Kivumbi Arsenal na Chelsea, Man Utd v Man City

November 30, 2008

Mashabiki kushangilia au kulia leo?

Mashabiki kushangilia au kulia leo?

LIGI Kuu ya Uingereza inaendelea tena kwa kuikutanisha miamba nane inayowania kutwaa taji hilo.

Miamba hiyo inayoshuka viwanja tofauti leo ni Chelsea ambayo itaikaribisha Arsenal, huku Man City watakuwa wenyeji wa mabingwa watetezi Manchester United, Portsmouth wao watakuwa wakikipiga na Blackburn, huku Tottenham wakipepetana na Everton.

Pamoja na kuwepo mechi zote hizo, macho na masiko ya mashabiki yatakuwa kwenye viwanja viwili vya Stamford Bridge ambako Chelsea na Arsenal zitakuwa zikitoana jasho na Uwanja wa Eastlands ambako Manchester City na Manchester United zitavaana.

Chelsea wataingia uwanjani kwa nia ya kuondoka na pointi tatu ambazo ni mhimu kwao, ili waendelee kujihimarisha kileleni mwa ligi hiyo, wakati Arsenal watakuwa na nia kama hiyo, ili waweze kuendelea kujiweka katika nafasi nzuri kwenye msimamo wa ligi hiyo.

Wakati timu hizo zikiwa na nia hiyo, Manchester wao wataingia uwanjani kusaka pointi tatu, ili kupunguza pengo la pointi ambazo inazidiwa na vinara wa ligi hiyo Chelsea na Liverpool, wakati Manchester City wao watakuwa na ni ya kuzitwaa pointi hizo, ili nao waweze kujiweka sawa katika mbio za kuwania ubingwa huo.

Mechi ya Chelsea na Arsenal itazikutanisha timu ambazo kila moja imewahi kutwaa ubingwa wa ligi hiyo mara tano, lakini Chelsea ikiwa ikiizidi Arsenal kwa kufanya vizuri katika misimu michache iliyopita, ambapo klabu hiyo ya Stamford Bridge haijamaliza misimu mitano ikiwa nje ya timu mbili bora wakati Gunners wao hawajawahi kugusa katika nafasi hiyo kwa kipindi cha miaka mitatu iliyopita.

Blues wataingia uwanjani wakiwa na rekodi ya kutofungwa, huku wakiwa kileleni mwa ligi wakiizidi pointi 10 Arsenal, ambayo imeshindwa kushinda mechi nne kati ya tano zilizopita, ingawa katikati mwa wiki hii ilifanikiwa kutinga hatua ya mtoano katika michuano ya Ligi ya Mabingwa.


Masikini Mramba, aikosa ndoa ya Binti yake!!

November 30, 2008

Binti Aifena Mramba, mtoto wa aliyekuwa Waziri wa Fedha, Bw. Basil Mramba akitoka Kanisa la Mt. Petro Oysterbay, Dar es Salaam jana mara baada ya kufunga pingu za maisha na Bw. Evans Msiba. Bw. Basil Mramba alikosa kuhudhuria harusi ya bintiye baada ya kushindwa kutimiza masharti ya dhamana licha ya unafuu uliotolewa na mahakama. (Picha na Zuberi Mussa Majira)

Binti Aifena Mramba, mtoto wa aliyekuwa Waziri wa Fedha, Bw. Basil Mramba akitoka Kanisa la Mt. Petro Oysterbay, Dar es Salaam jana mara baada ya kufunga pingu za maisha na Bw. Evans Msiba. Bw. Basil Mramba alikosa kuhudhuria harusi ya bintiye baada ya kushindwa kutimiza masharti ya dhamana licha ya unafuu uliotolewa na mahakama. (Picha na Zuberi Mussa Majira)

BI.AIFENA Mramba, binti wa aliyekuwa Waziri wa Wizara ya Fedha, Bw. Basil Mramba, amefunga ndoa na Bw. Evans Msiba, bila shamrashamra za aina yoyote kufuatia baba yake (Mramba) kushitakiwa na kukosa dhamana katika kesi inayomkabili na mwenzake, Bw. Daniel Yona, ya kuliingizia taifa hasara ya mabilioni ya fedha.

Washitakiwa wote kwa pamoja wanakabiliwa na makosa zaidi ya 10 yanayohusiana na uzembe wanaodaiwa kuufanya wakiwa kazini na kulisababisha taifa hasara ya zaidi ya sh bilioni 10.

Ndoa hiyo ilifungwa Dar es Salaam jana katika Kanisa la Mt. Petro huku kukiwa hakuna shamrashamra kama ilivyozoeleka kwenye sherehe za harusi. Aifena na Evans walitoka nje ya kanisa hilo wakiwa wameshikana mikono wakiwa tayari mke na mume, tabasamu angavu juu ya uso wa Bibi harusi likiashiria matumaini mapya ya maisha yake ya ndoa. Soma Majira kwa Habari Zaidi


Taifa Stars yaichapa Sudan 3-1

November 30, 2008

Wachezaji wa Taida Stars wakishangilia

Wachezaji wa Taida Stars wakishangilia. Picha na Mwananchi

NI raha, raha tupu. Ndivyo unavyoweza kusema baada ya ushindi mzuri wa Taifa Stars wa mabao 3-1 dhidi ya Sudan katika mchezo uliofanyika jana kwenye Uwanja Mkuu wa Tanzania.

Ushindi huo umeifanya Tanzania kujiweka pazuri kwa mchezo wa marudiano na kuanza kupigia mahesabu safari ya Ivory Coast kwenye fainali za Afrika kwa wachezaji wa ndani, CHAN, Julai mwakani.

Stars sasa inahitaji sare ya aina yoyote iweze kukata tiketi ya fainali katika mchezo wa marudiano utakaofanyika kati ya Desemba 13 na 15.

Katika mchezo huo ambao Stars walianza kwa mashambulizi tangu dakika ya kwanza baada ya Athumani Idd kupaisha mpira akimwangalia kipa wa Sudan Akram Elhad.

Stars wakionekana kutulia na kupanga mashambulizi ya kushitukiza waliliandama lango dakika tano za kwanza lakini Jerry Tegete mara zote hakuwa makini. Katika dakika ya 12, nusura Haruna Moshi ‘Boban’ aipatie Stars bao baada ya kupiga shuti kali na kipa wa Sudan, Elhad kulipangua.

Gonga hapa kusoma zaidi gazeti la Mwananchi


Waziri mkuu aruhusu YOGA MAlaysia lakini…

November 28, 2008

Mikao mbalimbali ya Yoga

Mikao mbalimbali ya Yoga ambayo National FATWA Committee inasema haifai kwa akina mama wa Kiislam

Wazirimkuu wa Malaysia Abdullah Ahmad Badawi amesema jana kuwa Michezo ya mazoezi ya viungo ya YOGA ambayo ilikuwa imezuiliwa na kupigwa marufuku kabisa kwa jamii ya kiislamu nchini humo inweza kuendelea kama baadhi ya marekebisho yakifanywa.

Mchezo wa YOGA ulitangazwa kuzuiliwa na kutangaziwa FATWA kwa yeyote ambaye atajaribu kuishiriki mapema wiki iliyopita na baadhi ya majimbo zaidi ya nane yalishaipitisha kuwa sheria kabla ya Waziri mkuu kutolea maelezo.

Kwa mujibu wa baraza la kiislamu la  National Fatwa Council, lilitangaza kupiga marufuku YOGA kwa waislamu kwa kusema kuwa inaingilia imani kwa jumuiya ya waislam na baadhi ya mikunjo yake si vyema kufanywa na jamii ya Waislamu hasa akina mama. lakini uamuzi huo ulionyeshwa kupingwa si tu na jamii ya waislamu wenyewe bali hata viongozi na baadhi ya majimbo kam Selango lilisema suala hilo inafaa lirudishwe kwa wananchi wao waamue.

Mwanamama akifanya Yoga

Mwanamama akifanya Yoga

“Nimewaambia baraza kuwa kama michezo hiyo itafanyika bila kuwa na malengo ya kuharibu au kuingilia imani ya mtu ni bora wakaiacha iendelee kwani kwa upande mwingine inafaida kwa jamii” alisema Abdulah.

Yoga ni mchezo ambao mchezaji hutakiwa kutulia na kufuata mienendo kwa step huku akili akiwa ameipumzisha jambo ambalo wachezaji husema huwapeleka mawazo mbali na mara nyingi kiutokwa na jasho jingi. hicho kipande ndicho kinasemwa kinaingiliana na imani.


Serikali Malaysia yazuia onyesho la mwanamuziki toka Indonesia

November 28, 2008

Inul

Inul

Mamlaka ya Halmashauri ya jiji la Kuala Lumpur (DBKL) imekataa maombi ya waandaaji wa onyesho la mwanamuziki toka Indonesia Inul Daratista, kwa kile kinachosemwa masuala ya kiusalama.

Akizungumzia uamuzi huo ofisa wa DBKL alisema kuwa awali ilipangwa mwanamuziki huyo maarufu kuwa na onyesho katika uwanja wa taifa wa Burkit JAril siku ya jumamosi tarehe 29 lakini ombi lake limekataliwa.

Imefahamika kwamba Mwanamuziki Inul haruhusiwi kutokana na miondoko yake ambayo inasemekana haiendani na maadili ya dini ya kiislam.Maofisa wa DBKL wanasema kuwa waandazi walishafahamishwa toka jumatatu.

Hii ni mara ya pili kwa mwanamuziki huyo kunyimwa kibali cha kufanya onyesho awali ilikuwa mwezi july.

Kwa mujibu wa asasi za kidini zilisema zitaandamana kupinga onyesho hilo jambo ambalo DBKL wamesema litahatarisha amani.

Malaysia ni nchi inayofuata dini ya Kiislam kwa mujibu wa dini hiyi mwanamke hatakiwi kuacha wazi baadhi ya maungo kama anavyofanya mwanamuziki huyu awapo jukwaani kwani hata cheza yake inasema inahamasisha ngono.

Gonga player upate kionjo cha mwanamuziki huyu machachari jukwaani (kiuno bila mfupa).


Tunawakilisha

November 28, 2008

Katambuga

Katambuga

Shavu kwa wadau wangu wa Kuala Lumpur si unaona wanavyowakilisha chata Katambuga!!


Mrembo wa Afrika Mashariki kupewa gari la kifahari

November 28, 2008

Lena Calist kushoto akimuonyesha Balozi Leandre Bagegwanubusa wa Burundi magari yatakayolewa kama zawadi kwa washindi wa shindano hilo. Picha na Mzee wa Full Shangwe!!

Na Majuto Omary wa Mwananchi

MSHINDI wa mashindano ya Miss East Africa yaliyopangwa kufanyika Desemba 19 mjini Bujumbura, Burundi atapata gari aina ya Lexus Rx 300 lenye thamani ya dola za Kimarekani 35,000 waandaaji wa mashindano hayo, Rena Events Limited wametangaza.

Afisa Mtendaji Mkuu wa kampuni hiyo, Rena Callist alisema kuwa mshindi wa pili atapata dola 5,000 na wa tatu dola 3,000 wakati wa nne na wa tano watapata dola 500 kila mmoja. Read the rest of this entry »


Manji taabani tena, akimbizwa Nairobi

November 28, 2008

Yusuph Manji

Yusuph Manji

MFADHILI mkuu wa Yanga, Yusuf Manji jana alilazimika kukimbizwa nchini Kenya kwa matibabu zaidi baada ya kuugua ghafla kwa mara nyingine.

Hii ni mara ya pili kwa mfadhili huyo wa Yanga kukimbizwa hospitali Nairobi kwa matibabu zaidi, mapema mwezi uliopita ilielezwa kuwa alipatwa na malaria kali na kukimbizwa hospitali ya Aga Khan na baadaye Nairobi, Kenya.

Hali kama hiyo ilimjia mfadhili huyo wa Yanga siku chache baada ya timu yake kuichapa Simba bao 1-0, mchezo uliofanyika kwenye Uwanja Mkuu wa Tanzania. gonga hapa usome zaidi.


Jah Kimbuteh kutumbuiza Africa winter jam fest- Finland

November 28, 2008
Jah Kimbuteh

Jah Kimbuteh

Mwasisi wa mziki wa reggae nchini Tanzania Jah Kimbute,atapanda jukwaani mjini Tempere,Finland,siku ya tarehe 7 February 2009 katika onyesho kubwa la aina yake Africa winter Jam festival.Mwanamziki huyo nyota wa raggae Jah Kimbute pia atakuwa na ziara ya kikazi barani ulaya kuanzia February 2009,

Mwaandaaji wa onyesho hilo Bwana Mernard Mponda, amezitaja bendi zingine zitakazo shiriki onyesho hilo ni bendi maarufu barani ulaya The Ngoma Africa Band inayoongozwa na mwanamziki nyota Ebrahim Makunja aka ras Makunja yenye makao yake nchini ujerumani,Pia Mwanamziki Lulu ya Tanzania Bi.Tabia Mwanjelwa ambaye kwa miaka mingi amekuwa kimya ataibuka katika katika onyesho hilo kwa kasi mpya!!!!!
Bendi ya Ngoma africa itawasili Tempere ,Finland kwa kazi moja tu ya kuwatia kiwewe na kuwadatisha hakili washabiki.
Jah Kimbute naye atatoa burudani ya aina yake kama walivyo mzoea washabiki wa scandinavia kwani sio mara ya kwanza kwa mwasisi huyo wa reggae kutumbuiza katika nchi hizo.
Tabia Mwanjelwa mwanadada wa Tanzania mwenye sauti ya kumtoa nyoka pangoni na kuleta mafuriko ya washabiki amehaidi kutoa burudani ya aina yake

Finaland kaeni mkao wa kula.

habari na Msema Kweli


Liverpool, Inter zapenya Ulaya, Chelsea bado

November 28, 2008

.

.

MABINGWA mara tano wa Ligi ya Mabingwa Ulaya, timu ya Liverpool, mabingwa wa Italia, Inter Milan na timu ya Atletico Madrid usiku wa kuamkia jana ziliungana na timu nyingine 10 hatua ya mtoano ya Ligi ya Mabingwa Ulaya, huku wana fainali Chelsea wakiwa bado na kibarua cha kusubiri hadi mechi ya mwisho ya mzunguko huo, baada ya kulazimishwa sare ya bao 1-1 na timu ya Bordeaux.

Katika mfululizo wa mechi hizo, mchezaji Steven Gerrard ambaye awali akuwa majeruhi, ndiye aliyeifungia Liverpool bao kwa kichwa dakika 23 na kuifanya timu hiyo iondoke kifua mbele kwa ushindi wa bao 1-0 dhidi ya Marseille, huku Atletico Madrid ikiilaza PSV Eindhoven kwa mabao 2-1 katika mechi nyingine ya Kundi D.

Kwa upande wao Inter Milan wao licha ya kutunguliwa bao 1-0, wakiwa nyumbani na timu ya Panathinaikos, walifanikiwa kutinga hatua hiyo kutokana na pointi ambazo inazo na ni timu moja ambayo inaweza kumaliza ikiwa juu ya timu hiyo, endapo itashinda mechi yake ya mwisho. Read the rest of this entry »


Odemba aja kishujaa

November 25, 2008
Mshindi wa Pili wa Miss Earth Air 2008 Miriam Odemba akipunga mkono baada ya kuwasili katika uwanja wa Ndege wa Kimataifa wa Mwalimu Julius Nyerere jana.

Jesca Nangawe wa Mwananchi

MSHINDI wa pili wa mashindano ya Miss Earth, Miriam Odemba jana alipokelewa kwa vishindo aliporejea kutoka nchini Philipines alipokwenda kushiriki mashindano hayo.

Odemba aliwasaili jana mchana, alipokelewa kwa kwa matarumbeta huku Uwanja wa Kimataifa wa Julius Nyerere ukiwa na shangwe kupindukia.

Mwakilishi kutoka Wizara ya Mambo ya Nje na Ushirikiano wa Kimataifa, Balozi Alex Masinde na Mkurugenzi Mtendaji wa Bodi ya Utalii Tanzania (TTB) Peter Mwenguo waliongoza wadau wa urembo kumpokea Odemba ambaye ameiwakilisha vyema Tanzania katika mashindano hayo. Read the rest of this entry »


“Nasema Nao”, Collabo ya AY na Chameleon inayotesa vilivyo!!

November 25, 2008

Unapozungumzia wanamuziki wa Tanzania walifanikiwa basi huwezi kumuacha AY kutokana na “Kolabo” za maana ambazo amekuwa akizifanya. Haya ndio tunayoyaita mapinduzi ya muziki huu wa kizazi kipya na huu ndio tunaitwa usanii kwani kwa kuwa msanii ni lazima uweze kumudu kucheza si tu na sauti bali hata na midundo tofauti. Ni hivi karibuni mwanamuziki huyu aliripotiwa kufanya kolabo ya maana na kundi la P-Square la huko Nigeria, Single ambayo inafanya vizuri kwenye chati za muziki.

Kwenye wimbo huu wa Nasema Nao uliokwenye mtindo wa mapokeo ambao AY ameshirikiana vyema na Jose Chameleon wa Uganda kwenye midundo aslia ya uganda na AY ameonyesha kipaji kikubwa kwa kunata na Beat kimtindo. Bonyeza Player upate kitu.


Albino United yaanza kugawa dozi

November 25, 2008

Msemaji wa Jeshi la Polisi Kamishna Msaidizi Abdalah Msika akikabidhi zawadi ya jezi pamoja na mipira kwa timu ya timu Albino United baada ya kuifunga Times FM bao 2-1
Msemaji wa Jeshi la polisi Afande Abdalah Msika akiwa katikati akiwa na timu ya Albino United ambapo timu hiyo iliibuka mshindi kwa kuifunga Times FM mabao mawili kwa moja mashindano hayo yalifanyia katika uwanja TT Sinza Darajani. Afande Mssika alikuwa mgeni rasmi. Picha na habari na Muhidin Issa Michuzi.


Fabregas achukua nafasi ya Gallas unahodha Arsenal

November 25, 2008
Cesc Fabreges

Cesc Fabregas

Kocha wa klabu ya Arsenal, Arsenal Wenger amemteua mchezaji mahiri Cesc Fabregas kushika hatamu ya uongozi wa wachezaji kwenye klabu hiyo, Fabregas amechukua nafasi ya Gallas ambaye ameshutumiwa kwa kutoa siri za klabu nje kutokana na kitendo cha wachezaji wawili kutaka kupimana nguvu. Akizungumzia uteuzi huo kocha Wenger amesema Fabregas atakuwa nahodha wa kudumu wa klabu hiyo na wala hajutii kitendo chake cha awali cha kumteua Galas kwa nafasi hiyo.


Ze Comedi Original wanatisha… we acha tuu

November 24, 2008

Wanaendeleza libeneke ndani ya TBC hili ni jembe kwa jirani!! pata kitu.


Babu amtema Gallas unahodha Arsenal

November 23, 2008

Gallas

W. Gallas

KOCHA Mkuu wa Arsenal, Arsene Wenger, amemvua unahodha wa kikosi hicho, William Gallas (31) na amemwambia akitaka kuondoka milango ipo wazi baada ya kutokea mzozo kati yake na wachezaji wa Arsenal. Gallas alitaka kuzichapa na wachezaji Robin van Persie na Theo Walcott katika vyumba vya kubadilishia nguo katika mchezo wa Ligi Kuu England dhidi ya Tottenham Hortspurs, ambapo timu hizo zilitoka sare mabao 4-4.
Gallas aliyesajiliwa kwa mbwembwe za aina yake kutoka Chelsea akibadilishana na beki wa kushoto, Ashley Cole, alitamka kuwa anataka kuondoka Arsenal baada ya kutokea tafrani hiyo na mara moja aliondoka klabuni hapo kuelekea nyumbani.
Wenger akionesha hasira kutokana na mwenendo mbaya wa Gallas alimwambia atabaki nyumbani Arsenal itakapovaana na Manchester City katika mchezo wa Ligi Kuu uliofanyika jana.

Chanzo cha habari kutoka kwa mtu wa karibu na Wenger, kilisema Mfaransa huyo amechoshwa na tabia za beki huyo ambaye alitakuwa kuwa mfano wa kuigwa na badala yake amekuwa chanzo cha vurugu ndani ya kikosi hicho akigombana mara kadhaa na wachezaji wenzake.
Gallas alipewa nafasi ya unahodha baada ya kuondoka Thierry Henry aliyejiunga klabu ya Barcelona ya Hispania. Henry alichukua nafasi ya Patrick Vieira anayecheza Inter Milan ya Italia. Gallas, Henry na Vieira wote ni raia wa Ufaransa.


Etoo alaumiwa kwa kumkacha Mandela.

November 23, 2008

.Mshambuliaji wa Barcelona, Samwel Eto’o kutoka Cameroon akiwa na aliyekuwa rais wa Afrika Kusini, Nelson Mandela mwaka jana. Etoo anadaiwa kukwepa kushiriki pambano kati ya nchi hizo juzi.

MSHAMBULIAJI wa Barcelona, Samuel Eto’o alishindwa kutokea kwenye mechi iliyoandaliwa na rais wa zamani wa Afrika Kusini wakati Cameroon ilipocheza dhidi ya wenyeji wa Kombe la Dunia 2010. Mwanasoka huyo bora mwaka mara tatu wa Afrika alishindwa kutokea uwanjani wakati Cameroon ilipokuwa ikicheza dhidi ya Bafanabafana mjini Rustenburg, umbali wa 200km kaskazini mwa Johannesburg jana.

Kocha wa Cameroon, Otto Pfister aliimbia Reuters na Shirikisho la soka la Afrika Kusini kuwa waliandaa tiketi na visa kwa wachezaji wao wote nyota akiwemo na Eto’o. Pia nahodha Rigobert Song na beki wa Newcastle United, Geremi hawakuwemo kwenye kikosi hicho.

FA ya Afrika Kusini ilikiri kumtumia tiketi ya daraja la kwanza mshambuliaji huyo, lakini Eto’o alishindwa kupanda ndege mjini Frankfurt Jumanne. ”Shirika hilo la ndege lilithibisha kuwa walipata taarifa za kuwepo kwa nyota huyo kwa ajili ya safari hiyo. Tulijaribu kumtafuta na kumpa taarifa hii lakini hakupatika,” alisema Raymond Hack.


Mbio za magari kuwika mwakani Bongo!

November 23, 2008
.

.

Mashindano ya mbio za magari ya Ubingwa wa Afrika yanatarajia kuwika Februari 20 hadi 22, 2009, hapa hapa nyumbani bongo.

Naye Mwenyekiti wa Kamati ya Maandalizi ya michuano hiyo Satinder Birdi alisema mashindano hayo yatashirikisha madereva vijana kutoka Afrika.
Kati ya madereva 25 mpaka 30 na madereva wa kigeni wapatao 20 watajumuika kwa pamoja kushiriki mashindano hayo, ambayo pia yakuwa ni njia ya kutangaza utalii wa Tanzania. Alisema mashindano hayo yanaandaliwa na Chama cha Mbio za Magari Tanzania (AA Tanzania), na kudhaminiwa na Kampuni ya Kobil Oil (T) Ltd.

Mashindano ya Ubingwa wa Afrika yatashirikisha baadhi ya madereva kutoka sehemu mbalimbali duniani, na kuwa mashindano ya mwakani yatafanyika katika nchi tano za Tanzania, Kenya, Uganda, Zambia na Zimbabwe. Taarifa kutoka Zimbabwe zinasema kuwa mashindano ya Dar es Salaam, nchi hiyo itaingiza timu tatu zitakazoongozwa na dereva Jamie Whyte.

Baada ya mashindano ya Dar yatafuatiwa na mashindano ya KCB Safari Rally yatakayofanyka Aprili 3-5, mwakani Nairobi, Kenya.

Hatua ya tatu ya mashindano hayo ya KCB Pearl yatafanyika Mei 1-3, Kampala, Uganda na kufuatiwa na yale ya Zambia yaliyopangwa kufanyika Julai 3-5 na kumalizikia Zimbabwe mwezi Agosti 14-16.

Na Dar Hotwire


Mjumbe hauwawi….!

November 21, 2008

Msomaji wangu mkuuu Irene mamaa na London, ameniomba nimuwekee wimbo huu wa Mr Paul wa Zuwena. Mjumbe hauwawi Mama Irene na London pata chindu!!


JB Mpiana asitisha ziara ya Marekani

November 20, 2008

JB Mpiana akiwajibika kwenye moja ya show zake

JB Mpiana akiwajibika kwenye moja ya show zake

Mwanamuziki JB Mpiana amelazimika kukatisha ziara yake kwa kile kinachodaiwa Promoter kutoheshimu mikataba ya awali, kwa mujibu wa tangazo lililotolewa jana na African Rythim (gonga hapa kusoma) mmoja wa waandazi wa ziara za JB Mpiana huko USA na Canada, JB Mpiana anatazamiwa kuondoka jumamosi ya kesho kurudi kwao Congo.

Habari ambazo waandazi hawajathibituisha na kunogeshwa na wadadisi wa masuala ya burudani na uchumi wamesema kusuasua kwa masuala ya kichumi duniani hasa America kumefanya watu kuangalia thamani ya pesa zaidi hivyo kupunguza baadhi ya matumizi yasiyo yalazima hasa burudani.

Habari zinapasha kuwa gharama za kuleta kundi la wanamuziki zaidi ya 20 na kuwatunza nchini Marekani zimekuwa kubwa na marejesho yamekuwa hayaridhishi. JB Mpiana pamoja na Wenge BCBG walikuwa kwenye ziara ya takribani miezi miwili huko USA na Canada, Aidha akiongea na Spoti na Starehe Web Editor wa JB Mpiana Guyguy Mpeye amesema kuwa Kwa sasa JB amesema anaelekeza nguvu kwenye onyesho la mkesha wa Christmas huko Grand Hotel Kinshasa, Onyesho ambalo linazungumziwa kula kona, pia aliongeza bado JB na Werasoni wanaompango wa kufanya onyesho la pamoja kama masuala muhimu yakiafikiana kama usalam na kupatikana Sponsor wa mtanange huo.

Habari ndio hiyo


%d bloggers like this: