa wanatofauti gani na vikundi vyetu vya ngoma za asili? Nini kimewafanya wafanikiwe na wawe maarufu, bila shaka ni kujitangaza kwa kuwa na CD na DVD ambazo zimeuzwa kitaifa na kimataifa, umaarufu wao hapa nyumbani ulitokana na kuanza kuonyeshwa kwenye TV zetu hapa nchini. Ndipo watu wakawajua, inawezekana kwa utashi wa mtu mmoja ama kwa ushawishi wa watu mbali mbali hilo likafanikiwa iwe isiwe lazima kuna aliyepelekea video hiz kuonyeshwa.

Tunapoongelea utalii ni pamoja na ngoma hizi za asili, kama picha za ngoma zetu zitatumiwa vyema basi inaweza kuwa ni kitu cha ziada kwenye hiyo sekta ya utalii.

Mathalani Kenya wanapotangaza tangazo lao kuna vitu lazima uvione:-

  • Wanyama
  • Mlima Kilimanjaro
  • Mbuga
  • Wamasai
  • Mahoteli na kadhalika

Ni vitu hivyo hivyo utaviona kwenye matangazo yetu ya utalii, sasa basi nini kinatutofautisha na Kenya?

ni swali ambalo mimi na wewe tunapaswa kujiuliza na kupata majibu, kwangu mimi nafikiria utamaduni kama ukitumiwa vizuri basi tunaweza kuonyesha kwa wenzetu huko mbele kuwa kuna tofauti ya utalii wa Kenya na Utalii wa Tanzania ambao una ziada kama hizo za uchezaji ngoma na kadhalika. Utashangaa naongelea zaidi Ngoma kwa kuwa makala yangu imeanza na hawa Makirikiri.

Ukiangalia vikundi kama Parapanda cha Mgunga mwanyenyelwa utaona walijaribu zaidi kuweka mkazo kwenye utamaduni, nyimbo zetu, ngoma zetu, mavazi yetu.Tuna zaidi ya Wamasai wa kuwaonyesha.


Werrason: Namtanguliza Mungu kabla sijatoa Album yeyote

July 13, 2010

image

Akizungumza na Radio France International kuhusu ziara yake ya Ufaransa hivi karibuni, Mwanamuziki Werrason Ngiama Makanda wa Wenge Musica Maison Merre WMMM alisema kuwa yeye humtanguliza Mungu kabla ya kufanya uzinduzi na kabla ya kufanya show zake, vilevile Werrason alikataa kujibu swali kuwa moja ya mambo yaliyowafanya waparanganyike ni uchawi wa swahiba wake JB Mpiana.

Hii inafuatia shutuma za hivi karibuni toka kwa wadau wa Muziki wa Kongo kuwa JB Mpiana hutegemea zaidi uchawi kabla hajazindua Albamu yeyote au kama ana tazamiwa kufanya show kubwa.

Werrason ambaye wanamjua wanasema kuwa anatoka kwenye familia yenye kupenda dini alidhihirisha hilo pale alipotoa picha zilizoonyesha akipewa maombi kabla ya kufanya uzinduzi wa albamu yake ya Techno Malewa, albamu ambayo inasemekana inamafanikio sana na style hiyo ya Malewa inapendwa si Congo tuu bali Afrika kwa ujumla.

Hivi karibuni mwanamuziki Tattiana wa Wenge BCBG alifariki ikiwa ni wiki moja kabla ya Albamu mpya ya JB Mpiana haijaingia sokoni, jambo lililotoa hisia na kuamsha minong’ono kuwa Suvereign anashiriki mambo ya ulozi, ikumbukwe pia kuwa kabila la JB Mpiana ni Luba-Kasa, kabila linaloongoza kwa imani za ushirikina huko Congo 


World Cup 2010….And the Winner is SPAIN

July 12, 2010

image

2010

Rais Jacob Zuma wa Afrika Kusini pamoja na Rais wa Fifa,Sepp Blatta wakiwa na mabingwa wapya wa Dunia mara baada ya kuwakabidhi kikombe chao cha ubingwa walioupata kwa kuitungua timu ya Taifa ya Uholanzi bao 1-0 lililofungwa na mchezaji Andres Iniesta dakika nne tu kabla ya mechi kumalizika.utabiri wa Pweza umefanya kazi yake kama inavyopaswa.

Mfungaji wa goli pekee lililoipa ubingwa timu ya Taifa ya Hispania,Andres Iniesta akishangilia goli lake hilo huku akiwa ametoa jezi yake na kubaki na fulana ya ndani iliyokuwa na maandishi ambayo sikuweza kuyaelewa maana yake.sasa sijui yanasema kwama heko Pweza kwa utabiri wako wa ukweliiii???Hispania ndio mabingwa wapya wa kombe la Dunia kwa sasa.


Geneviva Emmanuel ndiye Redds Miss Temeke 2010

July 12, 2010

 

Redds Miss Temeke Geneviva Emmanuel (kati) akifurahia baada kushinda taji hilo usiku wa kuamkia leo TCC Club Chang’ombe jijini Dar. Shoto ni mshindi wa pili Anna Daud na kulia ni mshindi wa tatu Britania Urasa. Wote watashiriki katika fainali za Miss TZ mwaka huu

Miss Temeke 2010 Geneviva Emmanuel akiwa na mshindi wa pili Anna Daudi (kulia) na Pendo Urassa mshindi wa tatu

Miss Temeke akipozi na washiriki wengine, Picha zote na Issa Michuzi.


Ghana yataka FIFA ibadili sheria

July 9, 2010

Uruguay dhidi ya Ghana

Diego Forlan (kushoto) na Asamoah Gyan (kulia)

Waziri wa michezo wa Ghana amesema shirikisho la soka duniani FIFA linatakiwa kubadilisha sheria za mchezo wa soka kufuatia kuondolewa kwa Ghana kwenye robo fainali ya Kombe la Dunia baada ya kutumika mikono.

Waziri huyo Akua Sena Dansua hajasema ni sheria zipi angetaka zibadilishwe, lakini watu wengi wamekuwa wakisema mwamuzi wa mchuano wa robo fainali kati ya Ghana na Uruguay angetakiwa kuipa Ghana goli, wakati mchezaji wa Uruguay Luis Suarez alipoondosha kwa mikono mpira uliokuwa unaingia kwenye lango la timu yake.

Kwenye mechi hiyo mshambuliaji wa Ghana Dominic Adiyah alipiga mpira kwa kichwa ukaeleka kuingia katika lango la Uruguay ukibakia muda mfupi sana kabla ya mechi kumalizika, lakini Suarez ambaye ni mchezaji wa ndani akauondosha kwa mikono.

Mwamuzi alimwonyesha kadi nyekundu Suarez na akawapa Ghana penati ambayo Asamoah Gyan alipiga nje.

Adhabu hiyo ni kulingana na sheria zilizopo za shirikisho la soka dunia FIFA.

Mechi ilimalizika kwa sare, ikalazimika kuingia mikwaju ya penalti na Uruguay wakaibuka washindi wa mabao 4-2.

Ghana ilikuwa timu ya Afrika kufikia hatua ya robo fainali katika Kombe la Dunia.

Baada ya kurejea nyumbani Black Stars walipokelewa kwa shangwe na nderemo mjini Accra.

Rais wa Ghana John Atta Mills alisema wachezaji hao watapewa tuzo za kitaifa na pia dola 20,000 kila mmoja.

Mashabiki wa soka kote barani Afrika waliishabikia Ghana wakati wa mchuano huo, na wengi walipigika sana baada ya Black Stars kuondolewa.

Ilikuwa ni timu pekee ya Afrika iliyobakia kwenye mashindano baada ya timu zingine tano za Afrika kuondolewa kwenye raundi ya kwanza ya michuano hiyo.


“Hakuna Mwanajeshi abebaye sifa ya kikosi kizima” Werasson

July 9, 2010

Kuna watu waliwahi kuondoka WMMM lakini pigo aliloacha Ferre Gola ama kwa hakika Werrason hatoweza kulisahau.

Ferre Gora aliondoka na wapenzi wake, kiukweli Ferre aliweza sana kuibeba WMMM lakini wenyewe kwa nyakati tofauti Werasson aliwahi kusema WMMM ni sawa na jeshi ambalo hufanya kazi zake kwa kushirikiana hatuna sifa zinaweza kumuendea mpiganaji mmoja na kusema yeye anabeba jeshi zima. Sina uhakika na ukweli wa hayo lakini sikiliza wimbo huu wa 100 Kilos kisha uniambie nafasi ya Ferre kwenye jeshi la WMMM ilikuwa ipi? Nakuuliza Sofia Kessy, Nakuuliza Ally Tandika na Juto Investments, Nakuuliza Mukubwa Gerald Kitima, Nakuuliza Mamaa Pauline Azdaa, Nakuuliza Mukulu Mabagala, Nakuuliza Papaa Sadiq, Papaa Hadj le Jbnique


%d bloggers like this: