Werrason alivyo warusha Brussels.

June 30, 2010

Hii ilikuwa mwezi May mwaka huu pale Werrasson na Wenge Musica Maison Merre walipofanya onyesho huko Brussels Belgium na kuwachengua sana, Shukrani kwa mdau wangu Bielefelder mwenyewe anajiita The Most Dedicated and Passionate Wenge-ist, Heshima kwako na tuko pamoja.

[image]

[image]

[image]

[image]

[image]

[image]

[image]

[image]

[image]

[image]

[image]

[image]

[image]

[image]

[image]

[image]


Sugu na Ruge malizeni tofauti zenu kimya kimya.

June 30, 2010

Ni muda sasa kwa wapenda burudani tumesikia bifu lililopo kati ya Joseph Mbilinyi aka Mr II / Sugu na Ruge Mutahaba bila kuwa na suluhisho lenye jitihada za makusudi.

Kwa wafuatiliaji wa burudani n stori za burudani bifu hii haijaanza leo na si ya juzi wakati wa Project ya Malaria kama inavyosemwa la hasha kwani ikumbukwe ni tangu Sugu hajaondoka nchini na aliwahi pia kudisi kimtindo kwenye moja ya nyimbo na video yake.

Inawezekana ukajiuliza mbona nimeandika hivi, ni kwa makusudi mazima nikiangalia mustakabali wa sekta ya burudani na hili lililopo ni wazi kuwa ugomvi unapanuka na kuingia kwenye matawi yao huku Sugu kwa upannde mmoja akitetea kile anachoita Muziki wa ukweli (hip hop) ambapo kwa sasa hamlengi Ruge tuu bali kama umesikiza ule wimbo (gonga hapa) utaona ni kwa umbali gani ugomvi huu umetanuka kwa kwena hata kwa watangazaji na wana THT ambao kwa upande wao watakuwa na chuki binafsi na msaanii husika au hata waliokaribu naye.

Hii ni hatari hasa kwa sekta ya burudani na wasanii kwani kuna kuwa na mgawanyiko na kuwatia uwoga wasanii wale ambao wanahisi wangetaka kumshirikisha Sugu kwenye nyimbo zao ama kwa kuogopa kuingia kwenye malumbano au kwa nyimbo zao kutopigwa redioni kabisa.

Ukisikiliza wimbo unaolalamikiwa (huo hapo juu)  utaona kuwa ni hasira za Mr. II kwenye kwa wahusika, na hii ni muendelezo ya bifu ninayoiongelea mimi.

Si vyema kuuongelea sana ugomvi uliopo sasa kwa kuwa jambo hilo liko kwenye vyombo vya dola lakini kama ilivyo soka ugomvi wa Sanaa na wasanii umalizwe na baraza la Sanaa ambalo hawa wasanii wote wako chini yake.

Hatupendi kufikia mahali kugawa hadi vyombo vya habari na waandishi kutokana na matatizo kati yenu ambayo kiukweli tatizo lililopo linaweza kusuluhishwa na vyombo husika kwa kuhusisha pande zote. Binafsi naimani Baraza la Sanaa ambalo hawa ni wadau wao wanauwezo na migogoro kama hii, hata sio kwa mwamvuli wa BASATA basi mlioko tumieni busara zenu kumaliza mpasuko kama huu.

Ni mtazamo tuu.


“Gerezani” ya huko China wakitengeneza VUVUZELA

June 29, 2010

image

Ndio ujue wenzetu wako makini sana kutumia opportunity kila zinapojitokeza, Majuzi makampuni kibao yameagiza Vuvuzela tokanje ilihaki kuna viwanda kibao vya plastic hapa lakini wameshindwa kuchangamkia na kujua soko linataka kitu gani kwa sasa.

Ripoti zinasema kuwa asilimia zaidi ya 90 ya Vuvuzela zilizouzwa huko Afrika ya Kusini zimetengenezwa China na kusafirishwa kilomita zipatazo 11,756.19 toka China hadi Afrika ya Kusini.

Angalia mshkaji alivyokomaa pekeyake na mzigo pembeni ama kweli penye miti hakuna wajenzi.

image

Gonga hapa usome zaidi.


“Hakuna Mwanajeshi abebay sifa ya kikosi kizima” Werasson

June 29, 2010

Kuna watu waliwahi kuondoka WMMM lakini pigo aliloacha Ferre Gola ama kwa hakika Werrason hatoweza kulisahau.

Ferre Gora aliondoka na wapenzi wake, kiukweli Ferre aliweza sana kuibeba WMMM lakini wenyewe kwa nyakati tofauti werasson aliwahi kusema WMMM ni sawa na jeshi ambalo hufanya kazi zake kwa kushirikiana hatuna sifa zinaweza kumuendea mpiganaji mmoja na kusema yeye anabeba jeshi zima. Sina uhakika na ukweli wa hayo lakini sikiliza wimbo huu wa 100 Kilos kisha uniambie nafasi ya Ferre kwenye jeshi la WMMM ilikuwa ipi?


Teknolojia ya goli yazua mjadala

June 29, 2010

Frank Lampard wa England

Frank Lampard akiwa ametaharuki baada ya kukataliwa goli lake wakati wa mechi ya timu yake ya England dhidi ya Ujerumani

Na BBC

Shirikisho la soka dunia FIFA limekataa kuzungumzia uwezekano wa kukubali kutumia teknolojia inayowezesha marefa kubaini ikiwa mpira umevuka mstari wa golini au la.

Mjadala kuhusu haja ya kutumika kwa teknolojia hiyo ulichacha siku ya Jumapili wakati wa mechi ya Kombe la Dunia kati ya Ujerumani na England, ambapo kiungo wa England Frank Lampard alikataliwa bao , licha ya mpira kuonekana wazi ukiwa umevuka mstari wa golini.

Baada ya kupata ushindi wa mabao 4-1 na kufuzu kwa robo fainali, Ujerumani sasa inasubiri kukutana na Argentina ambayo iliifunga Mexico mabao 2-1 na kujiandikishia nafasi miongoni mwa nane bora.

Mchuano kati ya Argentina na Mexico pia ulichochea mjadala kuhusu teknolojia ya kubaini goli, baada ya Carloz Tevez kuifungia Argentina bao la kwanza , akionekana ameotea.

Lakini katika mkutano wa kila siku na waandishi wa habari kwenye Kombe la Dunia huko Afrika Kusini, msemaji wa FIFA Nicolas Maingot alisema pahali pa kujadiliwa swala hilo sio kwenye Kombe la Dunia.

Alisema uamuzi wa kutotumiwa kwa teknolojia hiyo uliafikiwa na bodi ya kimataifa ya vyama vya soka ambayo pia inashirikisha FIFA na Uingereza, na kwa hivyo hakuna uwezekano wa kubadilisha uamuzi huo.

Sepp Blatter

Sepp Blatter, FIFA

Maingot pia aliongeza kusema FIFA haitaruhusu matukio ya uwanjani yenye utata kurudiwa kwenye skrini kubwa zinazowekwa ndani ya viwanja kama ilivyofanyika kufuatia bao la Carlos Tevez, hatua ambayo ilisababisha mabishano uwanjani.

Rais wa FIFA Sepp Blatter ambaye alipinga kutumika kwa teknolojia ya mstari wa golini alikuwepo katika uwanja wa Free State mjini Bloemfontein wakati England iliposhindwa 4-1 na Ujerumani, na kushuhudia refa kutoka Uruguay Jorge Larrionda na msaidizi wake Mauricio Espinosa wakishindwa kutambua kwamba mpira uliopigwa na Frank Lampard ulivuka mstari wa lango la Ujerumani.

Baada ya mechi hiyo kiungo huyo wa klabu ya Chelsea alitoa wito wa teknolojia ya mstari wa golini kuanza kutumika ili kuwasaidia marefa.

Waziri mkuu wa Uingereza David Cameron pia ni miongoni mwa wale waliosisitiza teknolojia hiyo ianze kutumika.

Tetesi za rais wa FIFA Sepp Blatter za kukataa teknolojia hiyo ni kwamba hatua ya kusimamisha mechi ili kuthibitisha ikiwa mpira umevuka mstari au la itavuruga mtiririko wa mchezo na engine hata kuinyima timu fursa ya kufunga bao.


Soyon Serieux ya JB Mpiana kutoka rasmi kesho!!!

June 29, 2010

Video ya Onyesho la JB Mpiana Live FIKIN wimbo wa Soyons serieux

Albamu inayosubiriwa kwa hamu huko Congo na kwingineko ya Soyon Serieux ya kwake JB Mpiana inatarajiwa kutoka rasmi kesho.

Kwa mujibu wa msemaji wa kundi Roger Ngandu amesema kuwa, matarisho yoote yako tayari na albamu itakwenda sokoni kesho Mungu akipenda.

Akiongelea Video ya Albamu hiyo Ngandu amesema kuwa bado hazijakamilika ila kwa ushirikiano na Manuruvaka mambo yatakuwa tayari karibuni.

Ili kujua kionjo kwenye hiyo albamu mpya gonga player usikie ni nyimbo mpya.


Tiketi za onyesho la Werrason CANADA mwezi wa Tisa zaanza kuuzwa leo!!

June 29, 2010

image

Mwanamuziki Werrason Ngiama na kundi lake la Wenge Musica Maison Merre (WMMM) watatumbuiza kwenye uwanja wa Olympique huko Montreal Canada mwezi Septemba mwaka huu. Ajabu ni kuwa ticket kwa ajili ya onyesho hilo zimeanza kuuzwa sasa na inasemwa kutakuwa na idadi kamili ya Ticket ambazo zikifikiwa basi hakutauzwa tiketi tena. Kwa kawaida maonyesho yanayofanyika hapa hujuisha waafrica toka Canada, Marekani na nchi jirani na mara nyingi huwa yanakuwa na watu wengi sana.!! Habari ndio hiyo!!


Wimbo mpya wa Jaffarai ft TID – Demu wangu

June 29, 2010

Kuna mageuzi makubwa sana kwenye sekta ya utengenezaji wa Video za Miziki ya kizazi kipya kwa sasa watengenezaji wanajitahidi sana, angalia Video hii ya Jaffarai akimshirikisha TID kwa kweli Video imekwenda shule na ina viwango vya hali juu. Hongera sana Kalaghe Pictures.


Boat ya Seagul yagonga jahazi.

June 28, 2010

Boat ya Seagul inayofanya safari zake kati ya Zanzibar na Dar Es Salaam, imegonga jahazi mchana wa leo ambalo lilikuwa likitokea Zanzibar kuja Dar Es Salaam.

Inasemekana kuwa jahazi hilo lilipunguza sana mwendo kutokana na upepo kubadili muelekeo ghafla. Nikiwa mmoja wa mashuhuda tulishangaa kuona Boat ile ikija kwa kasi huku abiria wa kwenye Jahazi wakipunga kuonyesha ishara kuwa hali si salama lakini Boat ilizidi kwenda na mwendo ule ule kana kwamba hakuna kitu mbele yake. na ndipo kishindo kikatokea na Jahazi lile lilikokotwa umbali wa takribani mita 200.

Hakuna aliye fariki kwani abiria wote waliokuwa kwenye jahazi walijitosa baharini kabla ya ajali kutokea isipokuwa wawili ambao walikokotwa na Jahazi lao lakini walifanikiwa kutoka kabla halijazama.

IMG_0727

Tanga la Jahazi likiwa limenasa mbele ya Boat ya Seagul baada ya kugongwa na kuanza kuzama baharini.

IMG_0727

Boat ya Seagul baada ya kuligonga Jahazi ambalo lilikuwa likitokea Zanzibar mchana wa leo.

IMG_0730

Jahazi lianza kuzama baada ya kutokea mpasuko baada ya kugongwa na Boat ya Seagul iliyokuwa ikielekea Zanzibar.

IMG_0732

Sehemu ya Tanga ikionekana kwa mbali huku chombo kikiendelea kuzama baharini eneo la Ferry.

IMG_0734

Ngalawa zikijaribu kuokoa baadhi ya watu waliokuwa kwenye Jahazi ambalo inasemekana lilikuwa limesheheni makreti ya bia na bidhaa nyingine likitokea Zanzibar.

IMG_0737

Wavuvi wakijaribu kuokoa baadhi ya mali kutoka jahazini huku Boat ya Seagul ikiwa imeondoka kuendelea na safari baada ya kuona Jahazi limezama.

Picha hizi haziko clear sana nilipiga kutumia simu yangu ya mkononi.


BAHATI CHANDO NDIYE MISS ILALA 2010!!

June 28, 2010

Miss Ilala 2010 Bahati Chando akiwa katika picha ya pamoja na mshindi wa pili Consolata Lukosi na Mshindi wa tatu na Salma Mwakalukwa mshindi wa pili mara baada ya kutangazwa kwa washindi wa shindano la miss Ilala lililomalizika usiku huu kwenye ukumbi wa Ubungo Plaza jijini Dare esalaam,

Washindi watano mwa Redds Miss Ilala wakwa katika picha ya pamoja katikati ni Miss Ilala Bahati Chando Consolata Ulkosi mshindi wa wa pili kulia na mshindi wa pili Salama Mwakalukwa kushoto wengine kulia ni Neema Alen mshindi wa tani na Ummy Mohamed mshindi wa nne.

Hii ndiyo tano bora ya Redds Miss Ilala mara baada ya kutangazwa usiku huuu na wakati wowote washindi watatangazwa kwani kipindi cha maswali tayari kimeakamilika na warembo kwa sasa wanaendelea na fainali ya shindano la vipaji baqadae tuatkuletea matokeo ya mshindi wa shindano hilo.

Warembo wakipita jukwaani na vazi la jioni kabla ya kutangaza taono bora ua Miss Ilala.

Wanebguaji wa Bendi ya FM Academia ikitumbuiza katika shindano la Redds Miss Ilala linaloenelea usiku huu kwenye ukumbi wa Ubungo Plaza.

Picha na habari za John Bukuku


Afande KOVA, Ukabaji Kigamboni umezidi.

June 28, 2010

IMG_0644

Ni kawaida kwa siku za weekend wakazi wa jiji kuvuka kwenda Kigamboni kupunga upepo.

Ni muda sasa kumekuwa na malalamiko ya matukio ya ukabaji katika kiunga hiki cha jiji la Dar Es salaam bila ya polisi kufanya jitihada za ziada kudhibiti hali hii.

inawezekana labda polisi wanzidiwa lakini matukio yamekuwa ya kawaida kiasi hadi ukabaji unafanyika mchana kweupe huku raia wa kigeni wakiongoza kuvamiwa wakati mwingine hata wakiwa ndani ya magari yao basi kunatokea kundi la vijana na visu, mapanga na hata bisibisi na kuwatishia kisha kuwapora. Wanapenda sana raia wa kigeni kwani wanauhakika wa kupata CAmera ama pesa toka kwao.

Maeneo korofi ni eneo la Petrol Station ya Gapco hapo Ferry unapovuka tuu kutoka kwenye pantoni mkono wa kushoto, hili eneo ni hatari kwani wakabaji hujifanya wapita njia na huwa kwenye kundi kuanzia watatu hadi kumi na hufanya kazi zao kwa ushirikiano mkubwa.

Eneo jingine ni uwanja wa Machava ambao unatazamana na kambi ya jeshi, eneo hili ni hatari sana usiombee kuharibikiwa na gari au kajua kakuzamie eneo hili utajuta kuzaliwa pana wezi sana na ajabu hukimbilia maeneo ya huko huko jeshini.

Eneo jingine si mbali na hapo machava ni pale eneo la Mikadi Beach, hapa watu wanakabwa mchana kweupee, siku za jumamosi, jumapili na sikukuu ni balaa zaidi kwani jamaa wanakuwa na hasira mnoo.

Eneo jingine ni pale wanaita Makaburini, hapo hapafai hata kwa waoafanya mazoezi huponzwa na earphones zao kwani jamaa wanakaba wanavua hata viatu vya mazoezi. Pia wanawasubiri abiria wanaoshuka kwenye basi au hata kuwapora wenye pikipiki au bajaj.

Hali ni mbaya hata kwenye fukwe ambapo wezi wanakuja na magari wana park na kubomoa magari ya watu wanaiba Power Windows, Laptops, Simu au chochote cha thamani.

Taarifa zinatolewa Polisi lakini inaishia uchunguzi, uchunguzi uchunguziiii!!, Wapo waliobahatika kupata mali zao lakini wengi wetu vimekwenda na maji.

Wizi wa majumbani ndio usiseme wanaiba na wakiingia hawana haraka wanafanya kazi zao kwa utulivu kabisa.

Kwa mujibu wa wakazi wa Kigamboni kuna kituoo kimoja ambacho hakina ukubwa wa kutosha na idadi ya askari haikidhi haja ya ongezeko la wananchi ambao wanahamia kila uchao eneo hili la Kigamboni.

Tunaomba jeshi la polisi wengi wa wezi hawa wanajulikana ni kufanya operasheni ya wiki moja tu kwani kutoka kikosi cha Polisi Central, Polisi wa Wanamaji, Jeshi wenyewe naimani wanaweza kufanikisha zoezi hili kwa ufanisi kama si kulimaliza kabisa.

Raia Mwema – na Victim wa ukabwaji, Kigamboni.

Asaalaam Aleykhum.


Ghana waibeba AFRIKA

June 27, 2010

Gyan Asamoah akiachia mkwaju kutikisa nyavu za Marekani na kuipatia Ghana tiketi ya kucheza robo fainali.

Black Stars imezidi kuibeba Afrika, baada ya timu hiyo ya Afrika Magharibi kufuzu kwa robo fainali ya Kombe la Dunia nchini Afrika Kusini ilipoitandika Marekani mabao 2-1 katika uwanja wa Royal Bafokeng, mjini Rustenburg.

Mechi hiyo iliingia muda wa ziada baada ya kipindi cha kawaida kumalizika 1-1.

Wakishangiliwa na maelfu ya mashabiki waliofurika uwanja huo, vijana wa Ghana walianza kwa kasi huku wakionyesha mchezo wa hali ya juu na katika dakika ya nne ambapo Kevin-Prince Boateng alipopenya safu ya ulinzi ya Marekani na kuipatia Black Stars bao la kwanza.

Kipindi cha pili kilimalizika Ghana wakiongoza 1-0, na katika kipindi cha pili walilazimika kuimarisha safu ya ulinzi baada ya Marekani kurejea na mwamko mpya, hasa mshambuliaji wao hodari Landon Donovan.

Katika dakika ya 62 Jonathan Mensah alimwangusha Clint Dempsey kwenye eneo la hatari na hapo mwamuzi kutoka Hungary, Viktor Kassai akawapa Marekani penalti, ambayo Landon Donovan aliifunga, na kusawazisha.

Muda wa nyongeza

Muda wa kawaida ulimalizika kwa matokeo hayo ya 1-1 na kulazimisha mechi kuingia muda wa ziada.

Dakika tatu tu baada ya muda wa ziada kuanza Asamoah Gyan alihimili kumbo la mlinzi wa Marekani, Carlos Bocanegra, na kuifikia pasi ndefu iliyotoka kwa Andre Ayew, na kusukuma mkwaju mkali hadi kwenye nyavu za lango la Marekani.

Sasa Ghana inasubiri kucheza na Uruguay kwenye robo fainali Ijumaa ijayo.
Uruguay ilikuwa ya kwanza kujiandikishia nafasi katika robo fainali baada ya kuifunga Korea Kusini mabao 2-1 kwenye uwanja wa Nelson Mandela Bay, mjini Port Elizabeth.

Mabao yote ya Uruguay yalifungwa na Luis Suarez, moja katika dakika ya 8 na la pili katika dakika ya 80, na hivyo kuizima ndoto ya Korea Kusini ya kufuzu kwa robo fainali.

Kipindi cha kwanza kilimalizika Uruguay wakiongoza 1-0, lakini baada ya mapumziko Korea Kusini walionekana kuimarika na kuzidisha mashambulizi yaliyozaa matunda katika dakika ya 68, wakati Lee Chung-Yong alipofunga kwa kichwa kufuatia mpira wa adhabu.


JB Mpiana amashukuru Werrason kushiriki Maziko ya Tatty.

June 27, 2010

image

Kiongozi wa Kundi la Wenge Musica BCBG JB Mpiana ametoa shukrani kwa wale wote walioshiriki kwa namna moja ama nyingine katika kufanikisha maziko ya mwanamuziki Tatty aliyeaga dunia baada ya kugongwa na gari akiwa amempakiza mpenzi wake kwenye pikipiki.

Taty alizikwa kwenye makaburi ya Benseke Futi na kuhudhuriwa na mamia ya wapenda muziki akiwemo Werrason Ngiama ambaye JB ametoa shukrani binafsi kwake.

Akizungumza kwa niaba ya JB Mpiana kwenye maziko hayo msemaji wa kundi la BCBG na Afisa masoko Roger Ngandu alisema kuwa Tatty atkumbukwa si tu na kundi bali hata washabiki ambao walipenda kumsikia kutokana na sauti yake nzuri na upendo pamoja na upole aliokuwa nao.

Aidha akiongea kwenye mazishi hayo BAba mzazi wa marehemu alionyesha masikitiko yake kwa wale waliosababisha kifo na kusema kuwa amesikitishwa kwa vile wauaji hao wamejificha na kuwa wanaongea na radio, Televisheni na Internet ili hali wamewasababishia machungu familia pasi wao kuonekana.

“Tumewaalika ili waje waombe radhi kwa kilichotokea ili kufuta uhasama kati yetu na mioyoni mwetu” « Nous les invitons à se repentir pour ne pas semer la haine dans nos cœurs. Nous ne voulons pas en arriver là. Pour nous, la famille, notre fils est mort par accident, cela peut arriver à tout le monde car, à chaque instant, des gens traversent la chaussée ».

Kifo cha mwanamuziki Tatty bado ni simulizi jijini Kinshasa na Congo kwa ujumla hasa ukizingatia nchini Congo ushabiki wa Muziki unanafasi kubwa kuliko hata Mpira.

Mungu ailaze mahali pema peponi roho ya marehemu.


Miss East Africa Wadaiwa KUTAPELI

June 24, 2010

Shindano la Miss East Africa limejaa utapeli mkubwa inaweza kuelezwa hivyo.

Katika shindano la mwaka juzi lililofanyika mjini Bujumbura, Burundi washiriki kutoka nchi za Rwanda, Burundi, Eritrea, Tanzania, Kenya na Somalia hawakupewa fedha zao za kifuta jasho.

Kama hiyo haitoshi kampuni mbalimbali ambazo zilitoa huduma katika shindano hilo hazijalipwa fedha zao mpaka leo. Katika ya kampuni hiyo ni pamoja na Landline Production ambao walifanya kazi ya kurekodi video, kampuni ya Eventlites waliohusika na kupamba, Valleyspring waliotengeneza jukwaa, hoteli ya Club de Luck Tanganyika ambao washiriki na kamati ya Miss East Africa ilikuwa inaishi.

Soma zaidi hapa


BREAKING NEWS: RAMESH PATWA HATUNAYE TENA

June 24, 2010

ALIYEKUWA MFADHILI NA MWEKA HAZINA WA KLABU YA YANGA AFRICAN RAMESH PATWA AMEFARIKI DUNIA LEO MCHANA.

PATWA AMBAYE ALIKUWA AKISUMBULIWA NA MARADHI SIKU ZA KARIBUNI ALIKIMBIZWA HOSPITAL BAADA YA KUZIDIWA.

KWA MUJIBU WA JIRANI WA MAREHEMU MIPANGO YA MAZISHI INAFANYIKA NYUMBANI KWAKE UPANDA ALLYKHAN ROAD JIJINI DAR ES SALAAM.

PATWA ALIKUWA MFADHILI WA KLABU YA YANGA MIAKA YA 90 ENZI ZA MAREHEMU ABAS GULAMALI KABLA YA KUNG’OLEWA MADARAKANI.

MAREHEMU ATAKUMBUKWA NA WANAYANGA KWA MCHANGO WAKE KWENYE KLABU.

BWANA ALITOA, BWANA AMETWAA, JINA LA BWANA LIHIMIDIWE – AMEN


Dafu na Samaki wa kuchoma kwenye Mgomba

June 24, 2010

 

IMG_1453

 

IMG_1461

Kiji vocation kidogo, hapa napata Dafu na Samaki wa kuchoma kwenye mgomba.


Davies mosha aahidi makubwa akichaguliwa makamu mwenyekiti Yanga

June 24, 2010

Davies Mosha

Mfanyabiashara mashuhuri na mkereketwa wa siku nyingi wa klabu ya Yanga Davies Mosha ameahidi kuleta mabadiliko makubwa kwenye klabu hicho cha Jangwani endapo kama atachaguliwa kuwa Makamu Mwenyekiti wake.

Akiongea na Globu ya Jamii, Mosha amesema iko haja ya kuwepo kwa uongozi utaopeleka maendeleo kwenye klabu, na kuendeleza yale mazuri yote yaliyoanzishwa na uongozi uliopita. Vile vile amesisitiza haja ya kuendesha klabu kwa njia zaa kisasa ikiwa ni pamoja na kubuni na kuimarisha vitega uchumi mbalimbali ambavyo vimekuwa havifanyiwi kazi.

Amemsifia sana mfadhili mkuu wa Yanga, Bw. Yusuf Manji, kwa jitihada zake za kuiendeleza klabu hiyo na kuongezea kuwa mkakati wake mkubwa utakuwa ni kuhakikisha kwama uwanja wa Kaunda unakuwa wa kisasa na wenye kutumika muda wote.

Kubwa jingine analopania kutekeleza ni kuhakikisha wanachama wote wanajiunga pamoja na kuleta maendeleo na pia kuhamasisha upatikanaji wa wanachama wapya ili klabu iendelee kuwa na nguvu zaidi


Wagombea waliochujwa Yanga SC watajwa

June 23, 2010

KAMATI ya uchaguzi ya klabu ya Yanga, imewaengua wagombea sita kwenye kinyang’anyiro cha kuwania uongozi wa klabu hiyo uliopangwa kufanyika Julai 18, wote ni wale waliokuwa wakiwania nafasi ya ujumbe.

Kwa mujibu wa ofisa habari wa klabu hiyo, Louis Sendeu, uamuzi huo umefanywa na kamati hiyo iliyo chini ya Jaji Mstaafu, John Mkwawa, iliyokutana juzi kutokana na wahusika kushindwa kuwasilisha vivuli vya vyeti vyao.
Walioenguliwa kutokana na dosari hiyo ni Seif Mohammed, Saburi Saburi, Edson Mandemane, Abas Bomba, Awadhi Mrido na Ahmed Mamba ambao wote walikuwa wakiwania nafasi ya ujumbe wa Kamati ya Utendaji.
Kwa nafasi ya Mwenyekiti, Sendeu alisema wagombea wote sita waliokuwa wamejitosa katika nafasi hiyo, wamepita katika hatua hiyo ya awali, wanne kwa nafasi ya Makamu Mwenyekiti huku wa nafasi ya ujumbe wakibaki 30.

Alisema baada ya mchujo huo, kuanzia leo hadi Juni 26, ni kipindi cha kuwasilisha pingamizi dhidi ya wagombea.
Kwa maamuzi hayo, wagombea wa nafasi ya Mwenyekiti ni Francis Kifukwe, Mbaraka Igangula, Llyod Nchunga, Kanali mstaafu Ali Hassan Mwanakatwe, Abeid Falcon na Edgar Chubira.
Nafasi ya Makamu Mwenyekiti, inawaniwa na Davis Mosha, Hashim Lundenga, Ayoub Nyenzi na Constatine Maligo aliyewahi kuwa Katibu Mkuu katika uongozi wa marehemu Rashid Ngozoma Matunda.

Waliobaki kwa nafasi ya Ujumbe ni Isaac Mazwila, Theonest Rutashoborwa, David Mlangwa, Majid Simba, Dk. Evance Matee, Fundi mchundo Paul Malume, Paschal Kihanga, Salum Rupia na Ramadhan Kampira, Ismail Idrissa, Omary Ndula, Yusuf Yasin, Ally Mayai Tembele, Ally Bwamkuu, Sarah Ramadhan.
Wamo pia George Manyama, Atufigwege Mwakatumbula, Mwinyi Mangara, Lameck Nyambaya, Robert Kasela, Tito Ossoro, Hamis Ambari, Shaban Mohamed, Mzee Yusuf, Dk. David Luago, Edger Fongo, Mohamed Bhinda, Tony Magale, Jackson Mresi na David Ngarafi.

Kwa mujibu wa ratiba, Juni 27 itakuwa ni Kamati kupitia pingamizi, usaili utafanyika Juni 28 na siku inayofuata, ni siku ya kutangazwa kwa wagombea. Julai 5 hadi 7 itakuwa kipindi cha kukata rufaa na kufuatiwa na kampeni.

Katika hatua nyingine Sendeu alisema uongozi umewatema rasmi wachezaji wake Amir Maftah na Jama Mba huku wakiendelea na kuzungumza na wachezaji waliomaliza mkataba wa kukipiga katika timu hiyo kwa ajili ya kusaini tena kwa msimu ujao.


Mambo ya Sweet Easy

June 23, 2010

image


Soupou yakwake Koffi Olomide

June 23, 2010

Inasemwa kuwa Koffi ni kati ya Wanamuziki wa Congo wanaotumia pesa nyingi sana kwenye shoooting ya Video za nyimbo zake. Hii inadhihirishwa na Video za nyimbo zake ambazo kiukweli huwa hazirudii mazingira aliyotumia kwa wimbo mmoja, akibadilisha mavazi, magari, nyumba anazofanyia shooting, hotel na wakati mwingine husafiri hadi Paris ama Ubelgiji kwa ajili ya kufanya shooting tu.

Naomba nikuonyeshe wimbo huu wa Soupou ambao ni moja ya  nyimbo zake ambazo shooting yake si haba.


%d bloggers like this: